உறவுகள்

[M.Jagadeesan]

நீ


சிகரங்களைத் தொட்டபோது மகிழாத உறவுகள்
பள்ளத்தில் விழுந்தபோது பரிகாசம் செய்தன
ஆனாலும்
உறவுகளை என்றும் உதறித் தள்ளாதே !



வாளேந்தும் பகைவனைக் காட்டிலும்
தாள்பணியும் உறவுக்காரன் ஆபத்தானவன் .
ஆனாலும்
உறவுகளை என்றும் உதறித் தள்ளாதே !


நீ


கைதூக்கி விட்ட உறவுகளே உன்னுடைய
காலை வாருவதற்குக் காத்துக் கிடக்கின்றன !
ஆனாலும்
உறவுகளை என்றும் உதறித் தள்ளாதே !

உறவுகளால் என்றும் உபத்திரவம்தான்
என்செய்வது !
சில சமயங்களில் நம்முடைய
கைவிரல்களே கண்ணைக் குத்துகின்றன
அதற்காக
விரல்களை வெட்டுவது விவேகம் ஆகுமா ?


உறவுகளைத் திருத்துவோம்
உறவுகளை அரவணைப்போம்
உறவுகளோடு வாழ்வோம் !

[Sabeekshana]

அழகிய வரிகள் ஐயா !!

உறவுகள் பற்றி தாம் அனுபவத்தால் கண்ட உண்மைகளை பகிர்ந்து கொண்டமைக்கு நன்றிகள்!!

[M.Jagadeesan]

தங்களின் பின்னுரைக்கு நன்றி !

[நாஞ்சில் த.க.ஜெய்]

அன்பின் அனுபவ வரிகள்.

[M.Jagadeesan]

ஜெய் அவர்களின் பின்னுரைக்கு நன்றி !

[கும்பகோணத்துப்பிள்ளை]

குற்றம் பார்க்கில் சுற்றமில்லை - எனும் முதுகிழவி சொல்லுக்கிணங்க
ஏற்றமிகு சொல்லெடுத்து தமிழ் கவிதை தந்த ஜயா!
உறவைத்திருத்தி உய்யும் வழி! அற்புதம்!

[M.Jagadeesan]

கு.பிள்ளை அவர்களின் பாராட்டுக்கு நன்றி !

[ravisekar]

உன்னோடு வாழ்தல் அரிது என்று இடும்பை கூர் என் வயிற்றுக்குச் சொன்னதுபோல்
உறவுக்கும் சொன்னீர்களா.. எதுவுமே 100 % மோசமல்ல. 100 % அக்மார்க்குமல்ல.

சமாளித்து உடன் அழைத்து பயணிக்க வேண்டிய அஜெண்டா - உறவுகளுக்கு மட்டுமல்ல. சக பணியாளர்களுக்கு.. ஏன் அனைத்து சக மனிதருக்கும் ஏன் சக உயிரிகளுக்கும்.. ஏன் அனைத்துக்குமே பொருந்தும்.

Inter-Dependence - இதுவே இன்றைய இருப்பின் அடிநாதம்.

எம் ஜெகதீசனுக்குப் பாராட்டுக்கள்.