இட்டலி

[M.Jagadeesan]

பாவையின் கன்னம்போல் மென்மையான இட்டலி
...பார்த்தாலே நாவூறும் சுவையான இட்டலி
தேவா மிர்தமும் இட்டலிக்கு ஈடாமோ ?
...தேங்காய்ச் சட்டினியும் , பருப்பு சாம்பாரும்
பூவான இட்டலிமேல் நல்லெண்ணெய் கலந்த
...பொடியையும் சேர்த்து சாப்பிட்டால் ஆஹா !
மூவாசை வென்ற முனிவரும் யோகியரும்
...துறப்பரோ இட்டலிமேல் அவர்கொண்ட காதல் !

[நாஞ்சில் த.க.ஜெய்]

தோசைக்கு மாற்றோ இந்த இட்டலி..அனைத்தையும் துறந்தவர் தான் துறவிகள் இவ்வாறு ஆசையை துறக்காதிருப்பவர் துறவியலல்லர்.தொடரட்டும் ...

[M.Jagadeesan]

எல்லாவற்றையும் துறப்பதுதான் துறவிக்கு அழகு .இதில் மாறுபட்ட கருத்து இருக்கமுடியாது ஆனால் சில துறவிகளின் நெஞ்சில் சில ஆசைகள் ஒட்டிக்கொண்டு இருக்கும் . இது அவர்களுக்கே தெரியாது.

இளங்கோ அடிகள் முற்றும் துறந்த முனிவர்தான். ஆனால் தமிழ் மொழியின்மீது கொண்ட பற்றை அவரால் துறக்க இயலவில்லை. அதன் விளைவாக எழுந்ததுதான் " நெஞ்சை அள்ளும் சிலப்பதிகாரம் "

[dellas]

பசியைத் தூண்டி விட்டீர்களே ஜெகதீசன்..

[கும்பகோணத்துப்பிள்ளை]

ஆகா! இட்டலிக்குத்தான் பல வகையான தொட்டுகைகள், துவையல்கள், பொடிகள், தொக்குகள், சாம்பார்கள், சட்னிவகைகள், ரசங்கள், குழம்புகள் இப்படி என்னிலடங்கா பட்டியல்.... சிலபேர் பீரையும் மோரையும் கூட தொட்டுக்கிறார். அதை சாப்பிடும் போதுகூட இட்டலியால தொட்டுஞ்சாபிடலாம் தொட்டுக்கைய இட்டலிமேல போட்டுஞ்சாப்பிடலாம். ஆனா இட்டலியய்யே எப்ப எப்படி தொட்டுகையா சாப்பிடலாம் தெரியுமோ......

முதநா ராத்திரி நிறைகட்டுன சாதத்த தொடம தண்ணிஊத்தி உறவிட்டு மறுநா காத்தால பல்ல மட்டும் விளக்கிட்டு ஒரு வட்டுல தண்ணிசாதத்த விட்டு, கெட்டி தயிரும், இரண்டா வெட்டிய வெங்காயமும், கொஞ்சம் கிள்ளிய மல்லி, கறிவேப்பிலை இட்டு பக்கத்தில வச்சிகிட்டு ஒரு தட்ல ஒரு இட்டலி அது மேல நேத்தி வைச்ச புளிகொழம்பு இல்லன்னா தாளிச்சட்னி விட்டு தொட்டுகிட்டு பழையத ஒரு வெட்டு வெட்டலாம்........ம்..ம்..... தின்னுகெட்ட குடும்பம்! திட்டுவேற!

ஜெகதீசன் அய்யா! இப்படி சாப்பிட்டா முனிவருக்கென்ன அந்த முக்கண்ணனுக்கே பிட்டுமேல பற்றுபோய் இட்டலிமேல ஆசை வந்திடும்.

[Sabeekshana]

ஐயா நான் தற்போதே சென்று தாயாரிடம் இட்லி வேண்ட போகிறேன்.

நாவின் சுவை நரம்புகளை தூண்டியமைக்கு நன்றி!!

[கீதம்]

அருமையானதொரு பாடல் பெற்ற இட்டலி பாக்கியசாலி. அந்த அருமையான இட்டலி கிடைக்கப்பெற்றவர் அதிபாக்கியசாலி. பாராட்டுகள் ஐயா.

[அனுராகவன்]

பாராட்டுக்கள் நண்பா...அருமையாக இருக்கு

[M.Jagadeesan]

நாஞ்சில் த.க.ஜெய் , டெல்லாஸ், கு. பிள்ளை, சபீக்ஷனா , கீதம் மற்றும் அச்சலா ஆகியோரின் பாராட்டுக்கு நன்றி !

[ஓவியன்]

ஒரு வெள்ளைக் காரரிடம் பேசிக் கொண்டிருந்தேன், உங்க சாப்பாடுகள் அருமையா இருக்கும்னு எனக்கு கூறினார், தொடர்ந்து பேசுகையில் தான் எப்பவோ ஒரு தடவை துபாயில் சாப்பிட்ட உணவு வேண்டுமென அடம் பிடித்தார். அவர், வர்ணித்த விதத்திலேயே புரிந்தது அவர் சாப்பிட்டது இட்லியென்று....

ஒரு தடவை சாப்பிட்டவரையே, தன் வசம் இழுத்த வல்லமை இட்லிக்குத்தான் உண்டு போல...!!

அருமையாக சந்த நயத்துடன் அமைந்த இட்லிப் பாடலுக்கு என் வாழ்த்துகளும்..!!

[பென்ஸ்]

ஹா ஹா...

இட்டலிக்கு கிடைத்த பாராட்டு ,
இட்டலி சுட்டவருக்கு தெரியுமா..??

அப்படியே ஒரு சந்தேகம்..
அது இட்லியா
இல்லை இட்டலியா..??

[செல்வா]

நுமதருமைத்தமிழால் பாடல் பெற என்ன தவம் செய்ததோ அந்த இட்டலி. இட்டலி சமைத்தவரையும் இணைத்திருந்தால் இன்னும் சிறப்பாயிருந்திருக்கும்.