Results 1 to 11 of 11

Thread: இ-கலைவன்: தமிழ் ஆங்கில அகராதி (Software for Tamil - English)

                  
   
   
  1. #1
    புதியவர்
    Join Date
    11 Jun 2013
    Posts
    18
    Post Thanks / Like
    iCash Credits
    4,807
    Downloads
    0
    Uploads
    0

    இ-கலைவன்: தமிழ் ஆங்கில அகராதி (Software for Tamil - English)

    இணையத்தில் உலா வரும் தமிழர்களுக்கும், தமிழ் மாணவர்களுக்கும் உதவும் நோக்கத்தில் ஆஃப்லைனிலேயே இயங்கக்கூடிய ‘ஆங்கிலம் – தமிழ்’ அகராதி மென்பொருளை உருவாக்கி இருக்கிறார், திருப்பூரைச் சேர்ந்த சேகர்.

    தொழில்நுட்பத் துறையைக் கல்வி நிலையத்தில் படிக்காமல், தனது முயற்சிகளால் தாமாகவேத் தேடிப் பயின்று, இளம் மாணவர்களுக்கு கற்றுதரும் அளவுக்கு முன்னேறி இருக்கிறார், இந்த 40 வயது இ-கலைவன். கோவை – சரவணம்பட்டியில் குமரகுரு கல்லூரிக்கு அருகில், ‘இ-கலை’ கணினி என்ற தொழில்நுட்ப பயிற்சி மையம் ஒன்றையும் நடத்தி வருகிறார்.

    ஓர் ஆண்டு காலம் முழுமையாக உழைத்து, இவர் யுனிகோடில் உருவாக்கி இருக்கும் அகராதியின் பெயர் – ‘களஞ்சியம் அகராதி’.

    ஆன்லைனிலும், தொழில்நுட்ப உலகிலும் தாம் கடந்து வந்த பாதையை விவரித்த சேகர், ‘‘நான் பிறந்த ஊர் போத்தம்பாளையம் என்னும் குக்கிராமம். எந்த அடிப்படை வசதிகளும் இல்லாத எங்கள் நெசவு குடும்பம் திருப்பூருக்கு குடிபெயர்ந்தது. அங்கு ஆங்கிலம் மற்றும் தொழில்நுட்பம் சம்பந்தப்பட்ட அறிவை கற்றுக்கொள்ளும் சூழ்நிலை ஏதுவாக இல்லை. இந்நிலையில் வானொலியிலும், பத்திரிகைகளிலும் வரும் அறிவியல் சம்பந்தமான் கட்டுரைகளை கேட்டும், படித்தும் ஆராய்ந்தும் திறமையை வளர்த்துக்கொண்டேன்.

    எங்கள் கிராமத்து பள்ளியில் நாங்கள் ஆசிரியர்கள் வந்தால் “காலை வணக்கம் ஐயா” என்றும், அட்டென்டன்ஸ் எடுக்கும்போது “உள்ளேன் ஐயா” என்றும் 10 வருடங்கள் பழகிய நாக்கு, நகரத்துக்கு வந்து “Good morning Sir”, “Present Sir”-ருக்கு பழக பல மாதங்கள் ஆகிவிடும். அந்தப் பள்ளி மாணவர்களிடம் கேட்டால் அவமானமாகிவிடும் என்பதால் அவர்களிடமும் கேட்கமாட்டோம். Dictionary என்பது படிக்கும் காலம் வரை ஒரு சிலருக்கு மட்டுமே கிடைக்கும். காரணம் அப்பொழுதெல்லாம் வாத்தியார் எழுதி கொடுக்கும் நோட்டு புத்தகங்கள்தான் வீட்டில் வாங்கி தருவார்கள். அதில் Dictionary இருக்காது.

    கிராமத்தில் உள்ளவர்களுக்கு எப்படி தொடங்கவேண்டும், எப்படி படிக்க வேண்டும் என்று விளக்கமளிக்கூடியவர்கள் குறைவாக உள்ள காரணத்தால், மாணவர்கள் புரியாமல் படிப்பதனால் கால விரயத்துடன் படித்தது பயனற்றதாக ஆகிவிடுகிறது. அதைப் போக்க அனைத்தும் அடங்கிய எளிமையான ஒரே ஒரு நூல் தமிழில் இருந்திருந்தால் பயனுள்ளதாக இருந்திருக்கும்.

    ஆங்கிலத்தில் கணினி, மருத்துவம் மற்றும் தொழில் நுட்ப அறிவுள்ள புத்தகங்கள் ஏராளம். அவற்றில் வரும் வார்த்தைகளை புரிந்துகொள்வது மாற்று மொழிக்காரர்களுக்கு அதிலும் தமிழ் மொழி கொண்டவர்களுக்கு எப்போதுமே சவால்தான். இன்னும் நிறைய பேருக்கு உச்சரிப்பில் “Message”- “மெஜேஜ்” ஆகிவிடும், “Fan” – “ஸ்பேன்” ஆகிவிடும்.

    இன்றைய கணினி பயன்பாட்டில் இணையத்தில் இருந்து ஏராளமாக நமக்கு வேண்டிய புத்தகங்களை PDF, EBUP போன்ற கோப்புகளில் இலவசமாக Download செய்து கொண்டு படிக்கலாம். ஆனால், இங்கும் பிரச்னை வார்த்தைகளுக்கான பொருள்தான். இணையம் இருந்தால் இணையத்தில் தேடிக்கொள்ளலாம். அதில் நமது கவனமும், நேரமும் வீணாகும். இன்டர்நெட்டில் எலி பிடிக்கபோய் குரங்கை பிடித்து வருவோம்.

    பத்தாவது வரை தமிழில் படித்தேன். அதுவரை தமிழில் கற்றதால் ஆங்கிலம், அறிவியல் கணினி சம்பந்தபட்ட வார்த்தைகள் மிகப் புதிதாகக இருந்தன. அதற்கு விளக்கம் தேடி நூலகம் சென்று படிப்பேன். இருந்தபோதும் ஒரு முழுமையாக என் தேடல்களுக்கான தீர்வுகள் கிடைக்கவில்லை. இதை அனைத்தையும் ஒரே இடத்தில் கொண்டு வர வேண்டுமென்ற என்னுடைய கனவு கணினியில் சாத்தியம் என்பது புரிந்தது. இது சம்பந்தமான தேடல்களில் கணினி மொழிகளை பலவற்றையும் கற்றுக் கொள்ளும் ஆர்வம் பிறந்தது.

    நான் கணினியில் புரோகிராமிங் கற்றுக்கொள்ள PDF கோப்புகளில் உள்ள ஆங்கில புத்தகங்களை படிக்கும்போது ஏற்பட்ட இடர்கள் ஏராளம். “For loop”, “If condition”-க்கு எல்லாம் பொருள்தேடியவன் நான். இதைப்போன்ற இடர்பாடுகள் தமிழில் படிப்பவர்களுக்கு இருக்கக்கூடாது என்று அவர்களுக்கு பயன்படும் வகையில் ஒரு மென்பொருளை உருவாக்கவேண்டும் என்கிற எண்ணம் உதித்தது. English-English ஏராளமான அகராதிகள் உண்டு. ஆனால், தமிழில் ஒரு சிலவே உண்டு. அவையும் கால மாற்றத்திற்கு ஏற்ப ஒருங்கு குறிக்கு (Unicode) மாற்றமடையவில்லை, அது தவிர, புதிய Windows 7, Windows 8 போன்ற நவீன இயங்கு தளங்களில் இயங்காது. தமிழில் Unicode அகராதிகள் ஆன்லைனில் உண்டு. ஆனால் Desktop-ல் இயங்கும் அகராதி இல்லை. இதன் விளைவாக உருவானதுதான் ‘களஞ்சியம் அகராதி’.

    என்னுடைய கணினி அனுபவ அறிவைப் பார்த்து ஒரு சில மென்பொருள் கம்பெனிகள் அழைத்தபோதும், எனக்கு ஆங்கில அறிவு போதிய அளவு இல்லாமையால் அந்த வாய்ப்புகள் தவறிவிட்டன. என்னைப் போல சிரமப்படும் மாணவர்களுக்கு என்னால் இயன்ற வரையில் HTML, CSS, Javascript, Java, C, C# , SQL, Animation, Electronics மற்றும் Embedded Project போன்றவற்றை தமிழில் மாணவர்களுக்கு கற்றுத்தருகிறேன்.

    கல்வியில் உயர்ந்த சமுதாயமே உலகின் உயர்ந்த சமுதாயம். அந்த உயர்ந்த நோக்கோடு தான் தமிழக அரசு அனைத்து மாணாக்கர்க்கும் மடிக்கணினி தந்துள்ளது. அதனால் மாணவர்களின் அறிவு மிகவும் மேம்பாடு அடையும். அதற்கு கூடுதல் உந்து சக்தியாக இருக்க கல்வி பயன்பாட்டிற்கான இந்த களஞ்சியம் அகராதி இலவசமாக இணையத்தில் Download செய்துகொள்ளலாம்.

    இன்றைய இளைஞர்களுக்கும், இளைஞிகளுக்கும் படிப்பதற்கு ஏராளமான வாய்ப்புகள் உள்ளன. அதேபோல் படிப்பை கெடுப்பதற்கும் நிறைய வாய்ப்புகள் உள்ளன. இருந்தாலும் நம் ஒவ்வொருவருக்கும் இந்த சமுதாயத்திற்கும், உலகிற்கும் செய்ய நிறைய கடமைகள் இருக்கின்றன என்பதை கருத்தில் கொண்டால் வெற்றியடைவது என்பது நிச்சயம். இந்த உலகில் வெறும் 2% மட்டுமே கண்டுபிடிக்கப்பட்டுள்ளன. மீதி 98% Dark Mater-ராக இன்னும் கண்டுபிடிக்கபடாமல் உள்ளன. அதில் வருங்காலத்தில் தமிழகத்தின் கண்டுபிடிப்பின் பங்கு அதிகமாக இருக்கட்டும்.

    எனக்கு பிடித்த பொன்மொழி உங்களுக்கும் நிச்சயம் பிடிக்கும். “என்னை தலை குனிந்து படி, உன்னை தலை நிமிரச் செய்வேன்- என்று சொன்னது புத்தகம்.”

    இந்த உலகம் என்பது நமக்கு சொந்தமல்ல. இதை நம் எதிர்கால சந்ததியிடம் இருந்து கடன் வாங்கியுள்ளோம். அதை பத்திரமாக, நாம் அனுபவிக்கும் இத்தனை வசதிகளுடனும் அவர்களுக்கு ஒப்படைக்க வேண்டும். அதுதான் நம் ஒவ்வொருவருக்கும் இருக்கும் இப்போதுள்ள தலையாய கடமை. எனவேதான் எனது ஆஃப்லைன் அகராதியை இலவசமாகவே வழங்குகிறேன்” என்றார் சேகர்.

    களஞ்சியம் அகராதியின் சிறப்புகள்:

    * ஒருங்குகுறி (Unicode) கொண்டு உருவாக்கப்பட்டது.

    * 2 லட்சத்துக்கும் மேற்பட்ட தனிப்பட்ட வார்த்தைகளுக்கான பொருள் கொண்டது.

    * 40 லட்சத்துக்கும் மேற்பட்ட பொருள் தரும் இணைப்பு வார்த்தைகள்.

    * ஆங்கிலம் – தமிழ், ஆங்கிலம் – ஆங்கிலம், தமிழ் – தமிழ் மற்றும் பல்கலைகழகக் பேரகராதி ஆகிய அனைத்து அகராதிகளையும் உள்ளடக்கியது.

    * 3000-க்கும் அதிகமான படங்கள்.

    * உலக நாடுகளின் கண்டம், வரைபடம், கொடி கொண்டது.

    * தமிழில் (Built-in Tamil Typing) தட்டச்சு செய்து வார்த்தைகளுக்கு பொருள் தேடும் வசதி.

    * தமிழிலும், ஆங்கிலத்திலும் படித்துச் சொல்லும் (LH-Michelle & LH-Michael).

    * கணினியில் எங்கிருந்தும் ஒரு வார்த்தையை தேர்வு செய்துகொண்டு Shortcut key (Ctrl + ~) அழுத்தினால் வார்த்தைக்கான பொருள் கிடைக்கும்.

    * தானியக்க இருமொழித் தேடுதல் (Automatic encoding)

    * புதிய வார்த்தை, பொருள் மற்றும் படங்களை பயனாளரே இணைத்து கொள்ளும் வசதி.

    * Free Software (இலவச மென்பொருள்)

    * தமிழில் முதல் மேஜைபயன்பாட்டு (Windows Desktop) ஒருங்குகுறி (Unicode) அகராதி.

    * Destop-ல் விரும்பிய வார்த்தைகளை விரும்பிய வண்ணங்களில், எழுத்துருக்களில் அமைத்துக் கொள்ளலாம்.

    * Windows XP, Windows 7, Windows 8 சார்ந்த இயங்கு தளங்களில் இயங்கும்.

    தரவிறக்கம் செய்ய:

    http://www.ampalam.com/2013/07/%e0%a...e%9a%e0%ae%ae/

  2. #2
    இளம் புயல் பண்பட்டவர் அமீனுதீன்'s Avatar
    Join Date
    19 Dec 2009
    Location
    துபாய்
    Age
    51
    Posts
    181
    Post Thanks / Like
    iCash Credits
    10,896
    Downloads
    137
    Uploads
    6
    நல்ல முயற்சி, வாழ்த்துக்கள்
    முயற்சி உடையார் இகழ்சி அடையார்...

  3. #3
    புதியவர்
    Join Date
    23 Jun 2013
    Posts
    4
    Post Thanks / Like
    iCash Credits
    4,990
    Downloads
    1
    Uploads
    0
    நன்றி வாழ்த்துக்கள்

  4. #4
    இனியவர் பண்பட்டவர்
    Join Date
    27 Mar 2011
    Location
    madurai
    Age
    54
    Posts
    539
    Post Thanks / Like
    iCash Credits
    31,204
    Downloads
    2
    Uploads
    0
    மிக்க நன்றி ..பாராட்டுகள்

  5. #5
    புதியவர்
    Join Date
    17 Dec 2010
    Posts
    6
    Post Thanks / Like
    iCash Credits
    8,989
    Downloads
    0
    Uploads
    0
    மிகவும் நல்ல பயன்பாடு(application). நான் இதை பயன்படுத்திவிட்டு அதன் வசதிகளை பார்த்து பிரமித்துபோனேன். மேலும் சேகர் அவர்களை தொடர்புகொண்டு வாழ்த்துக்களையும் தெரிவித்தேன்.அருமையான மனிதர் பேச்சில் எந்த ஒரு கர்வமும் இல்லாதவர். தனி ஒரு மனிதனாக இருந்து இந்த பணியை செய்துள்ளார். எந்தஒரு லாப நோக்கமும் இல்லாமல் செய்த இந்த பணி அந்தளவிற்கு மக்களை சென்றடையவில்லை என்று தான் சொல்லவேண்டும். காரணம் ஊடகங்கள், சினிமா செய்திகள், அரசியல் செய்திகளுக்கு முக்கியத்துவம் கொடுக்கும் இவர்கள் நம் மொழி சார்ந்த செய்திகளுக்கு கொஞ்சம் முக்கியத்துவம் கொடுக்க வேண்டும். விகடன் மற்றும் சில பத்திரிகைகள் தவிர இந்த தமிழ் சேவையை கண்டுகொள்ளவில்லை.

    இதற்கும் சேகர் கணனி துறையில் எந்த பட்டமும் வாங்கியதில்லை. அவர் படிப்பு SSLC மட்டுமே. Embeded programming பயிற்சியை கணனி முதுகலை (Master) படிக்கும் பலருக்கு அளித்துவருகிறார். கணனி படித்த பல மேம்புனர்கள்(Developer) தமிழ் நாட்டில் நிறைய உண்டு. அதில் தமிழின் வளர்ச்சிக்கு ஆர்வமுடன் பணியாற்றும் நபர்கள் என்றால் குறைவு தான். மேலும் பல தமிழ் கணனி பணிகளை செய்து வரும் அவருக்கு எனது வாழ்த்துக்கள்.

  6. #6
    புதியவர்
    Join Date
    17 Dec 2010
    Posts
    6
    Post Thanks / Like
    iCash Credits
    8,989
    Downloads
    0
    Uploads
    0
    மிகவும் நல்ல பயன்பாடு(application). நான் இதை பயன்படுத்திவிட்டு அதன் வசதிகளை பார்த்து பிரமித்துபோனேன். மேலும் சேகர் அவர்களை தொடர்புகொண்டு வாழ்த்துக்களையும் தெரிவித்தேன்.அருமையான மனிதர் பேச்சில் எந்த ஒரு கர்வமும் இல்லாதவர். தனி ஒரு மனிதனாக இருந்து இந்த பணியை செய்துள்ளார். எந்தஒரு லாப நோக்கமும் இல்லாமல் செய்த இந்த பணி அந்தளவிற்கு மக்களை சென்றடையவில்லை என்று தான் சொல்லவேண்டும். காரணம் ஊடகங்கள், சினிமா செய்திகள், அரசியல் செய்திகளுக்கு முக்கியத்துவம் கொடுக்கும் இவர்கள் நம் மொழி சார்ந்த செய்திகளுக்கு கொஞ்சம் முக்கியத்துவம் கொடுக்க வேண்டும். விகடன் மற்றும் சில பத்திரிகைகள் தவிர இந்த தமிழ் சேவையை கண்டுகொள்ளவில்லை.

    இதற்கும் சேகர் கணனி துறையில் எந்த பட்டமும் வாங்கியதில்லை. அவர் படிப்பு SSLC மட்டுமே. Embeded programming பயிற்சியை கணனி முதுகலை (Master) படிக்கும் பலருக்கு அளித்துவருகிறார். கணனி படித்த பல மேம்புனர்கள்(Developer) தமிழ் நாட்டில் நிறைய உண்டு. அதில் தமிழின் வளர்ச்சிக்கு ஆர்வமுடன் பணியாற்றும் நபர்கள் என்றால் குறைவு தான். மேலும் பல தமிழ் கணனி பணிகளை செய்து வரும் அவருக்கு எனது வாழ்த்துக்கள்.

  7. #7
    புதியவர்
    Join Date
    17 Dec 2010
    Posts
    6
    Post Thanks / Like
    iCash Credits
    8,989
    Downloads
    0
    Uploads
    0
    அய்யய்யோ ரெண்டு தடவை பதிவாகிடுச்சு... ஒன்ன தூக்கிடுங்க அட்மின் அவர்களே

  8. #8
    இளம் புயல் பண்பட்டவர்
    Join Date
    18 Aug 2013
    Location
    Mumbai
    Posts
    318
    Post Thanks / Like
    iCash Credits
    6,108
    Downloads
    2
    Uploads
    0
    தான் பட்ட கஷ்டத்தை தன்னைப் போன்ற மற்றவர்கள் படக்கூடாது என்ற எண்ணத்தில் சேகர் உருவாக்கியிருப்பது மிகவும் பாராட்டுக்குரியது.
    இவரைபோன்றவர்களின் முயற்சிக்கு உரிய மதிப்பும் பாராட்டும் கிடப்பதில்லை என்பது வருத்தப் பட வேண்டிய உண்மை.
    தகவலை பகிர்ந்து கொண்டதற்கு நன்றி.
    எவன் ஒருவன் தனக்குத்தானே கட்டுப்பாடுகளை விதித்துக்கொள்கிறானோ அவனே சுதந்திரமான மனிதன் - மகாத்மா காந்தி

  9. #9
    இளம் புயல் பண்பட்டவர் ஸ்ரீசரண்'s Avatar
    Join Date
    08 Nov 2010
    Location
    கொங்குத் தமிழ் கொஞ்சும் கோவை
    Posts
    127
    Post Thanks / Like
    iCash Credits
    18,779
    Downloads
    2
    Uploads
    0
    தரவிறக்கம் செய்ய முயற்சித்தேன்,
    பிழையான பக்கம் என்று வந்தது.
    தயவு செய்து சரியான முகவரி கொடுக்கவும்.
    சேகர் அவர்களுக்கு வாழ்த்துக்கள்

  10. #10
    இளம் புயல் பண்பட்டவர் அமீனுதீன்'s Avatar
    Join Date
    19 Dec 2009
    Location
    துபாய்
    Age
    51
    Posts
    181
    Post Thanks / Like
    iCash Credits
    10,896
    Downloads
    137
    Uploads
    6
    முயற்சி உடையார் இகழ்சி அடையார்...

  11. #11
    மன்றத்தின் சுடர் பண்பட்டவர் அனுராகவன்'s Avatar
    Join Date
    24 Jan 2008
    Location
    சிங்கப்பூர்
    Posts
    5,009
    Post Thanks / Like
    iCash Credits
    28,883
    Downloads
    25
    Uploads
    3
    நன்றி..நானும் பெற்றுக்கொண்டேன்..
    என்றும் அன்புடன்
    அச்சலா

    ..................................................................................
    வாழ்க்கையில் திட்டமிட தவறாதே
    திட்டமிட்ட வாழ்க்கை தவறாதே

    ..................................................................................

Thread Information

Users Browsing this Thread

There are currently 1 users browsing this thread. (0 members and 1 guests)

Tags for this Thread

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •