உறக்கம்

[M.Jagadeesan]

காலையில் பனித்துளி புல்மிசை உறங்கும்
......கண்மணிக் குழந்தை தூளியில் உறங்கும்
சோலையில் வண்டினம் பூவிடை உறங்கும்
......சோதியின் நிலவில் விண்மீன் உறங்கும்
மாலையில் கதிரவன் கடலிடை உறங்கும்
......மன்மதன் அம்புகள் என்னை வருத்துமுன்
வாலைக் குமரியே !உந்தன் மார்பினில்
......மெல்லச் சாய்ந்து நானும் உறங்கவோ ?

[A Thainis]

உன் எழுத்தில் இன்பத் தமிழ்க் கவி உறங்கும், இனிமை வரிகள், ரசிக்க வைத்தன வாழ்த்துக்கள் ஜெகதீசன்.

[கும்பகோணத்துப்பிள்ளை]

இளமை உறக்கம் இனிமை!

[நாஞ்சில் த.க.ஜெய்]

தமிழ் கவி புனையும் உறக்ககவி ..தொடரட்டும் ..

[prakash01]

உறக்ககவி அருமை வாழ்த்துக்கள் ஐயா..

[கீதம்]

பனித்துளி உறக்கம் பகலவன் வரைக்கும்
சிசுவின் உறக்கம் பசியறியும் வரைக்கும்

வண்டின் உறக்கம் மயக்கமுள்ள வரைக்கும்
விண்மீன் உறக்கம் வெள்ளிநிலா வரைக்கும்

கதிரவன் உறக்கம் காலைவரை இருக்கும்
உறங்கும் யாவர்க்கும் விழிப்பும் இருக்கும்

வந்திடுமோ விழிப்பு மார்துயிலும் உனக்கு?
விடுவதுண்டோ விடுப்பு மதனவன் தன்பணிக்கு?

[ஆர்.ஈஸ்வரன்]

நன்று