தமிழ் மன்றத்திற்க்கு வணக்கம். சுய அறிமுகம்

[irungovel]

சபையோர்க்கு வணக்கம்.

என் பெயர் இருங்கோவேள். அ. போ.

பொருநை நதிக்கரையோரம் பிறந்து, வைகை நதிக்கரையோரம் கல்வி பயின்று 1986 முதல் வங்கக்கரையோரம் - சென்னையம்பதியில் வாழ்ந்து வருகிறேன்.

தற்போது சென்னையில் உள்ள சங்கர நேத்ராலயா கண் மருத்துவமனையில் மருத்துவ சமூகவியலாளராக, நோயாளிகள் கல்வி மற்று ஆலோசனை - மேலாளராக பணியாற்றி வருகிறேன்.

ஆர்வம் காரணமாக, சமூகவியல், உளவியல், மருத்துவமனை மேலாண்மை, தமிழ் இலக்கியம் போன்ற துறைகளில் முதுகலை பட்டமும், ஆய்வியல் பட்டமும் பெற்றுள்ளேன்.

தினமணி, தினமலர், ஆனந்த விகடன், குமுதம், அமுதசுரபி, தி ஹிந்து, தி நியூ இந்தியன் எக்ஸ்பிரஸ், போன்ற இதழ்களில் சில பல படைப்புகள் எழுதியுள்ளேன்.

தமிழ் மன்றத்தின் செயல்பாடுகளில் மனம் லயித்து இதோ உங்களோடு அவ்வப்போது உரையாட உறவாட வருகிறேன்.

வணக்கத்துடனும், வாழ்த்துக்களுடனும்,

அன்பன்
அ போ இருங்கோவேள்

[கீதம்]

சுய அறிமுகம் அசத்தல். பன்முகத் திறமை கொண்ட ஒரு படைப்பாளரை நம் மன்றத்தில் வரவேற்பதில் மிக்க மகிழ்ச்சி. தங்கள் அனுபவங்களையும் எண்ணங்களையும் மன்றத்தில் பிற உறுப்பினர் படைப்புகள் பற்றிய தங்கள் திறனாய்வையும் வழங்கினால் யாவரும் மகிழ்வோம். என்றென்றும் மன்றத்தோடு இணைந்திருக்க வாழ்த்துக்கள் நண்பரே.

[ஜான்]

அன்பு வரவேற்பு,இருங்கோவேள்

[M.Jagadeesan]

தங்களுடைய தூய தமிழ்ப் பெயரே , தங்களுடைய தமிழார்வத்தைப் பறைசாற்றுகிறது. வருக நண்பரே ! வணக்கம்.

"தமிழ் மன்றத்திற்க்கு வணக்கம் " என்று எழுதியுள்ளீர்கள். வல்லின " ற் " வந்தால் அடுத்து " க் " வராது. " தமிழ் மன்றத்திற்கு வணக்கம் " என்று எழுதினாலே போதுமானது.

[yazhini]

வணக்கம் இருங்கோவேள்!! உங்களை போன்ற சான்றோருடன் உரையாட தளம் அமைத்து கொடுத்த தமிழ் மன்றத்திற்கு கோடி நன்றிகள்.

[jpl]

நல்வரவு இருங்கோவேள்..நல்ல அழகிய தூய தமிழ் பெயர்..

[A Thainis]

இனிய வரவு இருங்கோவேள் தமிழ் மன்றத்திலும் தொடரட்டும் உங்களது இனிய தமிழ் பணி, வாழ்த்துக்கள்.

[govindh]

வணக்கம்....வருக...வருக...
வாழ்த்துக்கள்.

[irungovel]

மிக்க நன்றி அன்பரே,

ஒற்றுப்பிழையை சுட்டிக்காடியமைக்கு.

வணக்கத்துடன்,
அ போ இருங்கோவேள்

தங்களுடைய தூய தமிழ்ப் பெயரே , தங்களுடைய தமிழார்வத்தைப் பறைசாற்றுகிறது. வருக நண்பரே ! வணக்கம்.

"தமிழ் மன்றத்திற்க்கு வணக்கம் " என்று எழுதியுள்ளீர்கள். வல்லின " ற் " வந்தால் அடுத்து " க் " வராது. " தமிழ் மன்றத்திற்கு வணக்கம் " என்று எழுதினாலே போதுமானது.

[irungovel]

அன்பார்ந்த உறுப்பினர்களுக்கு,

நன்றி.

எனது பெயர் என் தந்தையும், பாட்டனாரும் எனக்கு வைத்த பெயர். இது எனது பாட்டனாரின் பெயரும் கூட. பல சந்தர்ப்பங்களில் எனது பெயரை தவறாக “இளங்கோவேல்” என்று பலரும் குறிப்பிடும்போது, அதனை சரி செய்யும் பணி சற்று அதிகம்.

பெயர்க்காரணத்தை என் பாட்டனாரிடம், நான் ஆரம்ப பாடசாலை மாணவனாக இருந்த போது கேட்ட போது பல செய்திகள், வரலாற்று சம்பவங்கள் அறிந்து கொண்டேன்.

அன்பர்கள் வரவேற்பு சற்று மிரட்சியையும் அளிக்கிறது.

நான் சான்றோன் அல்ல, மாணவனே.

விரைவில் மீண்டும் வருகிறேன்.

வணக்கத்துடன்,
அ போ இருங்கோவேள்.

[இராஜேஸ்வரன்]

வாருங்கள் நண்பரே.

தமிழ் மன்றத்திலும் உங்கள் பணி சிறக்க வாழ்த்துக்கள்.

[Mano.G.]

தாங்களை இங்கு வருக வருக என மனமார வரவேற்கிறோம்
அன்பரே,
தாங்களின் சுய ஆறிமுகம் இங்குள்ளோரின்
எதிர்பார்ப்புக்களை அதிகபடுத்தியுள்ளது. மன்றத்தை உலா வந்து உங்கள் படைப்புக்களை எங்களோடு பகிர்ந்து கொள்வதை எதிர்பார்க்கிரோம்

வெளிநாட்டவன் ஆன நான் உங்கள் கண் மருத்துவமனைக்கு இருமுறை பரிசோதனை செய்ய வந்துள்ளேன் அதோடு இம்மருத்துவ மனையின் சேவையை கண்டு வியந்திருக்கிரேன் .