............................................................

[ஆதி]

தோலுரிக்கும் விரல்கள்
அறிந்திருப்பதில்லை
கனியின் உயிர் வதையை
உடற்கீறும் நகநுனியில்
ஒட்டியிருக்கும் வலியின் ஈரத்தை
நாக்கை சப்பி
எச்சிலொழுக கனவு கண்டிருக்கின்றன
சுளைகளின் ருசியை

[கீதம்]

பழாத்காரம்???

தோ(துகி)லுரிக்கப்படும் க(ன்)னிகள் ருசிக்கப்பட்டபின் சக்கையாய் வீசியெறியப்படும் அவலம்!

ஆதியின் கவிதை என்றாலே ஆழம் அதிகம் இருக்கும். இதிலும் இருக்கு.

ஆழமறியாமல் காலைவிட எனக்கு பயம். எனவே ஆழ்ந்து முத்தெடுக்க வருவோர்க்காக காத்திருக்கிறதென் ஆவல்.

பாராட்டுகள் ஆதி.

[Nivas.T]

சுளையின் சுவையறிந்த நாக்கின்
கட்டளையில் கைகள் கட்டவிழ்க்கப்படுகிறது
வலி, வேதனை... கணிக்குதானே
எனக்கு சுளையின் சுவை மட்டுமே முக்கியம்

ஆதியின் கவிதை என்றாலே ஆழம் அதிகம் இருக்கும். இதிலும் இருக்கு.

ஆழமறியாமல் காலைவிட எனக்கு பயம்.

எனக்கும்தான் .....