மழை வேண்டி பிரார்த்தனை!

[arun karthik]

மரங்களை வெட்டி கோவில்
அமைத்து,
கடல் தனை திருடி தீர்த்தம்
சமைத்து ,
மலையினை செதுக்கி சிற்பம்
செய்து ,
புவியின் வெப்பத்தை
ஆராதனை காட்டி,
வேண்டுகிறோம்
"இறைவா !மழை தருவாய்!"-
என்று...

[கீதம்]

உலகவெப்பமயமாதல் பற்றிய பிரக்ஞை அற்று இன்னும் இயற்கையை அழித்துக்கொண்டிருக்கும் அநேக நடவடிக்கைகளில் கோயில்களை மட்டும் குறிப்பிட்டு உரைப்பது சற்றே உறுத்தினாலும், வாழ்வாதாராத்தை அழித்து அதே வாழ்வாதாரத்தை வேண்டி நிற்கும் மனிதரின் அறியாமை பற்றிய கவிதைக்கருத்து சுள்ளென உறைக்கிறது. அருமை. பாராட்டுகள்.

[arun karthik]

மனிதரின் அறியாமையை சுட்டி காட்ட மட்டுமே இவ்வாறு உருவகிதேன். பிழை இருப்பின் மனிக்கவும்

[மஞ்சுபாஷிணி]

மரங்களை வெட்டி இருப்பிடம் அமைத்துக்கொண்டு....

மனிதர்கள் தன் சௌகர்யத்துக்காக இயற்கையை அழித்துக்கொண்டு...

பின் நீருக்கு இறையை வேண்டும் வழி பற்றி மிக அருமையாக கவிதையில் சொன்னது அருமை....

[ராஜா]

நீருக்கு இறையை வேண்டும் வழி பற்றி மிக அருமையாக கவிதையில் சொன்னது அருமை....

[சுகந்தப்ரீதன்]

விழியை விற்று சித்திரம் வாங்கும் விசித்திர உலகமப்பா...!!

நல்லதொரு விழிப்புணர்வூட்டும் கவிதை... வாழ்த்துக்கள்..அருண்..!!