தைத்திங்கள் முதல் நாள் பொங்கல் பெருநாள் - அதுவே
தரணி வாழ் தமிழரின் திருநாள்
அறுவடையின் ஆண்டவரை வணங்கிட்டு
உழைத்திட்ட உழவர் பெருமக்களை வாழ்த்திட்டு
வளமையும் உதவியும் நல்கிடும் இயற்கையை போற்றிட்டு
புத்தரிசியில் சர்க்கரை பால் பொங்கலிட்டு
தித்திக்கும் தேன்கரும்பு சுவைத்திட்டு
மகிழ்ச்சி கூவலிடுவோம் பொங்கலோ பொங்கல்!
சாதி சமய எல்லைகளை கடந்து - தமிழ்
இரத்தங்கள் என்ற உணர்வில் கலந்து
இனம் காக்க இன்பத்தமிழ் காக்க
இவ்விகம் வாழ் தமிழர் நலன் காக்க
இதயங்கள் இணைய தோள்கொடுப்போம்
பாரெங்கும் பசுந்தமிழை பறைசாற்றி
நாளும் நற்றமிழ் வளர்த்து - நல்லவர்
தமிழரே என்ற பண்பினை சாற்றிடிட்டு
மகிழ்ச்சி கூவலிடுவோம் பொங்கலோ பொங்கல்!
உண்மை சொல்லெடுத்து நாவிற்கு வலிமைதந்து
ஆற்றல்மிகு திறமைதனில் நம்பிக்கைகொண்டு
நாளும் பொழுதும் முயற்சியில் வளர்ச்சிக்கண்டு
உழைப்பின் உயர்வில் முழுநிறைவுக்கண்டு
வானம்வரை எழும்பட்டும் தமிழ் சமூகம்
அவர்தம் புகழ் திக்கட்டும் ஒலிக்கட்டும்
வாழட்டும் தமிழர்யென்று வையகம் வாழ்த்திட
மகிழ்ச்சி கூவலிடுவோம் பொங்கலோ பொங்கல்!
தமிழ் மன்ற உறவுகள் அனைவருக்கும் இனிய தமிழர் திருநாள் மற்றும் தித்திக்கும் பொங்கல் பெருநாள் வாழ்த்துக்கள்.
பொங்கலோ பொங்கல்!
Reply With Quote
Bookmarks