கற்பனைகளோடு
வாழ்பவனுக்கெல்லாம்
கற்பனை ஒரு காலுன்றி - மனம்
தடுமாறும்போதெல்லாம் தாங்கிக்கொள்ளும்!
கற்பனைகளோடு
வாழ்பவனுக்கெல்லாம்
கற்பனை ஒரு கடுமருந்து - மனம்
காயப்படும்போதெல்லாம் வலிமாற்றும்!
கற்பனைகளோடு
வாழ்பவனுக்கெல்லாம்
கற்பனை ஒரு காயகல்பம் - மனம்
மரணிக்கும்போதெல்லாம் உயிர்கொடுக்கும்!
என்றென்றும் நட்புடன்!
கலைவேந்தன் liked this post
கற்பனையல்ல...நிஜம்தான் !
கற்பனை....
தடுமாறும்போது தாங்கிக்கொண்டு....
காயப்படும்போது மருந்தாய் தன்னை மாற்றிக்கொண்டு....
மனம் மரணிக்கும் ஒவ்வொருமுறையும் உயிர்ப்பித்துக்கொண்டு....
ஒரு நீரூற்றாய் பனி ஊற்றாய் வற்றாத கற்பனையாய் நம்மை வாழவைத்துக்கொண்டு....
அருமையான வரிகள் கும்பகோணத்துப்பிள்ளை... சிந்தனை ஊற்று அருமை....அன்பு வாழ்த்துகள்.
மனோஜபம் மாருத துல்யவேகம் ஜிதேந்திரம் புத்திமதாம் வருஷ்டம் வாதாத்மஜம் வானரதூதமுக்யம் ஸ்ரீராமதூதம் சரணம் ப்ரபத்யே:
உண்மைதான். கற்பனை ஒரு நல்ல வரம்
தமிழுக்கும் அமுதென்று பேர்! -
அந்தத் தமிழ் இன்பத் தமிழ்
எங்கள் உயிருக்கு நேர்!
இருவார்த்தைOriginally Posted by ஜானகி
திருவார்த்தை
நன்றி!
என்றென்றும் நட்புடன்!
வாழ்த்துகளுக்கு நன்றி!
என்றென்றும் நட்புடன்!
மனம் வார்க்கும் கற்பனைகளை சொல்உண்மைதான். கற்பனை ஒரு நல்ல வரம்
இனம் பார்த்தே தொகுப்பவர்க்கு
கவிதை ஒரு நல்ல வரம்!
மனம் வார்க்கும் கற்பனைகளை சொல்
வளம் கொண்டே கட்டுபவர்க்கு
கதை ஒரு நல்ல வரம்!
மனம் வார்க்கும் கற்பனைகளை சொல்
மணம் கொண்டே சொக்கவைப்பவர்க்கு
பேச்சு ஒரு நல்ல வரம்!
மனம் வார்க்கும் கற்பனைகளை சொல்லாமல்
உளம் கொண்டே ரசிப்பவருக்கு
கனவு ஒரு நல்ல வரம்!
மொத்தத்தில் கற்பனைகள்
ஒரு நல்ல வரம்!
நன்றி கோபாலன்
என்றென்றும் நட்புடன்!
கற்பனைகளில் வாழ்வது சிலவேளைகளில் ஆபத்தும் கூட... அருமையான கவிதை அன்பரே
நல்லவர்க்கெல்லாம் சாட்சிகள் ரெண்டு ஒன்று மனசாட்சி!
அதனால்தானது மருந்தென்றது
அளவுக்கு மிஞ்சினால்
அமிழ்தும் நஞ்சு!
நன்றியன்பரே!
என்றென்றும் நட்புடன்!
கற்பனைக்குப் பலவாறு பெயர்சூட்டி மகிழ்வோருண்டு.
சொற்புணைக்கும் கவிகளெல்லாம் கற்பனையின் குழவிகளே..
விற்பன்னராயினும் வீணரேயாயினும் வில்லில் ஸ்வரம்பிரிக்கும் வீரரே ஆயினும்
சிற்பங்கள் வடிக்கின்ற சிற்பியே யாயினும் சீராட்டும் அன்னையே ஆகியபோதிலும்
கற்பனையின் கைப்பிடித்தே களம்காணும் இவ்வுலகு..
தற்குறிகள் சொல்லுவதைக் கருதிடாமல் தலைவா உன்
கற்பனையின் தேரேறி வா..
என்னையும் கவியெழுதவைக்கும் வார்த்தை வசிகரம் உங்கள் கவிதைகளில் காணக்கிடைக்கின்றன பிள்ளை. வாழ்த்துகள்.
கற்பனைகளில்லையெனில் கலைகளில்லை!
கற்பனைகளில்லையெனில் கண்டுபிடிப்புகளில்லை!
கற்பனைகளில்லையெனில் நீங்களும் நானுமில்லை!
பன்பும் முதிச்சியும் காட்டிய பாராட்டுக்கு நன்றி
என்றென்றும் நட்புடன்!
நிஜமான வரிகள்.
கற்பனை என்பது மனதில் வரையும் வரைபடம்.
அற்புத படைப்புகள் அத்தனைக்கும் ஆதாரம் கற்பனையே
கற்பனை மனதை லயிக்க செய்யும் அழகான அசுர சிறகு.
சுற்றுலா செல்வதற்கு முன்னால் அதைப்பற்றிய கற்பனைகளே இடைப்பட்ட நாட்களை இனிமையாக்கும்.
விடுதலைக்கு முன்னால் அமரரான கவிஞர்,
ஆடுவோமே பள்ளு பாடுவோமே
ஆனந்த சுதந்திரம் அடைந்து விட்டோமென்று
என்ற கற்பனை நினைவு கூறத்தக்கது.
கற்பனை என்பது வெறும் கற்பனையாக இல்லாமல் உணர்ச்சியைக் கலந்து (Emotion) செய்கிறபோது கற்பனையின் சக்தி
பல மடங்கு பெருகி நினைத்ததை அடைவதற்கான காலத்தை குறைத்துவிடுகிறது. விரைவில் நிறைவேறும் உடனே நடக்கும்.
என்பது மனவியலாளர்களின் கருத்து.
உள்ளுவ தெல்லாம் உயர்வுள்ளல் மற்றது
தள்ளினம தள்ளாமை நீர்த்து
உள்ளிய எய்தல் எளிதுமன் மற்றுந்தான்
உள்ளியது உள்ளப் பெறின்
மறக்காமல் மறந்துவிடாமல் வேண்டியவற்றைக் குறித்து
எண்ணிக்கொண்டேயிருந்தால நினைத்ததை அடைவது எளிது என்கிறார் வள்ளுவர்
மனிதனுக்கு இறைவன் கொடுத்த வரம் கற்பனை.
நல்ல கவிதைக்கு வாழ்த்துக்கள் நண்பரே.
கீழை நாடான்
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks