எச்சமும் மிச்சமும்

[nandagopal.d]

காமத்தின் எச்சமும்
காவலுக்கு இருந்த
மின்மினி பூச்சியும் பறந்தது
ஒரு இரவில்
வெள்ளை படுக்கையில்
சருகு ஆகி போன மல்லிகையின் சரங்கள்
சிதிலடைந்த சிகரெட் துண்டின்
அடைக்கப்பட்ட நிகோடின் சாம்பலும்
காய்ந்து போன கறை உதட்டு சாயமும்
வன்முறையில் தெளிக்கப்பட்ட
உயிரின் துளியும்
ஏதோ ஒரு நிலையில்
உடைப்பட்ட மது பாட்டிலிருந்து
கடைசி துளி வெளியேறியது

[ந.க]

பலமிழக்கும் படிநிலைகள் ..
மனிதனைக் கடித்து
கடைசித் துளி வரை
உறிஞ்சிப் போகும் அவலத்தை
இங்கே புகையவிட்டீர்கள்.......நன்றி.

[சுகந்தப்ரீதன்]

எச்சமும் மிச்சமும் மனிதவாழ்வின் சொச்சத்தின் உச்சமாய்..!!
தொடருங்கள் நந்தகோபால்..!!