தீபாவளி சிறப்பு நிகழ்ச்சி - விமர்சனம்

[மதி]

அன்பு மன்ற உறவுகளுக்கு


இனிதே துவங்கியது நம் மன்ற பண்பலை. நிகழ்ச்சியை அனைவரும் கேட்டிருப்பீர். இதைப் பற்றிய உங்கள் விமர்சனங்களை பதியுங்கள். எப்படி நம் பண்பலையையும் ஒலிபரப்பும் தன்மையையும் மெருகேற்றலாம் என்று உங்கள் எண்ணங்களையும் முன் வையுங்கள்..


நன்றி


தமிழ்மன்ற பண்பலைக்குழு

[கலைவேந்தன்]

மிக மிக அருமையான தொடக்கம் மதி. தொகுத்து வழங்கிய விதம் மிக அருமை. மதியும் மனசாட்சியும் அருமையான காம்பினேஷன். கீதமின் தொகுப்பு கைதேர்ந்த அறிவிப்பாளரைப்போல் அமைந்திருந்தது. குறை என்று சொல்ல வேண்டுமானால் - சிலரின் குரல் மிகவும் மெலிதாக ஒலித்ததுதான். ( எனது குரலும் தான். ) அதற்குக் காரணம் ஒலிப்பதிவு செய்த விதம்தான் என்பது புரியவருகிறது. இதற்கு ஒரு யூனிஃபார்மல் ஒலிப்பதிவு ஐடியா சொன்னால் நன்றாக இருக்கும்.

அடாசிட்டி மற்றும் அதன் தொடர்பான தரவிறக்கம் நான் முயற்சி செய்து ஏனோ சிறு பிரச்சினை காரணமாய்த் தவிர்த்துவிட்டேன். மீண்டும் முயர்சிக்கிறேன். கலந்துகொள்ளும் அனைவருக்கும் இதனைப்பற்ரி எடுத்துரைத்து ஒலியின் தரத்தை மேம்படுத்தி சிறப்பாக ஒலிபரப்பாக ஆவன செய்யுங்கள்.

தமிழ்மன்றப் பண்பலைக்கு எனது மனமார்ந்த வாழ்த்துகள்..!

[jayanth]

தவழ்வோம் என எண்ணினேன். தாவியல்லவா ஓடிவிட்டோம்...

அருமையிலும் அருமை...

[நாஞ்சில் த.க.ஜெய்]

இனிய துவக்கம் ...கலை அவர்கள் கூறுவது போல் உறவுகள் குரல் ஒலிபரப்பில் உள்ள சிறு குறைகளினை களைந்தால் இன்னும் நன்றாயிருக்கும் ..

[ஆதி]

பொங்கல் நிகழ்ச்சியில் சரி செய்துடலாம் மக்கா

[jayanth]

குளக்கோட்டனின் கொஞ்சும் இலங்கைத் தமிழிலில் (ஒரு காலம் வரை நானும் பேசிகொண்டிருந்ததுதான்...) பேட்டி கேட்டேன்.

பிடித்திருந்தது...

[PUTHUVAI PRABA]

அசத்தலான தொடக்கம் அற்புதமான தொகுப்பு
மகிழ்ச்சியும் மனநிறைவும் தந்த பேட்டிகள்
அவருக்கு பிடித்த பாடல் அதுதானா என்கிற ஆச்சரியம்
அப்பப்பா...வாழ்க நமது பண்பலை... வளர்க அதன் பின் ஓயாது உழைக்கும் உறவுகள்

[கலையரசி]

தொடக்கம் முதல் இறுதி வரை சுவாரசியமாய்த் தொகுப்பட்டிருந்தது. மச்சியின் கிண்டலும் கேலியும்! மச்சிக்கு நான் ரசிகையாகி விட்டேன். இதற்காக உழைத்த மதி, ஆதி, கீதம் ஆகியோர்க்கு நன்றி!

[மதி]

ஏற்கனவே சொன்னபடி நிறைய பங்களிப்பு இருந்ததால் நிகழ்ச்சி மூணரை மணிநேரத்துக்கும் மேலாகிவிட்டது. சிரமம் ஏற்பட்டிருப்பின் மன்னிக்கவும்

[ஜானகி]

பண்பலை ஒலிபரப்பினை வெற்றிகரமாக நடத்திக்காட்டியுள்ள உழைப்பாளிகளுக்குப் பாராட்டுக்கள் !

இயல்பான நடையில், பழகிய உணர்வுடன், சீராக இருந்தது.

குரல்களைப் பதிவு செய்வதில் சிறு திருத்தங்கள் செய்துவிட்டால் மேலும் அருமையாகிவிடும்.

பாடல்களும் இதமாக இருந்தன.

மேன்மேலும் சிறக்க வாழ்த்துக்கள் !

[ மன்ற சொந்தங்களுக்கான எனது தீபாவளி வாழ்த்துக்களைத் தன் குரல் மூலம் சேர்ப்பித்த ஆதிக்கு நன்றி. ]

[த.ஜார்ஜ்]

கடைசி நேரத்தில்தான் கேட்கும் வாய்ப்பு கிடைத்தது. மறு ஒலிபரப்பு எப்ப மக்கா?

[Mano.G.]

தம்பி மதியும் அவரது மனசாட்சியும் சேர்ந்து படைத்த இந்த சிறப்பு தீபாவளி நிகழ்ச்சி அருமையோ அருமை, தங்கை கீதத்தின் முகவுரை, தம்பி தாமரையின் தீபாவளி பண்டிகை கொண்டாடும் முறைகளில் தொடங்கியது மேலும் நிகழ்ச்சிக்கு சிறப்பு, நான் எதிர்பார்க்கத ஒன்று எனது பேட்டியை முதலில் ஒலியேற்றியது. மாலை 7.30 மணிக்கு எனது ஐ போனுடன் எனது அறையில் அமைதியாக கேட்க நுழைந்தேன் சரியாக 11.05 ஆதியின் நன்றியுரையோடு தற்காலிகமாக முடிந்து அடுத்த நிகச்சியில் தொடரும் வரையில் கேட்டுகொண்டிருந்தேன்.

பண்பலை குழுவினரே சாதிச்சுட்டீங்க
வாழ்த்துக்கள்