பண்பலையில் உங்கள் குரல் ஒலிக்க என்ன செய்யவேண்டும்? - விளக்கப்படங்களுடன்

[கீதம்]

அன்பு மன்ற உறவுகளே…

அனைவரும் பண்பலையில் இடம்பெறுவது குறித்து ஆர்வமாக இருப்பீர்கள். ஆனால் எப்படிப் பதிந்தனுப்புவது என்ற யோசனை இருக்கும். உங்கள் உதவிக்காக ஒரு சில தகவல்கள்.

எப்படிப் பதிந்து அனுப்பவேண்டும்?

உங்கள் கணினியில் audacity, lame என்னும் இரண்டு மென்பொருட்களைத் தரவிறக்கிக்கொள்ளுங்கள். இரண்டுமே இலவச மென்பொருட்கள்.

கீழுள்ள சுட்டியில் இருந்து இவற்றைத் தரவிறக்கிக் கொள்ளலாம்.

http://audacity.sourceforge.net/download/


முதலாவது ஒலிப்பதிவுக்கானது, இரண்டாவது அதை mp3 வடிவில் மாற்றுவதற்கானது. இதன் மூலம் மிகச் சுலபமாக நம் குரலைப் பதிவு செய்யமுடியும். திருத்தல் (edit) வசதியும் உண்டு.

முடிவில் அனுப்பவேண்டிய ஒலிவடிவம் mp3 ஆக இருத்தல் வேண்டும். அனுப்பவிருக்கும் ஒலிக்கோப்பின் அளவு கூடுதலாக இருந்தால் அதை compress செய்து அனுப்புங்கள். நான் இப்படிதான் செய்கிறேன்.

எப்படி பதிவுசெய்வது என்ற விளக்கப்படங்களை இப்பதிவில் காணலாம்

வேறு ஏதேனும் மாற்றுமுறையினைக் கையாள்வதாக இருந்தாலும் அவற்றை இங்கு பகிர்ந்துகொள்ளுங்கள். அனைவருக்கும் உதவியாக இருக்கும்.

எப்படி அனுப்புவதென்று பார்த்தோம். என்னென்ன அனுப்புவதென்றும் பார்க்கலாமா?

என்னென்னப் படைப்புகளை அனுப்பலாம்?

உங்கள் எண்ணம்போல் அனுப்பலாம். ஆனால் அவை யாவுமே மன்ற விதிகளுக்கும், பண்பலை விதிகளுக்கும் உட்பட்டவையாக இருக்கவேண்டும். இல்லையென்றால் நிராகரிக்கப்படும்.

கதை, கவிதை போன்ற உங்கள் சொந்தப் படைப்புகளை வாசித்து அனுப்பலாம். மற்றவருடையதை வாசிப்பதாயிருந்தால் அவரிடம் முன் அனுமதி வாங்கிவிட்டு செய்வது நல்லது. மேலும் வாசிக்கும் முன்பும் பின்பும் யாருடைய படைப்பு வாசிக்கப்பட்டது என்பதையும் யார் அதை வாசித்தீர்கள் என்பதையும் மறக்காமல் குறிப்பிடுங்கள்.

மற்றுமொரு விஷயம்… படித்ததில் பிடித்தது பகுதியில் இருந்து எதையும் ஒலியாக்கம் செய்யவேண்டாம். அந்தப் பகுதி மன்றத்தில் படிப்பதற்கு மட்டுமே இருக்கட்டும். மன்ற உறவுகளின் சொந்தப் படைப்புகளுக்கே முன்னுரிமை தருவோம்.

பண்பலையில் பல பிரிவுகள் உள்ளன. உதாரணமாக கதைப்பகுதி, கவிதைப்பகுதி, விமர்சனங்கள், சிறுவருக்கான படைப்புகள், தனித்திறன், மொழிவளம் சார்ந்தவை, புதிர்கள், வேடிக்கைகள், திரைப்பாடல் சார்ந்தவை போன்றவை... ஒவ்வொரு ஒலிக்கோப்பை அனுப்பும்போதும் உங்கள் மன்றப்பயனர் பெயரோடு, அந்தப் படைப்பு எந்தப் பிரிவைச் சார்ந்தது என்றும் குறிப்பிட்டு அனுப்புங்கள். உங்கள் ஒலியாக்கம் எந்தப் பிரிவின்கீழ் வருமென்று சரியாகத் தெரியவில்லையென்றாலும் பரவாயில்லை. அனுப்பி வைங்க. பண்பலைக் குழுவினர் பார்த்துக் கொள்வார்கள்.

மேலும் பண்பலை என்பது நம் மன்றத்தின் விரிவாக்கமே அன்றி வேறு திசை நோக்கிய நகர்தல் அல்ல என்பதை நாம் எல்லோருமே அறிந்திருக்கவேண்டும். அதனால் மன்றத்தில் எழுத்துப் படைப்புகளுக்கும், உரிய முக்கியத்துவத்தைக் கொடுக்கத் தவறக்கூடாது. எழுத்தாக்கத்தோடு, ஒலியாக்கத்திலும் இணைந்து மன்றத்தை இனிதாக்குவோம்.

படைப்புகளை எங்கு அனுப்பவேண்டும்?

ஒலிப்படைப்புகளை அனுப்பவேண்டிய மெயில் முகவரி: tmantramfm@gmail.com

என்ன உறவுகளே… எல்லோரும் தயாரா? விரைவில் உங்கள் குரலில் படைப்புகளை பண்பலையில் தவழவிடுங்கள்.

[govindh]

அனைவருக்கும் வணக்கம்....வாழ்த்துக்கள்...

மன்றப் பண்பலையும்....
மங்காப் புகழ் பெற
மனமார்ந்த வாழ்த்துக்கள்...!

[கீதம்]

வாங்க கோவிந்த். உங்கள் குரலும் விரைவில் பண்பலையில் ஒலிக்க வாழ்த்துக்கள்.

[govindh]

மிக்க நன்றி கீதம் அவர்களே..
மன்றப் பண்பலையை...
கேட்டு மகிழ்கிறோம்...!
பயணம் தொடரட்டும்....
பாராட்டுக்கள்...!

[ஆதி]

கீழுள்ள சுட்டியில் இருந்து audacity தரவிறக்கி கொள்ளலாம்


http://audacity.sourceforge.net/download/

[ஜான்]

மன்றம் தன அடுத்த கட்டத்தில் பயணிப்பது மிகவும் மகிழ்ச்சிக்குரியது ..

வாழ்த்துகள்

தகவலுக்கு மிக்க நன்றி ஆதி

[jayanth]

தகவலுக்கு நன்றி ஆதி...

[ஆதி]

மக்களே, கடினப்பட்டு அக்கா விளக்கமா எழுதியிருக்காங்க, அவங்களை விட்டுவிட்டு சுட்டி கொடுத்த எனக்கு நன்றி சொல்வதா ?

என்ன கொடுமை இது!!!! :(

[கீதம்]

விலாசம் விசாரிப்பவரிடம் இப்படியே போங்க என்று சொல்றதுக்கும், கையைப் பிடித்து அழைத்துக்கொண்டுபோய் விடுவதற்கும் வித்தியாசம் இருக்கிறதில்லையா?

அதனால் உங்களுக்கு நன்றி சொல்வதில் தவறொன்றும் இல்லை.

[ஆதி]

அதுதான் காரணம் என்றால், சுட்டியையும், உங்க பதிவில் இணைத்துவிடுங்க அக்கா

[கீதம்]

நன்றி ஆதி, இணைத்துவிடுகிறேன்.

[jayanth]

விலாசம் விசாரிப்பவரிடம் இப்படியே போங்க என்று சொல்றதுக்கும், கையைப் பிடித்து அழைத்துக்கொண்டுபோய் விடுவதற்கும் வித்தியாசம் இருக்கிறதில்லையா?

அதனால் உங்களுக்கு நன்றி சொல்வதில் தவறொன்றும் இல்லை.

அது...!!!

இத்துடன் விரிவாக விளக்கிய தங்கைக்கும் நன்றிகளை உரித்தாக்குகின்றேன்...!!!