தமிழ்மன்றப் பண்பலை..

[ஆதவா]

அடடே... இது மிகவும் உற்சாகம் தரும் செய்தி. நிர்வாக குழுவினரின் இப்புதிய முயற்சிக்கு எனது பங்களிப்பு நிச்சயம் உண்டு.

நாங்களும் பண்பலையில் ஒரு பகுதியினர் என்ற அறிவிப்பு கவர்ச்சிகரமாக இருக்கிறது. எல்லோரும் இன்னாட்டின் மந்திரிகள் என்பது போல நாமெல்லோரும் பண்பலையில் RJ வா?

பண்பலை கேட்க ஆவலாக இருக்கிறேன்..

[அனுராகவன்]

நண்பர்களே எனக்கும் மகிழ்ச்சியே தருகிறது...
உங்கள் அரும் முயற்ச்சிக்கு எனது பாராட்டுக்கள் அமரன் அவர்களே..
எனது பங்களிப்பும் இதில் இடம் பெறும்..
நானும் சில இடங்களில் பங்குபெறுவேன்,....

[ஆதி]

நன்றி அச்சலா அக்கா

நிச்சயமாக தங்களின் உதவி பண்பலைக்கு தேவை

[jayanth]

"தமிழ் மன்றப் பண்பலை" கேட்கும்பொழுதே இன்பத் தேன் வந்து பாய்ந்தது காதினிலே..!!!

மன்ற நிர்வாகிகள் மற்றும் செயற்குழுவினருக்கு என் மனம் கனிந்த பாராட்டுக்கள்...!!!

[அமரன்]

ஆர்வத்துடன் கருத்துரைத்த அனைத்து உள்ளங்களுக்கும் நன்றி..

மன்றப் பண்பலையில் அனைத்து மன்ற உறுப்பினரும் பங்காளர்கள் என்பதை பறைசாற்றும் வண்ணம் கருத்துகள் வந்திருக்கிப்பது மகிழ்வைத் தருகிறது. அதே மகிழ்வுடனும், உற்சாகத்துடனும் அடுத்த கட்டத்தையும் அரிவிப்பதில் மகிழ்ச்சி.

அனைத்து உறுப்பினரும் பண்பலையின் பங்காளராக இருந்தாலும், அவர்களை ஒருங்கிணைத்து, தலைமை தாங்கிப் பண்பலையை நடத்திச் செல்ல ஒரு குழு அவசியம். அந்த வகையில் சிவா.ஜி, மதி, ஆதி ஆகிய மூவரையும் இணைத்து பண்பலை ஒருங்கிணைப்புக் குழு உருவாக்கப்பட்டுள்ளது. இந்தக் குழு மன்ற உறவுகளை ஒருங்கிணைத்து பண்பலையை நடத்திச்செல்லும்.

பண்பலையின் வீச்சு பிரமாண்டமானதாக இருக்க வேண்டும் என்ற ஆசை எல்லாரிடத்திலும் இருக்கும். அதை நோக்கிய பயணத்தின் துவக்கமே இன்று.. எளிமையாகத் துவங்கும் பண்பலை நிதானமாக நகர்ந்து ஆழக் கால் பதித்து, நிலையெடுத்த பின்பு முழு வீச்சில் தன் பாய்ச்சலைக் காட்டும் என்பதை உறுதிபட உரைக்கலாம். அது வரை மனங்களும் மன்றமும் சோர்ந்து போகாமல் இணைந்து செயல்படுவோம்.

இனி... பண்பலைக் குழு முழுவீச்சில் தன் வேலையைத் துவங்கும்.

சோதனை ஒலிபரப்பைக் கேட்க இந்த இணைப்பை கிளிக்குங்கள்.

http://www.tamilmantram.com/fm

விரைவில் மன்றத்திலிருந்தே கேட்கும் வசதியை உருவாக்க முயல்வோம்.

நன்றி.

[இன்பக்கவி]

மன்றத்து உறவுகள் அனைவர்க்கும் வணக்கங்கள்

நீண்ட நாட்களுக்கு பிறகு மீண்டும் இங்கு இணைவதில் மகிழ்ச்சி...
புதிய பண்பலைக்கு என்னுடைய வாழ்த்துக்கள்
என்னால் முடிந்த உதவிகளை செய்ய முயற்சி செய்கிறேன்...

நன்றிகள்..

[HEMA BALAJI]

ஆஹா!... மிகவும் நல்ல சேதி தான். ஆதி அவர்கள் மூலம் தனி மடலில் அறிந்து இங்கு வந்தேன். உங்கள் முயற்சியில் நம் மன்றமும் படைப்புகளும் மேலும் சிறக்கவும் மிளிரவும் எனது மனமார்ந்த வாழ்த்துக்கள். மாலைக்ககாக் காத்துக் கொண்டிருக்கிறேன்.

[ஆதி]

இன்னும் 9 நமிடத்தில் பண்பலை ஒலிக்கும், கேட்க தயாராகுங்கள் மக்களே

http://tamilmantram.caster.fm

[சுகந்தப்ரீதன்]

ஹைய்யா.. பாட்டுகேட்டுகிட்டே பதிவிடுறது... புதுவித அனுபவமாக இருக்கிறது... இனி எப்போதும் நம்மன்ற பண்பலை ஒலிக்கும் எனது அறையில்..!!

பண்பலை உருவாக்கத்தில் பாடுபட்ட பாடுபடபோகிற அனைத்து அன்பர்களுக்கும் நேயர்களுக்கும் எமது நெஞ்சார்ந்த நன்றியையும் பாராட்டையும் தெரிவித்துக் கொள்கிறேன்..!!

இடைவெளியின்றி ஒலிக்கும் நாளை ஆவலுடன் எதிர்நோக்கி உங்களோடு நாங்களும்..!!

[HEMA BALAJI]

நீங்க பாட்டு கேட்டுகிட்டே பதிவிடுகிறீர்களா சுபி, நான் கத கேட்டுகிட்டே பதிவிடுறேன். வாழ்த்துக்கள் பண்பலையில் பங்குபெறும் பெறப்போகும் அனைத்து உறவுகளுக்கும் என் சார்பிலும்..அட இப்போ மறுமடி பாட்டு வந்துடுச்சே... எனக்குப் பிடித்த பாடல்கள். நல்ல செலக்ஷன். நேயர் விருப்பம் உண்டா?

[கலையரசி]

சோதனை ஒலிபரப்பே அருமையாக இருக்கின்றது. துவங்கிக் கொஞ்ச நேரங்கழித்துத் தான் கேட்கத் துவங்கினேன். கருத்துள்ள பாடல்களின் தொகுப்பு சூப்பர்!
இன்பக்கவியின் கவிதை வாசிப்பின் போது echo அடித்துச் சரியாகப் புரியவில்லை. கீதத்தின் குழந்தைக்கான கதைகள் பகுதி நன்றாக இருந்தது. குழந்தைக்கதைகள் என்று மட்டும் போட்டார்கள். யார் பேசுவது என்று போடவில்லை. குரலை வைத்துக் கீதம் தான் என அடையாளம் கண்டு கொண்டேன்.
அதுபோல இளசு அண்ணாவின் கவிதையை வாசிப்பவர் யார் என்று போடவில்லை. கவிதையும் நன்றாயிருந்தது. மன்றத்தில் அதனைத் திரும்பவும் படிக்க வேண்டும்.
வாசிப்பவரின் பெயர்களைப் போட்டால் மன்ற உறவுகளின் குரல்களைக் கேட்க உதவியாயிருக்கும் என்பது என் கருத்து. இதை எழுதிக் கொண்டிருக்கும் போதே என் எண்ணத்தை குறிப்பறிந்தது போல் ஆதவாவின் பேச்சு துவங்கியது ஆதவா பண்பலையின் நோக்கத்தை அருமையாக எடுத்துரைத்தார். குரலும் தெளிவாக இருந்தது.
மொத்தத்தில் பண்பலையின் சோதனை ஒலிபரப்பு அருமையாக இருக்கிறது. இதற்காக உழைத்த அனைவருக்கும் முக்கியமாக ஆதிக்கும் நன்றி, நன்றி, நன்றி.

[ஆதி]

தங்களின் கருத்துங்கள் மிக்க நன்றி, இதுதான் தேவை

நீங்கள் சொன்னது போல் யார் யார் பேசுகிறார்கள் என்று அறிமுக தரத்தான் முடிவு செய்திருந்தேன்

என் ஒலிவாங்கி சரியாக இல்லை

இன்று 7 கிமி அலைந்து காலில் கொப்புளம் வந்திடு ஒலிவாங்கி கிடைக்க வில்லை, என்ன ஊரோ இது

நாளைதான் அலுவலகம் போகும் போது வாங்கனும்

இன்பகவி ஒலிகோப்பில் இறைச்சலை நீக்காமல்விட்டுவிட்டேன்

ஒலிபரப்பும் போதுதான் உணர்ந்தேன்

அடுத்த ஒலிபரப்பில் கவனித்துக் கொள்கிறேன் அக்கா