கணப்பொழுதில் ஒரு குழப்பம்

[kulakkottan]

சுமை என்னை சுருக்கும் போதெலாம் -உன் வார்த்தைகள்
சுக்கு சுக்காய் என் துயர் தொலைததடி

உன்னோடு வரும் தருணங்கள் -ரணமுற்ற
உள்ளம் உயிர் கொள்கிறதடி சகியே

என் பாத சுவடு அருகில் நீ வருகின்றாய் -ஆனாலும்
என் பாதையின் சுளியல்களை சரி செய்கிறாய்

சில நேரம் உன் சொற்கள் தீயாய் சுட்டாலும்
சிலநொடிகளில் - என்வலியை சொல்லாமல் நீ உணர்கிறாயே

கணப்பொழுதில் ஒரு குழப்பம் -அவ்வப்போது
கண்னசைகையில் ஒரு பதில் -உனக்கு நான் யாரென்று

[கீதம்]

நட்பா? காதலா? என்னும் தவிப்பில் நாளைக்கடத்தும் மனத்தின் குழப்பம் கவிதையாய்.

நூலிழை வித்தியாசத்தில் மாறுபடும் நுட்ப உறவைப் பின்னும் கவியிழைகளுக்குப் பாராட்டுகள்.

உங்கள் பெயரை தமிழில் எப்படிக் குறிப்பிடுவது?

[மதி]

குழப்பம் விரைவாகவே தெளியட்டும்..!!

கணப்பொழுதில் மட்டும் இக்குழப்பமா
இல்லை மனம்
கனக்கின்ற பொழுதெல்லாம் குழப்பமா?

[கலைவேந்தன்]

ஆண் பெண் நட்பினில் அனைவருக்கும் வருகின்ற குழப்பம் இது. எத்தனை தெளிவாய் இருப்பினும் நூலிழையில் தவறிடும் உறவு ஆண்பெண் நட்பு என்பது கசந்திடும் உண்மை. இதில் தெளிவாக இருக்கிறோம் என்று தொடர்புடைய இருவரும் பகர்ந்துகொண்டாலும் சிலநேரம் மயக்கம் விளைவிக்கும் குழப்பம் இது.

நல்லவை கூறி அல்லவை திருத்தும் போது அழகான நட்பு சுடர்விடும். நட்பின் வலியினை தானும் உணர்ந்து துடிக்கின்ற தருணத்தில் காதல் வெளிப்படும். நூலிழையில் வேறுபடும் இத்தகு உறவை புறமனதால் போர்வையிட்டு பதவிசான சொற்களால் புடம்போட்டு கரையேறத்துடித்தாலும் மனதின் ஒருபகுதி ஏக்கத்துடன் வெளிக்காட்டிக்கொண்டிருக்கும் ஓர் அற்புத தருணங்கள். உரைத்திட வல்லார் யாருளர் .. ?

சிந்திக்கவைத்த கவிதைக்கு பாராட்டுகள் நண்பரே..!

[kulakkottan]

நன்றி கீதம் -இது எனது பெயர் அல்ல -நான் இலங்கையின் திருகோணமலையை சேர்ந்தவன் -என் நகரை வைத்து இலங்கையை ஆண்ட ஒரு மன்னனின் பெயர் தான் குளக்கோட்டன் .அதை பலர் மறந்தும் சிலர் மறைத்தும் வருகின்றனர் .அதனாலே தான் ஒரு அடையாளமாய் அப்பெயரை பயன் படுத்துகிறேன் .
என் நிஜ பெயர் தர்சாந்த்
நன்றி மதி அவர்கள் ,

கணப்பொழுதில் மட்டும் இக்குழப்பமா
இல்லை மனம்
கனக்கின்ற பொழுதெல்லாம் குழப்பமா?

குழப்பத்தால் தான் கனக்கிறது மனமே !
(இது கற்பனை கவி தான் )
நன்றி கலை வேந்தன் ஐயா!
காதலும் நட்பும் நூலிழையால் தான் வேறுபாடும் என தெளிவை உரைத்தீர்கள் .உண்மைதான் .
அதனைத் நூலிழை எல்லை தாண்டா அழகான கோர்வை அந்த உறவு !காதலி காதலியாய் நண்பி நண்பியாய் இறுதி மூச்சு வரை வந்தான் அதை விட பெரிய வரம் இல்லை

[A Thainis]

சுமை என்னை சுருக்கும் போதெலாம் -உன் வார்த்தைகள்
சுக்கு சுக்காய் என் துயர் தொலைததடி என்ற வரிகளில் உண்மை அன்பும் நம்பிக்கையும் வெளிப்பட்டது, அருமை அருமையிலும் அருமை.

[கீதம்]

நன்றி கீதம் -இது எனது பெயர் அல்ல -நான் இலங்கையின் திருகோணமலையை சேர்ந்தவன் -என் நகரை வைத்து இலங்கையை ஆண்ட ஒரு மன்னனின் பெயர் தான் குளக்கோட்டன் .அதை பலர் மறந்தும் சிலர் மறைத்தும் வருகின்றனர் .அதனாலே தான் ஒரு அடையாளமாய் அப்பெயரை பயன் படுத்துகிறேன் .
என் நிஜ பெயர் தர்சாந்த்

தங்கள் பெயர் விளக்கத்துக்கு நன்றி. பயனர் பெயராக இருப்பதால் தங்களை குளக்கோட்டன் என்றே குறிப்பிடலாம் அல்லவா? பண்டைய நாளில் அரசாண்ட மன்னனை இன்றும் நினைவில் நிறுத்தும் முயற்சிக்கும், அவரை அறியாத எங்களுக்கு அறிமுகப்படுத்தியமைக்கும் நன்றியும் பாராட்டும் குளக்கோட்டன்.

[சுகந்தப்ரீதன்]

கொஞ்சம் குழைந்தாலே கூடவரும் நாய்குட்டி...
இத்தனை நேசத்திற்க்கு பின்னும் நெகிழாதிருப்பானா மனிதன்..?!

நெகிழ்சியில் ஏற்பட்ட நெருடலை நிலைப்படுத்திய கவிதைக்கு.. வாழ்த்துக்கள் குளக்கோட்டன்..

[செல்வா]

அருமையான வார்த்தை தெரிவுகள்
ஆரம்ப வரிகளே கட்டிப் போட்டுவிடுகிறது.

இறுதிவரியில் இருக்கும் பிழை களைந்தால் இன்னும் சிறப்புறும்.

வாழ்த்துக்கள் நண்பரே..!

[ந.க]

...சுக்கு சுக்காய்..... அழகிய தமிழ் சொற் தொடர் அதில்தான் எவ்வளவு அர்த்தம்......நன்றி......

[நாஞ்சில் த.க.ஜெய்]

கணநேரத்தில் கிடைக்கும் எதிபாரா உதவி நட்பு.. கணபொழுதில் ஏற்படும் ஈர்ப்பு நட்பிலிருந்து காதல் ..செந்தமிழின் இனிய கானத்தில் ஓர் கவிதை...வாழ்த்துக்கள் குளகோட்டன் அவர்களே...