Results 1 to 2 of 2

Thread: அவர்களையும் வாழவிடுங்கள்!

                  
   
   
  1. #1
    Awaiting பண்பட்டவர்
    Join Date
    14 Jul 2012
    Location
    VELLORE
    Age
    33
    Posts
    89
    Post Thanks / Like
    iCash Credits
    8,347
    Downloads
    12
    Uploads
    0

    அவர்களையும் வாழவிடுங்கள்!

    கருவில் நித்தம் சுமந்தவளும்
    ====கண்போல் எண்ணி வளர்த்தவனும்
    உருவில் நேரும் மாற்றத்தால்
    ====உள்ளம் வெதும்பிப் பின்நாளில்
    தெருவில் வீசி எறிகின்றார்
    ====தவறு யார்மேல் என்பதனை
    அறிவில் வைத்துச் சிந்திக்க
    ====அவரும் ஏனோ மறந்திட்டார்!

    இந்த முகத்தைப் பெறுவதற்கும்
    ====இந்த நிறத்தைப் பெறுவதற்கும்
    இந்தப் "பாலில்" பிறப்பதற்கும்
    ====இந்த நாளில் பிறப்பதாகவும்
    விந்தில் தோன்றும் காலத்தே
    ====வரமாய்க் கேட்டு ஒருவருமே
    வந்து பிறப்ப தில்லையிது
    ====வையம் தன்னில் பொதுவேகாண்!


    எந்த வகையில் குறைந்திட்டார்?
    ====எதனில் இங்கு இறங்கிட்டார்?
    மந்த புத்தி கொண்டவரே!
    ====மதியும் மெத்தக் கொழுத்தவர்தான்!
    விந்தை தானும் புரிந்திடுவார்
    ====விண்ணும் மண்ணும் அளந்திடுவார்!
    சந்தைப் பொருளோ மனிதர்கள்?
    ====ரகத்தைப் பார்த்துப் பிரிப்பதற்கு?


    மேகம் கருப்பு என்பதனால்
    ====மழையை வேண்டாம் என்பீரோ?
    காகச் சிறகு நள்ளிரவில்
    ====கனிந்து நிற்கும் பிறையதனை
    மோக நிலவு தானுற்ற
    ====ஊன மென்று வெறுப்பீரோ?
    தேகச் சிறப்பு ஏதுக்கு?
    ====மதியும் மனதும் தான்பெரிது!


    ஏற்றம் இறக்கம் பேசாதீர்
    ====எவரும் இங்கு ஒன்றேதான்!
    காற்றில் தவழும் ஒருகொடியில்
    ====கண்வி ழிக்கும் பூக்களிலே
    நாற்ற பேதம் உண்டென்று
    ====நாசி கண்ட துண்டோகாண்!
    சாற்றிச் சாற்றிப் பேதங்கள்
    ====சரிந்த தெல்லாம் போதாதோ?


    ஆணும் பெண்ணும் சரிபாகம்
    ====ஆன சிவனை இறைஎன்றால்
    நானும் இவரை இறைஎன்பேன்!
    ====நாய்க்குப் பிறந்தோர் குரைக்கட்டும்!
    ஆணும் பெண்ணும் கலப்பானோர்
    ====அலிஎன் றினியும் உரைப்போர்கள்
    தாணு வான ஆதிசிவன்
    ====தன்னை முதலில் உரைக்கட்டும்!
    பேனாக்கள் உறங்கிவிட்ட தேசத்தில்
    போர்வாள்கள் விழித்துக்கொள்கின்றன-------ரெளத்திரன்

  2. #2
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    49
    Posts
    7,283
    Post Thanks / Like
    iCash Credits
    97,876
    Downloads
    21
    Uploads
    1
    மரபணுக் கோளாறால் உருமாறியவர்களை பரிகாசம், பரிதாபம் செய்வதை விடுத்து மரியாதையோடு பழகலும், மனிதாபிமானத்தோடு அரவணைப்பதுமே மனிதராய்ப் பிறந்தவர்க்கழகு. கவிதைக் கனல் மனம் சுடுகிறது. பாராட்டுகள் ரௌத்திரன்.

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •