தமிழ்மன்றக் கவியரங்கம்.. தாமரை தலைமையில்..!

[சிவா.ஜி]

பாட்டியின் பெருமை சொல்லும் கவி வரிகள் அவளின்று இல்லையே என ஏங்க வைக்கிறது. வாழ்த்துக்கள் ஜகதீசன் ஐயா.

[M.Jagadeesan]

ஜானகி , சிவா.ஜி ஆகியோரின் பாராட்டுரைக்கு நன்றி!

[தாமரை]

பாட்டி புகழ் பாடிய ஜகதீசன் ஐயாவுக்கும், தங்கை புகழ் பாடிய ரௌத்திரன் அவர்களுக்கும் நன்றிகள். சற்று பணிப் பளு அதிகம் உள்ளதால் உங்கள் கவிதைகள் நலம் பாராட்ட இருநாள் பொழுதளிக்கும்படி கேட்டுக் கொள்கிறேன்.

[rema]

பேணியே உனைத்தொழுகிறேன் தமிழே ! கலை
வாணியே ! கவிபடைக்க உதவிடுந் கைவிடாநல்
தோணியே ! என்னை ஏற்றத்துக்கு கொண்டுசெலும்
ஏணியே ! சிறியவள் பிழைகளை பொறுத்திடுவாயே !

துமிழ் மன்றமே போற்றி !
கவியரங்கம் வளர்க ! தங்கமான அவையில்..
தாமரையாய் வீற்றிருக்கும் நடுவருக்கு நல்வணக்கம் !
தாயென்ற தலைப்பை சேயிவள் எடுத்துவிட்டேன்!
தாய்மையின் மாட்சியை கவியாக்கத் திணறிவிட்டேன் !
தாய் மனதோடு தவறுகளை பொறுத்தருள்வீர் !

என் தாயை வணங்கி சமர்ப்பிக்கிறேன் கவிதையை !

தாய்மை என்ப தூய்மை !
நிசந்தனை ! எதிர்பார்க்கும் உறல்கள் முன்
நிபந்தனை கலப்படமற்ற நேயமவளது !
முதியோர் இல்லத் தணிப்பிலும்
நதிபோல் செழிக்க வாழ்த்துமவள் நேசம் !

தாய்மை…வாய்மை !
கூனன் ஊனன் நசனையும் ஈன்றவளுக் கழகே !
அண்டங் காக்கை சேயை சுவர்ண மெனினும்
கீசகங் பிள்ளையை அழகே யெனினும்;
எள்ளளவும் அதிலில்லை பொய்மை…!

தாய்மை என்பது கருணை !
கருணை வடிவம் தாய்மையின் தகை
பெறாமலேயே எல்லையற்ற பரிவால் தெரஸாள்
பெற்றனள் அன்னையெனும் பெருமை !

தாய்மை என்ப அன்புடைமை. !
அன்பு மயமானவரை அன்னை என்பர்
தாய்மையின் பண்புகளைத் தரித்தால்,
ஆணையும் மேன்மகனாக்கும்.. தாயுமானவனென !

தாய்மை என்றால் மறம் !
சித்திர மென்மையுஞ் சாந்தமுமாய் இனிப்பவள்
புத்திர ருக்கோர் பாதகமெனில் வீறுடன்
பத்திர காளியாய் மாறுவாள் !

தாய்மை…. உற்சாகத்தில் இளமை !
ஞானத்தில் முதுமை !
தன் மழலை சிட்டுகளுடன் உலகையே அளப்பாள் !
ஞானப்பால் ஊட்டும் இனிய ஆசானுமாவாள் !

தாய்மை….அவாவின்மை !
நஞ்சறுத்ததும் நெஞ்சோடுப் பிணைத்திட்டவள்
அன்றே தான் தனக்கு என்ப தறுத்தாள் !
தன்னலம் தாய்மையின் அகராதியிலில்லை

தாய்மை வண்மை !
அது அழகு. ஈகை.வலிமை
தாய்மை மேன்மை !
தாயைப் போல் காப்பாயென
இறைவனையே இறைவதால் !

தாய்மை இறைஅன்பின் சால்பு
நாத்திகரும் போற்றும் நடமாடும் தெய்வம்
குற்றம் பார்க்கின் சுற்றமெலாம் பொய்த்திட
தெய்வத்தின் தெரிவு தாயெனும் நண்பே !

நிழலும் தொடர்வது வெயில் வரை யாமே
சுழலிலும் பகையிலும் தீயிலும் பனியிலும்
சுழலும் புவியில் அவளன்பே திண்மையாய் தொடர்ந்திடும்
உழலும் மனமே உணர்ந்து போற்றிடு உன்(னத) தா (ய்மை)யை !



;

[செல்வா]

அருமையான கவியரங்கிற்கு அமர்த்தலாக வந்துவிட்டேன்.
முதலில் இதை முன் மொழிந்த கலை ஐயாவிற்கும்
கலந்து கொண்ட யாவருக்கும் வாழ்த்துக்களும் நன்றிகளும்.

சில யோசனைகள்..

ஒவ்வொரு கவியரங்கக் கவிதைகளைத் தனித்திரியாகவும் - அவற்றுக்கான பிறர் விமர்சனங்களைத் தனித்திரியாகவும் கொள்ளலாம்.

கவியரங்கக்களுக்கான அறிவிப்புகள் மற்றும் கவிஞர்கள் சேர்தல் பிறவற்றை இந்தத் தாய்திரியிலேயேத் தொடரலாம்...

என்ன சொல்கிறீர்கள்...?

[Keelai Naadaan]

சில யோசனைகள்..

ஒவ்வொரு கவியரங்கக் கவிதைகளைத் தனித்திரியாகவும் - அவற்றுக்கான பிறர் விமர்சனங்களைத் தனித்திரியாகவும் கொள்ளலாம்.

கவியரங்கக்களுக்கான அறிவிப்புகள் மற்றும் கவிஞர்கள் சேர்தல் பிறவற்றை இந்தத் தாய்திரியிலேயேத் தொடரலாம்...

என்ன சொல்கிறீர்கள்...?

செல்வாவின் இந்த யோசனையை நானும் வரவேற்கிறேன்.

[M.Jagadeesan]

தகைசால் தாய்மையை , வகையாய் எடுத்துரைத்த மின்மினி 11 அவர்களுக்கு பாராட்டுக்கள்.

[rema]

தகைசால் தாய்மையை , வகையாய் எடுத்துரைத்த மின்மினி 11 அவர்களுக்கு பாராட்டுக்கள்.

மிக்க நன்றி ஐயா !

[Sasi Dharan]

தோழிக்காக நான் எழுதலாமா???

[நாஞ்சில் த.க.ஜெய்]

கவிதை எழுததெரியவிடிலும் எழுதும் ஆர்வம் முன் நோக்கி தள்ளிட எனக்கு தமையன் எனும் தலைப்பு பொருந்தும் என்றே எண்ணி வாய்ப்புண்டோ(?) என்று தெரியாவிடிலும் நானும் கலந்து கொள்ள விழைகிறேன் ..

[கீதம்]

தோழிக்காக நான் எழுதலாமா???

தோழியை புதுவை பிரபா முன்பே தேர்ந்தெடுத்துவிட்டார்கள் என்று நினைக்கிறேன். கலைவேந்தன் அவர்கள் பதிலளிக்கும்வரைக் காத்திருப்போம்.

[ஆதி]

தாமரை அண்ணா ரொம்ப பிஸியாக இருக்கிறார் போல, கவியரங்கம் தொய்வுறாமல் செல்ல என்ன செய்யலாம் உறவுகளே