Results 1 to 3 of 3

Thread: மத்திய அரசே மரியாதை கா!

                  
   
   
  1. #1
    Awaiting பண்பட்டவர்
    Join Date
    14 Jul 2012
    Location
    VELLORE
    Age
    33
    Posts
    89
    Post Thanks / Like
    iCash Credits
    8,347
    Downloads
    12
    Uploads
    0

    மத்திய அரசே மரியாதை கா!

    (தமிழினத்தின் ஆணிவேரான பழந்தமிழர்களைக் கொன்று குவிக்க, இலங்கைக்குத் தேவையான சகல உதவிகளையும் செய்துகொண்டிருக்கும் மத்திய அரசைக் கண்டித்து எழுதியது)


    சர்வாதி காரத்தின்
    ------சாரமே யாதென்று
    -------------சரியாக விளக்கு கின்றார்!
    ------சதிகாரர் தம்மோடு
    -------------கைகோத்து நடப்பதே
    ---------------------சமதர்மம் என்று ரைத்தார்!
    நிர்வாக மென்பதே
    ------நாற்காலி கொண்டவர்
    -------------நலங்காண என்று வைத்தார்!
    ------நாடான ஒன்றையே
    -------------தாமாக வைத்ததால்
    --------------------தம்நலம் பேணு கின்றார்!
    தர்மாதி தர்மனே
    ------தசரத ராமனே!நின்
    ------------வனவாசம் முடிந்து மென்ன?
    ------நாற்காலி தோறுமே
    ------------நிலையாகிப் போனதே
    -------------------செருப்புகளின் ஆட்சி இங்கே!



    குமரியில் தொடங்கிபுது
    --------டெல்லியில் முடியவே
    ----------------குறைகளே நிறைக ளாச்சு!
    --------குடிமக்கள் யாவரும்
    ----------------அடிமைகள் போலவே
    ------------------------அழுவதே வழக்க மாச்சு!
    அமைதிக்கு வழியில்லை
    --------அன்றாடம் இந்நாட்டில்
    ----------------ஆயிரம் அவல மாச்சு!
    --------அத்தனையும் பார்த்துக்கொண்(டு)
    ----------------அமைதியாய் இருக்கவோர்
    -------------------------அலங்கார அரசு மாச்சு!
    இமயமே உருகுமே
    --------இவர்நெஞ்சில் கனலுமோர்
    ---------------தீயுமே இறங்கி வந்தால்!
    ---------இம்மென்னு முன்னமே
    ---------------இதையுணர வேண்டுமே
    -----------------------மத்திய அரசு நீயே!



    ஒட்டிய ஜீவனுமாய்
    ---------கட்டிய கோவணமாய்
    ----------------ஒடுங்கியே மக்கள் வாழ
    ---------ஒருவேளைச் சோற்றுக்கும்
    ----------------திருநாளை எதிர்பார்த்து
    ------------------------ஏங்குவார் துயரம் நீள
    தொட்டுநீ தீர்க்குமோர்
    ---------துப்புமே இன்றியே
    ----------------தொடருமோர் ஆட்சி என்ன?
    ---------இந்தவோர் லட்சணத்தில்
    ----------------அயல்நாட்டைக் காக்கநீ
    --------------------------ஓடுமோர் காட்சி என்ன?
    கொட்டியே முழக்குமுன்
    ---------தட்டியே அடக்குமுன்
    -----------------பாதையை மாற்று வாயே!
    ---------காலக் கருணைஎனுங்
    ------------------கடையிழையில் ஆடிடும்
    --------------------------மத்திய அரசு நீயே!



    அருந்தமிழ் இனமதன்
    ---------ஆணிவேர் தனையிங்கு
    -----------------அறுக்கவே துடிப்ப வர்க்கு
    ----------ஆயுதம் முதலாக
    -----------------அரும்பொருள் யாவையும்
    --------------------------வழங்குதல் நிறுத்திக் கொள்வாய்!
    நறுந்தமிழ் இனந்தன்னை
    ---------நச்சுக்கிடப் பார்ப்போர்க்குத்
    -----------------துணையாக இனிஇந் நாட்டில்
    ---------இலையொன்று அசைந்தாலும்
    -----------------தலையொன்று உருளுமிது
    --------------------------இறைவன்மீ தாணை கண்டாய்!
    பொருந்துமோர் வழியறிந்து
    ---------திருந்தியுன் தவறறிந்து
    ------------------புத்தியை மாற்று வாயே!
    ---------புன்மைக்குத் துணைபோகும்
    -------------------தன்மைக்குப் பெயர்போன
    -----------------------------மத்திய அரசு நீயே!



    புல்லென்று நினைத்திரோ?
    --------பைந்தமிழ் இனந்தன்னைப்
    ---------------பிடுங்கியே ஏறிவ தற்கு?
    --------பிடுங்கிதான் பாருமே
    ---------------பின்னிங்கு சுழலுமோர்
    ---------------------பூமியே பிளவு பெறுமே!
    வள்ளென்று குரைக்குமோர்
    --------வழியற்றத் தெருநாய்க்கு
    ----------------வகையாக எலும்பு மிட்டால்
    --------ஒருநாளிற் சலித்ததென
    ----------------முதலாளி முதுகிருக்கும்
    -------------------------எலும்பினைப் பார்த்து நிற்கும்!
    துள்ளென்று துள்ளியே
    --------குதிக்கின்ற மத்திய
    ----------------அரசுன்றன் போக்கு மீதே!
    ---------துணியாதே! துணிந்தபின்
    ----------------தணியாதே உன்நெஞ்சு
    -----------------------தீராத பகையும் வருமே!



    -------ரௌத்திரன்
    பேனாக்கள் உறங்கிவிட்ட தேசத்தில்
    போர்வாள்கள் விழித்துக்கொள்கின்றன-------ரெளத்திரன்

  2. #2
    இளம் புயல் பண்பட்டவர்
    Join Date
    24 Jun 2011
    Location
    A, A
    Posts
    334
    Post Thanks / Like
    iCash Credits
    16,227
    Downloads
    0
    Uploads
    0
    கவிதை காரம் .அதிகாரம் பற்றி அதி காரம் மை இருக்கிறது .
    வசிகரன்

  3. #3
    மன்றத்தின் தூண் பண்பட்டவர் சுகந்தப்ரீதன்'s Avatar
    Join Date
    23 Jun 2007
    Posts
    3,869
    Post Thanks / Like
    iCash Credits
    162,896
    Downloads
    69
    Uploads
    1
    இதை வடமொழியில் மொழிபெயர்த்து டெல்லிக்கு ’டெலிவரி’ செஞ்சாலும் அவங்களுக்கு அது விளங்கவே விளங்காது.. அதை விளங்கி கொள்வதுதான் நமக்கு நல்லது.
    ஆற்றங் கரையின் மரமும் அரசறிய
    வீற்றிருந்த வாழ்வும் விழுமன்றே - ஏற்றம்
    உழுதுண்டு வாழ்வதற்கு ஒப்பில்லை கண்டீர்
    பழுதுண்டு வேறோர் பணிக்கு.
    -நல்வழி

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •