எலெக்த்ரா

[சொ.ஞானசம்பந்தன்]

கிரேக்க இதிகாசம் , இலியட்,, எலெக்த்ரா நாடகத்துக்கு ,,அடிப்படை .

அதன் சுருக்கம்
:
மன்னர் அகமெம்நோனுக்கு எலெக்த்ரா , கிரிசேர்த்தமிஸ் என்ற இரு புதல்விகளும் ஒரேஸ்த்தஸ்

என்னும் மகனும் இருக்கின்றனர்

( இஃபிஜெனியா என்ற மகள் தெய்வத்துக்குப் பலி கொடுக்கப்பட்டுவிட்டாள் )

அரசரது தலைமையில் கிரேக்கப் படை ட்ரோய் நகரத்தாரை எதிர்த்துப் போரில் ஈடுபட்டிருந்தது ;

அது நெடுங்காலம் நீடிக்கவே , அவரது மனைவி க்ளித்தெம்நேஸ்த்ரா , எகிஸ்த்தஸ் என்பவனை

மணந்துகொண்டாள் . வெற்றிக் கனி கொய்து அவர் திரும்பி வந்தபோது , மனைவியும் புதுக்

கணவனும் , முன் திட்டப்படி அவரைக் கொன்றுவிட்டனர் .

தம்பி பழி வாங்க வேண்டும் என்பது எலெக்த்ராவின் விருப்பம் . சிறுவனாகிய அவனது உயிருக்கு அன்னையால்

நேரக்கூடிய ஆபத்தைத் தவிர்ப்பதற்காக அவன் வேறு ஊரில் பத்திரமாய் வளர்வதற்கு அவள் கமுக்கமாய் ஏற்பாடு

செய்தாள் . தக்க வயதில் அவன் வந்து வினை முடிக்க வேண்டும் .

இரு நாடகங்களிலிருந்தும் சில காட்சிகளை , ஆங்கில வழி , மொழி பெயர்த்து வழங்குவேன் ..

[தாமரை]

இதில் கடைசியாக வரும் கோர்ட் சீனுக்காக காத்திருக்கிறேன்

[சொ.ஞானசம்பந்தன்]

இதில் கடைசியாக வரும் கோர்ட் சீனுக்காக காத்திருக்கிறேன்

மன்னிக்கக் கோருகிறேன் . முழு நாடகமும் என்வசம் இல்லாமையால் அந்தக் காட்சியை என்னால் தரமுடியாமைக்கு வருந்துகிறேன் . நீங்கள் எழுதினால் மகிழ்ச்சியுடன் வாசிப்பேன் .

[கீதம்]

எலக்ட்ரா காம்ப்ளெக்ஸ் பற்றி ஓரளவு கேள்விப்பட்டிருக்கிறேன். இலியட் கதை மூலம் முழு விவரங்களையும் அறிந்துகொள்ள ஆவலாக இருக்கிறேன். தொடரவிருக்கும் மொழியாக்கப் பதிவுகளுக்காய் மிகவும் நன்றி.

[சொ.ஞானசம்பந்தன்]

எலக்ட்ரா காம்ப்ளெக்ஸ் பற்றி ஓரளவு கேள்விப்பட்டிருக்கிறேன். இலியட் கதை மூலம் முழு விவரங்களையும் அறிந்துகொள்ள ஆவலாக இருக்கிறேன். தொடரவிருக்கும் மொழியாக்கப் பதிவுகளுக்காய் மிகவும் நன்றி.

பின்னூட்டத்துக்கு மிக்க நன்றி

[சொ.ஞானசம்பந்தன்]

( எலெக்த்ரா அவல வாழ்க்கையில் அல்லல் உற வேண்டும் என்ற தீய நோக்கத்தில் அவளை ஒரு பரம ஏழைக்கு மணம்

முடித்தாள் தாய் ; எனினும் ஊருக்கு வெளியே , குடிசையில் , நல்ல மனைவியாய் வாழ்ந்தாள் அவள் . ஒரு நாள்

ஒரேஸ்த்தஸ் வந்து , தமக்கையுடன் கலந்தாலோசித்து , தெய்வத்தை வழிபட எகிஸ்த்தஸ் வருவதை அறிந்து ,

திட்டமிட்டுக் கொன்று , தூக்கிக் கொணர்ந்த பிணத்தை நோக்கி எலெக்த்ரா கூறியது )

என்தாயில் ஒழுக்கமுள்ள ஒரு மனைவியை அடையலாம்

என்று கற்பனை செய்தநீ ஒருமுட்டாள் .

ஆ ! பிறனுடைய துணைவிமேல் கண்வைத்து

அவளை வசப்படுத்தி மணந்தவன்,

தனக்கு விசுவாசமாக இருப்பாள்

முதல் கணவனுக்கு விசுவாசமாய் இல்லாதவள்

என நம்பினால் அவனொரு மடையன் .

பரிதாப வாழ்வு வாழ்ந்தாய்நீ , அதை உணராமலே .

பழிகாரியை மணந்தாய் என்பது உனக்குத் தெரியும் ;

மோசக்காரன் நீ என்பது அவளுக்குத் தெரியும் .

இருவரும் குற்றவாளிகள் , ஒருவரால்

மற்ற்வர் கெட்டீர் .

(தொடரும் )