புகைப்பட போட்டி - 2

[ஆதி]

அன்பிற்கினிய உறவுகள் அனைவருக்கும் வணக்கம்,

பத்தாவது ஆண்டில் நம் மன்றத்தாய் தன் பொற்பாதங்களை எடுத்து வைத்திருக்கும் இத்தருணத்தில், பத்தாவது ஆண்டை மேலும் சிறப்பிப்பது நம் ஒவ்வொருவரின் கடமை என கருத்துகிறோம்

இப்பத்தாவது ஆண்டை ஒவ்வொருவரின் மனத்திலும் நன்னிகழ்வுகளால் நிரப்பி, மன்றத்தை விழாக்கோலம் பூண செய்ய மாதந்தோறும் சிறப்பு போட்டிகள் நடக்கும் என்பதை பேருவகையோடு கூறிக்கொள்கிறோம்

அந்த வரிசையில் முதலாவது நிகழ்வாக இம்மாதம் புகைப்பட போட்டி நடக்கவிருக்கிறது

போட்டிக்கான தலைப்பு "நேசம்"

போட்டிக்கான விதிமுறைகள்:

ஒருவர் இரு புகைப்படத்தை மட்டுமே அனுப்பலாம்

நீங்கள் அனுப்பும் படம் நீங்கள் க்ளிக்கியதாக இருக்க வேண்டும்

ஆபாசமில்லாததாக இருக்க வேண்டும்

படம் உங்களதில்லை என்பது உறுதியாகும் பட்சத்தில் உங்கள் படம் போட்டியில் இருந்து நீக்கப்படும்

புகைப்படங்களை "tmantrampottigal@gmail.com" எனும் மின்னஞ்சல் முகவரிக்கு அனுப்பவும், மின்னஞ்சலில் தங்களின் மன்ற உறுப்பினர் பெயரையும் குறிப்பிடவும்

படங்களை அனுப்ப வேண்டிய இறுதிநாள் ஜூன் 7ஆம் தேதி

ஜூன் 8 தேதியிலிருந்து பத்துநாட்களுக்கு உறவுகளின் முன்னிலையில் புகைப்படங்கள் வாக்குப்பதிவிற்காக வைக்கப்பட்டு, ஜூன் 18ஆம் தேதி போட்டியின் முடிவுகள் அறிவிக்கப்படும்

நம் உறவுகளால் தேர்வு செய்யப்பட்டு, முதல் மூன்று இடத்தை பிடிக்கும் புகைப்படங்களுக்கு, பத்தாவது ஆண்டு நிறைவு விழாவில், பரிசு, தொகையாகவோ அதற்கிணையான புத்தகங்களாகவோ வழங்கப்படும்.

முதல் பரிசு = 5000 ரூபாய்

இரண்டாம் பரிசு = 3000 ரூபாய்

மூன்றாம் பரிசு = 2000 ரூபாய்

உறவுகளின் மேலான ஆதரவையும், உற்சாகமான பங்களிப்பையும் எதிர்ப்பர்க்கும் தமிழ்மன்ற நிர்வாகம் சார்பாக
ஆதன்

[Hega]

நேசம் அருமையான தலைப்பு.

கலைஞர்களின் கற்பனைக்கு அருமையான விருந்து தரக்கூடிய தலைப்பு.

அனைவரும் கலந்து சிறப்பிக்க வாழ்த்துகள்.

[நாஞ்சில் த.க.ஜெய்]

நேசத்துடன் கூடிய கவித்துவமான தலைப்பு ....போட்டிகள் இன்னுமோர் மகுடம் சூட்டும்....

[கீதம்]

போட்டிகளில் பங்கேற்று கண்ணுக்கும் கருத்துக்கும் விருந்தளிக்கும் புகைப்படம் அனுப்பவிருக்கும் கலைக்கண்களுக்கு என் வாழ்த்துக்கள்.

[அமரன்]

நேசம் அருமையான தலைப்பு.

கலைஞர்களின் கற்பனைக்கு அருமையான விருந்து தரக்கூடிய தலைப்பு.

அனைவரும் கலந்து சிறப்பிக்க வாழ்த்துகள்.

நாம் நேசிப்பவரால் மட்டுமே நம்மை அழவும், சிரிக்கவும் வைக்க முடியும்

போட்டிக்கென அனுப்பப்படும் படங்கள் உணர்வுகளை உசுப்பிவிடும் வண்ணம் இருக்கும் என்பதை எவ்வளவு நாசுக்காக சொல்லி உள்ளீர்கள்.

[ஆதி]

முதல் பரிசுக்கு 3000 இ பணமும்

இரண்டாம் பரிசுக்கு 2000 இ பணமும்

முன்றாம் பரிசுக்கு 1000 இ பணமும்

போட்டியில் பங்கு கொள்ளும் அனைவருக்கு ஆறுதல் பரிசாக 200 இ பணமும்

என் சார்பாக வழங்கப்படும்

[கௌதமன்]

களத்தில இறங்கிட்டோமுல்ல....

[சிவா.ஜி]

பங்குபெறும் அனைவருக்கும் என் முன் வாழ்த்துக்கள். நானிருக்கும் நாட்டில் நேசமில்லையே என்ன செய்ய?

[மஞ்சுபாஷிணி]

பங்கு பெறும் அனைவருக்கும் என் அன்பு வாழ்த்துகள் !!!

[ஆதி]

பங்கு பெறும் அனைவருக்கும் என் அன்பு வாழ்த்துகள் !!!

அப்படி சொல்லிட்டு நீங்க எஸ்கேப் ஆக முடியாது அக்கா நீங்களும் பங்கு கொள்ளனும் - அன்புடன் ஆதி

[மஞ்சுபாஷிணி]

அப்படி சொல்லிட்டு நீங்க எஸ்கேப் ஆக முடியாது அக்கா நீங்களும் பங்கு கொள்ளனும் - அன்புடன் ஆதி

போட்டோவே எடுக்க தெரியாதே எனக்கு போட்டோ எடுக்க கத்துக்கொடுத்தா கத்துக்கிட்டு அப்புறம் அடுத்த வருட போட்டில கலந்துக்கவா ஆதி?

[சிவா.ஜி]

போட்டொ எடுக்கத் தெரியாட்டாலும் பரவாயில்ல...நேசத்தை படம் பிடிக்க நிச்சயமா தெரிஞ்சிருக்கும்.. போட்டோ எடுங்க.....மன்ற மக்கள்தான் நீதிபதிகள்...போட்டோவில் தொழில்முறை நேர்த்தியை பார்க்க மாட்டார்கள் அது சொல்லும் செய்தியைத்தான் பார்ப்பார்கள். தைரியமா கலந்துக்குங்க ‘அக்கா’

(இந்த நேரம் பார்த்து இந்த நேசத்தை மன்றத்துல பாக்கவே முடியலையே...அவரோட போட்டோவைப் போட்டு பரிசு வாங்கிடலான்னு பாத்தா...முடி...............................................ல)