புதுக் கூவல்கள்...

[நாகரா]

பறி போகாக் கற்பூ
பறிக்க வல்லார் ஆரு
அறி வாளாய்ப் பெண்ணே
அறம் நாட்ட நீளு
திறம் நினது
மறந்த ஆணவம் நடுங்க நின்
மறக் கூர்மை காட்டு
நின் காதலின் அறப்பக்கம் அறிந்தோம்
அதன் மறப்பக்கமும் இனி யாம் தெளிவோம்

[நாகரா]

பருப்பொருளின் நிறையை
பருவொளியின் வேகத்தின்
ஈரடுக்கால் பெருக்கப்
பெருஞ்சத்தி(E= m x Square of c)
குருப்பொருளின் நிறைவாம் உன்னை
அருளொளியின் எண்ணவொணா வேகத்தின்
எண்ணிலி அடுக்கால் பெருக்க
அருஞ்சித்தி
(பருவொளி = material light; அருளொளி = Spiritual Light, Holy Spirit)

[நாகரா]

மரபு புது நவீனம்
எதிலும் பிடிபடா ஒன்று
நின் அங்கையில் கனியாய்
என்றும் (பூரணமாய் விளங்கி) உள்ளதாம் அன்பு

[நாகரா]

தோல்கள் உரிய உரியக்
கண்ணீர் உதிர உதிர
வெங்காயத்துள்ளே
வெண் காயம் நிதர்சனம்

[நாகரா]

புறத் திரிகள் அனந்தத்திலும்
வேறறப் பற்றி இருக்கிறது
அகத் தீ

[நாகரா]

கூவலாம் என்று வந்து
மௌனமானேன்!
கூவுவது எது?

[நாகரா]

அம்மணமாய் நிற்கிறேன்
அன்பின் திருமுன்.
என்னை மணந்துப் புணர்ந்துக் கரைத்து
தன்மணம் வீசுகிறது
கண்ணுக்குப் புலப்படாமல்
உது.

[நாகரா]

மின் வெட்டுங்
கும்மிருட்டும்
நெஞ்சிருப்பின் விளக்கத்தை
மெய்யுடம்பில் வியர்க்க
எங்கெங்கும் மணக்கும்
உயிர்ப்பூ வாசம்

[நாகரா]

இணையத் தொடர்பு வெட்டுண்ட போதும்
ஒட்டிக் கொண்டிருக்கிறது
இருதயப் பிணைப்பு

[நாகரா]

மின்சாரம் இருக்கும் போது
தட்டச்சும் விரல்கள்
மின்சாரத்தின் அவசியம் இன்றி
எப்போதும் எங்கெங்கும் ஒவ்வொன்றையுந்
தட்டிக் கொண்டே இருக்கும் இருதயம்

[நாகரா]

தொட்டியில் நீரேறா மின் வெட்டின் போதும்
ஏறிக் கொண்டே தான் இருக்கிறது அன்பின் நீர்மை
தேக மெய்க்குள்

[நாகரா]

கூவ வேண்டாம் ஞானம்
கூவும் நேசத்தோடுக்
கூடி இருந்தால் போதும்