சுவிஸ் தேசமும் அதன் கல்விமுறைகளும்

[Hega]

மன்ற ஆவணப் பதிவுகளில் மீண்டுமொரு திரி.
நாடு பற்றிய அறிமுகம் அசத்தல்
தொடருங்கள்...!

மிக்க மகிழ்ச்சி செல்வா அவர்களே..

[வியாசன்]

சுவிஸ்நாட்டில் ஒரு புதுமை என்னவென்றால் பிரதமர் பதவி அது ............. அவங்களே சொல்லட்டும்

[வியாசன்]

வளர்ச்சியடைந்த இந்த ஐரோப்பிய நாட்டில் 1971 இல்தான் பெண்களுக்கு வாக்களிக்கும் உரிமை கிடைத்திருக்கின்றது என்பது மிகவும் ஆச்சரியமான விடயமல்லவா?

ஹேகாவுக்கு ஆட்சேபனை இல்லையென்றால் நானும் இடையிடையே சில சுவையான தவல்களை தரமுயல்கின்றேன்

[சிவா.ஜி]

இன்னும் கல்விமுறை வரலையே.....!!1....ஆனாலும் நாடு நல்ல நாடுதான்....எனக்கு என் தாய்நாடுதான் அனைத்திலும் சிறந்தது. அதற்கான காரணங்கள் ஆயிரம்...பட்டியலிட்டால் பதிவுகள் போறாது. இருந்தாலும் நல்லவைகளை வாசித்தறிவோமே....எங்கள் பாரதியார் சொன்னதைப்போல......

[vrajaram]

ரொம்ப நல்ல இருக்கு .தொடருங்கள் .
ராஜாராம்

[Hega]

இன்னும் கல்விமுறை வரலையே.....!!1....ஆனாலும் நாடு நல்ல நாடுதான்....எனக்கு என் தாய்நாடுதான் அனைத்திலும் சிறந்தது. அதற்கான காரணங்கள் ஆயிரம்...பட்டியலிட்டால் பதிவுகள் போறாது. இருந்தாலும் நல்லவைகளை வாசித்தறிவோமே....எங்கள் பாரதியார் சொன்னதைப்போல......

கல்வி முறை குறித்து ஆரம்பிக்க முன் நாடு குறித்த அறிமுகத்தினை பகிர்கிறேன் அண்ணா. அத்ன பின் கல்வி முறை தொடர்வேன்..

[Hega]

ரொம்ப நல்ல இருக்கு .தொடருங்கள் .
ராஜாராம்

நன்றி ராஜாராம்

இன்றே தொடர்வேன்...

[Hega]

Switzerland Swiss பெயர்க் காரணம்

சுவிஸ்சர்லாந்த் ஆங்கிலத்தில் Switzerland அல்லது Swiss என சுருக்கமாகவும்,ஆங்கிலப் பெயரான Switzerland என்பது வழக்கிலிருந்து மறைந்த Switzer என்ற சொல்லைதொடர்புபடுத்துவதாக இருக்கும். Switzer எனும் சொல் 16 முதல் 19 ஆம் நூற்றாண்டு வரை வழக்கில் இருந்தது.

Swiss எனும் ஆங்கில சுருக்கம் Suisse எனும் பிரெஞ்சிலிருந்து பெறப்பட்டதாயிமிருக்கிறது.


சுவிஸ் ஜேர்மன் மொழியில் Schwiiz (d'Schwiiz ) எனவும்,(d'Schwiiz என்று கூறுவது கூட்டமைப்பையும் சாதாரணமாக Schwiiz என்பது மா நிலம் மற்றும் நகரத்தையும் குறிக்கிறது).

Switzer என்ற பெயர் அலீம்னிக் ஜெர்மனிலிருந்து பெறப்பட்டது (Schwiizer), அது சுவிஸ் மற்றும் அதனுடன் இணைந்த பிரதேசங்களில் தோன்றியது, மேலும் இது இவை பழைய சுவிஸ் கூட்டமைப்பின் மையக்கருவை உருவாக்கிய வால்ட்ஸ்டாட்டென் மண்டலங்களில் ஒன்றாகும். இதன் பெயர் 972 இல் பழைய உயர் ஜெர்மனில் Suittes என முதலில் அதிகாரப் பூர்வமாக்கப்பட்டது, இது suedan "எரிதல்" என்ற பதத்துடன் தொடர்புபடுத்தப்படுகிறது, அது காட்டின் ஒரு பகுதி கட்டுமானங்களுக்காக எரிக்கப்பட்டு சுத்தப்படுத்தப்பட்டதைக் குறிக்கிறது. இந்தப் பெயர் அந்தக் குறிப்பிட்ட மண்டலத்தின் ஆதிக்கத்திலான பகுதிக்கென நீட்டிக்கப்பட்டது, பின் 1499 இன் ஸ்வாபியன் போருக்கு பின்னர் படிப்படியாக முழு கூட்டமைப்புக்கும் அடையாளப் பெயராக இப்பெயரே பயன்படுத்தப்பட்டது

பிரெஞ்சு மொழியில் 16-ம் நூற்றாண்டிலிருந்து Suisse எனவும் அழைக்கப்டுகிறது.

[Hega]

சுவிஸ்சர்லாந்து சுருக்கமாக CH எனவும் அழைக்கப்படுகிறது.

நியோ இலத்தின் பெயரான காண்ஃபெடரோஸியோ ஹெல்வெடிகா CH என்பது, 1848 இல் மாநில கூட்டமைப்பின் அமைப்பின் உருவாக்கத்தின் போது நெப்போலியனின் ஹெல்வெடிக் குடியரசின் நினைவாக அறிமுகப்படுத்தப்பட்டது. இது ரோமானிய காலத்திற்கு முன்பு சுவிஸ் பீடபூமியில் வாழ்ந்த கெல்டிக் பழங்குடி இனமான ஹெல்வெட்டி என்ற பெயரிலிருந்து பெறப்பட்டது.

[Hega]

வளர்ச்சியடைந்த இந்த ஐரோப்பிய நாட்டில் 1971 இல்தான் பெண்களுக்கு வாக்களிக்கும் உரிமை கிடைத்திருக்கின்றது என்பது மிகவும் ஆச்சரியமான விடயமல்லவா?

ஹேகாவுக்கு ஆட்சேபனை இல்லையென்றால் நானும் இடையிடையே சில சுவையான தவல்களை தரமுயல்கின்றேன்

ஆஹா

நான் இதை கவனிக்கவே இல்லையே.. மன்னிக்கவும்.

நீங்களும் தொடருங்கள் வியாசன் அவர்களே..

[Hega]

சுவிஸ்நாட்டில் ஒரு புதுமை என்னவென்றால் பிரதமர் பதவி அது ............. அவங்களே சொல்லட்டும்

ஆமாம், ஆச்சரியமான ஆட்சியமைப்பு முறையாயிருந்தாலும் கட்டுகோப்பான அரசியல் முறை இங்குண்டு என்பதால் இங்கு வாழ்வதில் எமக்கு பெருமையே..

வருடாவருடம் பிரதமர் சுழற்சி முறையில் மாறினாலும் நாட்டின் சட்டங்கள் திட்டங்கள் மாறாததும் எல்லோரும் ஒரே சீராக பின்பற்றுவதும் அரசியல் அடிதடிகுழப்பங்கள் இல்லாததும் இங்கே ஆச்சரியம் மட்டும் அல்ல அதிசயமும்தானே..


மேலும் நாடு குறித்த அறிமுகத்தில் பின் தொடர்கிறேன்..

[Hega]

சுவிஸ் தேச அமைப்பு குறித்த முதல் பதிவில் இந்த நாட்டின் எல்லைகளாக ஜேர்மன், பிரான்ஸ், இத்தாலி,ஆஸ்திரியா மற்றும் லெய்செஸ்டீன் இருப்பதாக சொன்னேன் அல்லவா.. நாட்டின் எல்லைகளுகேற்பவே அதன் அருகில் இருக்கும் மாநிலங்க்ளும் அதன் அண்டைய நாட்டு மொழியையே ஆட்சிமொழியாக கொண்டுள்ளது.


நாட்டின் மொத்த பரப்பில் 41,285 கிமீ² (136th) 15,940 சது. மைல்களில் நீர்வளம் 4.2 வீதமாக இருந்தும் மீதி நிலவளத்தில் 7.7 மில்ல்லியன் மக்கள் தொகை மட்டுமே கொண்ட இச்சிறிய தேசத்தில் ஆட்சிமொழியாய் ஜேர்மன், பிரெஞ்சு,இத்தாலி, உரோமன்ஸ் என நான்கு மொழிகள் ஆட்சி மொழியாயிருக்கிறது.

மாநிலங்களின் ஆட்சிமொழிக்கேற்பவே அந்தந்த நகரங்களின் கல்வியும் ஆட்சிமொழியை முதல் தாய்மொழியாகவும் மூன்றாம் வகுப்பிலிருந்தும், ஐநதாம் வகுப்பிலிருந்தும் அதற்கடுத்த மொழிகளும் இரண்டாம் மூன்றாம் மொழியாக கற்பிக்கபடுவதால் இங்கே கல்விகற்கும் மாணவன் தன் பத்தாம் வகுப்பை முடிக்கும்15 வயதினிலே மூன்று தேசிய மொழிகளை சரளமாக பேச எழுதவும்,பொதுமொழியான ஆங்கிலத்தை ஓரளவு புரிந்து எழுத பேசவும் கற்றிருப்பான் என்பது இந் நாட்டில் நான் காணும் சிறப்பு.


எங்கள் தமிழ் சிறுவர்கள் தாய்மொழியாம் தமிழையும் கற்பதால் அவர்களுக்கு சிறுவயதில் கூடுதல் சுமையாக தமிழ் தோன்றினாலும் அதிலும் அவர்கள் தேர்ச்சியுடையவர்களாக பத்தம வகுப்பு வரைக்கும் ஆர்வத்தோடு கற்பதால் தம் 15 ஆவது வயதில் ஐந்து, ஆறுமொழிகளை பேசி புரிந்திடும் ஆற்றலுடையவராக இருக்கிறார்கள்.