நிச்சயமாக உணர்ந்திருக்ககூடும்
பிரிவின் வலியை
நான் இல்லாத இந்த நாட்களில்
நிச்சயமாக அறிந்திருக்ககூடும்
வார்த்தைகளின் கூர்மையை
இந்த மௌனத்தில்
நிச்சயமாக கேட்டிருக்ககூடும்
மௌனத்தின் விசும்பல்களை
இந்த இரவுகளில்
நிச்சயமாக புரிந்திருக்ககூடும்
வாழ்க்கையின் நிதர்சனங்கள்
இத்தருணங்களில்
நிச்சயமாக தேடியிருக்ககூடும்
எனது அருகாமையை
மனது இவ்வேளைகளில்
நிச்சயமாக கடந்திருக்ககூடும்
நாம் ஒன்றாய் அமர்ந்திருந்த
பூங்காவினை
நிச்சயமாக பூத்திருக்ககூடும்
நான் தினமும் உனக்காய் பறித்து வரும்
மஞ்சள் ரோஜா.
நிச்சயமாக பெய்திருக்ககூடும்
அந்த சாலையில் நம்மை
நனைத்த ம்ழை
நிச்சயமாக தொடங்கியிருக்ககூடும்
நாம் சென்று திரும்பிய
அந்த மலைச்சாரல்
இவை அனைத்தும்
நிச்சயமாக நடந்திருக்ககூடும்
நீ எனை பிரிந்து சென்றதை போல.......
Bookmarks