எப்படிச் சொலவது?

[VISHNU ROCKY77]

என் காதலை உன்னிடம்
எப்படிச் சொல்வது?

காதலுடன் பேசக்
காட்டாற்று வெள்ளமாய்க்
கரைபுரண்டு வந்த கவிதைகள் உன்
கண்களைக் கண்டதும் கானலாகின.

சொல்ல நினைத்துத் துடித்தவை
சொப்பனத்தில் கண்டனவாய்க் கலைந்து விட்டன.

ஒத்திகை பார்த்து வந்த வசனங்களும் உன்
ஓரவிழிப் பார்வைக்கு முன்னே ஓடியே விடுகின்றன.

கண்டவுடன்
கதவுக்குப் பின் மறையும் உன்னைக்
காண மனது துடித்தாலும்
பண்பாடு தடுக்கிறது;
என் பாடு சொல்ல வழியில்லையே?

சொல் பெண்ணே!
என் காதலை உன்னிடம்
எப்படிச் சொலவது?

[dhilipramki]

உள்ள வந்தவுடன் ஒரு அருமையான கவிதை வரிகளை இட்டு அசத்தி விட்டீர்கள். அருமை. இத்தனை வரிகளை சொல்லும் உங்களால் வெறும் மூன்று வார்த்தைகளை சொல்ல முடியலைய!

[vseenu]

கண்கள் ஆயிரம் மொழி பேசும் என்பார்களே! சரி மடல் தீட்டிவிடவேண்டியதுதானே.
கவிதை அருமை.பகிர்வுக்கு நன்றி

[jaffer]

இளசு அது புதுசு, நேரம் வரும் சொல்லலாம் - நல்ல துடிப்பான கவிதை வாழ்த்துக்கள்