ஆண்தன
அசடுகள் காட்டாது
கம்பீரமாக பேசினாய்
நம் முதல் சந்திப்பில்
பார்வையில் ஸ்னேகம்
சத்தியமாய் வேறெதுவும்
தெரியவில்லை எனக்கு
அப்போதா....?
எப்போதாவது சந்திப்பில்
இரண்டொரு வார்த்தைகளும்
சின்னதாய் ஒரு புன்னகையும்
செலவழித்துப் போவாயே
அப்போதா...?
பழகிய ஒரு மழை நாளில்
கையிலேந்திய என் டிபன்
பாக்ஸிக்ல் உரிமையாய்
ஒரு விள்ளல் எடுத்தாயே
அப்போதா....?
உடல் நலம் சரியில்லாத
ஒரு நாளில் நான்குமுறை
போன் கால் உன்னிடமிருந்து...
எஞ்சிய போனிலெல்லாம்
நீயும் விசாரித்ததாய் சொன்னார்கள்
உன் என் நண்பர்கள்
அப்போதா...?
சின்ன சின்ன விஷேசங்களுக்கு
அனுப்பிய உன் வாழ்த்து
அட்டைகளில் மருந்துக்கும்
இல்லை விஷமங்கள்
இருந்திருக்க கூடாதா
என மனசு ஏங்கியதே
அப்போதா...?
எப்போது வந்திருக்கும்
உன் மீதான
என் காதல்.....?
Bookmarks