என் காதல்???

**உமாமீனா** · 14-03-2011, 07:01 AM

இரவின் நீளம் எல்லாம்
தனிமையோடு தான் போகிறது...

ஒவ்வொரு முறையும் ...
உன் நினைவுகளை தொடும்போது
வண்ணத்துபூச்சி சிறகின்றி துடிக்கும்
வேதனை எனக்குள்..!!

அறுந்துவிட்ட பட்டம்
கையில் அகப்படாமலே போகிறது

என் கண்ணீரின் துளியில்
உன் இதயம் துடிக்குமானால்
நரம்புகளை கூட அறுத்துவிடுகிறேன்

சொல்லாமல் வரும் மரணமும்
சத்தம் இல்லாமல் சாகடிக்கும்
காதலும் ஒன்றுதான்...

இரண்டிலும் இதயத்தின்
துடிப்பு
யாருக்கும் தெரிவதில்லை!!

மீள முடியாத வேதனை
மறக்க முடியாத பாதைகள்
மனம் கனமாய் போகிறது...

மௌனம் மட்டுமே வார்த்தை...
புல்லாங்குழல் கூட இசையில்
கண்ணீர் சிந்தும் .........

ஆனால் என் காதல்???

நன்றி மாணவன்

**dellas** · 14-03-2011, 07:06 AM

'சொல்லாமல் வரும் மரணமும்
சத்தம் இல்லாமல் சாகடிக்கும்
காதலும் ஒன்றுதான்...'

நல்ல ஒப்புமை. ஆனால் சொல்லாமல் வீழ்வதைவிட, சொல்லிச்சாவதே மேல். சொல்லிவிடுங்கள்.
பாராட்டுகள்.

**M.Jagadeesan** · 14-03-2011, 07:09 AM

காதலின் ஏக்கம் கவிதையில் தெரிகிறது! பாராட்டுக்கள் உ.மீ. அவர்களே!

**Nivas.T** · 14-03-2011, 07:50 AM

இம் நல்ல கவிதை

காதல் வலியில் ஒரு கவிதை

**பூமகள்** · 14-03-2011, 08:38 AM

இரு கையில்
ஒரு கை மட்டும் ஆட்ட..
இப்படியான வலிகளே மிஞ்சும்..

ஒவ்வொரு முறையும் ...
உன் நினைவுகளை தொடும்போது
வண்ணத்துபூச்சி சிறகின்றி துடிக்கும்
வேதனை எனக்குள்..!!

நல்ல ஒப்புமை..

எஞ்சியிருக்கும் வாழ்க்கையின் நீளம்..
காதலின் வலியைப் போக்கும்..

நினைக்க ஒரு மனமும்,
மறக்க ஒரு மனமும் இருந்து விட்டால் எத்தனை வலி குறையும். இல்லையா??

இதயம் புரியாதவரை விடுங்கள்.. - காலம்
பதியம் செய்யும் நபரைப் கை பிடியுங்கள்..
இதயம் தந்து இல்வாழ்க்கை நடத்துங்கள்..

காதல் உங்கள் கையில் அப்போது பட்டாம்பூச்சியின் மினுமினுப்பை அள்ளித் தெளிக்கும்.

**muthuvel** · 24-04-2011, 06:46 AM

நீ என்னை காதலிப்பதாகச் சொன்னால்,
வானவீதியில், விளக்குகளாக
நட்சத்திரத்தை தொங்க விடுவேன் ,

நீ என்னை காதலிப்பதாகச் சொன்னால்,
மின்மினி பூச்சிகளில் மின்சாரம் சேகரித்து ,
அமாவாசையிலும் நிலவுக்கு வெளிச்சம் கொடுப்பேன் ..

நீ என்னை காதலிப்பதாகச் சொன்னால்,
உன் வீட்டு முற்றத்தில் நீ கோலமிடுவதற்கு ஏதுவாக,
கார்மேகத்தை அழைத்து வந்து ,
மழை பொழிய செய்வேன் ....

நீ என்னை காதலிப்பதாகச் சொன்னால்,
குளித்து முடித்த உன் கூந்தலின் ஈரத்தை உலர்த்த ,
தென் மேற்கு பருவக்காற்றை ,நீ இருக்கும் வீதியிலே ,
திசை திருப்பி விடுவேன் ...

நீ என்னை காதலிப்பதாகச் சொன்னால்,
உன் பாதத்தில் பட்ட கால் தூசிகளை ,
இதுவரை பிறந்த உலக அழகிகளின் உருவங்களாக எண்ணுவேன் ..

நீ என்னை காதலிப்பதாகச் சொன்னால்
மலையை பெயர்த்தெடுத்து ,
ஆழி பேரலையும் உன்னை தாக்காதவாறு
உன்னை சுற்றி அரண் போல வீடு கட்டுவேன் ,