யானைப்பசிக்கு சோளப்பொரிகள்....

[கீதம்]

யானைப்பசிக்கு சோளப்பொரிகள்தான்,
எங்கள் ரசனைப்பசிக்கு உங்கள் கவிப்பொரிகள்!

சிக்கினோம் உங்கள் கவிப்பொறியில்!
இன்னுமின்னும் சிதறட்டும் கவிப்பொரிகள்!

[கௌதமன்]

சேமிப்பு

நியான் விளக்கில் ஒளிர்ந்த
விளம்பரம் சேமிக்கச் சொன்னது
எரிசக்தியை!

[கௌதமன்]

சினேகிதம்

நம் தாயவிளையாட்டில்
நகர்ந்து போகும் நினைவாக
உடைந்த உன் வளையல் துண்டு!

[கௌதமன்]

தேடி வந்த கண்கள்

என்னைக் காணத் தேடி
பூந்தோட்டம் வந்த கண்களா
வண்டுகள்!

[பாலகன்]

மின் சிக்கனத்தை சொன்ன
ஸ்நேகிதனின் வண்டுக்கண்களுக்கு
பாராட்டுக்கள் தருகிறான் மகாபிரபு

[கௌதமன்]

கனவும் நினைவும்

அதிகாலைத் தூக்கதில்
விழிப்பூட்டும் கனவு நீ
தூக்கம் வராத இரவுகளில்
தூங்க வைக்கும் நினைவும் நீ!
தூக்கம் கலைத்துவிட்டு
தூங்கச் செய்யும் நீ மட்டும்
தூங்காமல் எப்போதும்...

[பாலகன்]

கனவும் நினைவும் ஒன்றுக்கொண்று சந்திக்க முடியாததால் இருக்கலாம்

அருமையான கவிதை

[கௌதமன்]

நல்வரவு நல்கிய வீட்டின் முகப்பில்
மற்றுமொரு பலகை
நாய்கள் ஜாக்கிரதை ..!..!..!

கௌதமனின் மற்றுமொரு பரிமாணம். பட்டையை கிளப்புங்க (பட்டை தீட்டுவதைச் சொல்கிறேன்)

இப்போ சரியா இருக்கு!
நன்றி வரன்!

[அமரன்]

சேமிப்பு

நியான் விளக்கில் ஒளிர்ந்த
விளம்பரம் சேமிக்கச் சொன்னது
எரிசக்தியை!

முரண் கவிதை..

செலவு செய்யாதே என்று செலவில்லாமல் சொல்ல இயலாது அல்லவா..

அதனால் பொறுத்துக் கொள்வோம்..

[அமரன்]

சினேகிதம்

நம் தாயவிளையாட்டில்
நகர்ந்து போகும் நினைவாக
உடைந்த உன் வளையல் துண்டு!

கர்ணன் திரைப்படத்தில் ஒரு காட்சி..

கர்ணனும் துரியோதனனின் மனைவியும் விளாடிட்டு இருக்கும் போது துரியோதனன் வந்து விடுவான். கர்ணன் கண்டிலன். பதிவிரதை துடித்து எழ, கர்ணன் அவள் கரம் பற்ற, இடை மாலை அறுந்து மணிகள் உருண்டோடக் மருண்டு விடுவர் கர்ணனும், துரியோதனன் மனைவியும்..

துரியோதனன் கேட்பான்.. எடுக்கவா... கோர்க்கவா..

நட்பு அங்கே நாதஸ்வரம் வாசிக்கும்.

இங்கே காலம் உருட்டிய தாயத்தில் ‘இலக்கு’ நோக்கிச் செல்லும் நகர்வானாக உடைந்த வளையல்..

[அமரன்]

தேடி வந்த கண்கள்

என்னைக் காணத் தேடி
பூந்தோட்டம் வந்த கண்களா
வண்டுகள்!

எறும்புகள் உங்களைச் சும்மா விட்டனவா..

நல்லா இருக்குங்க கற்பனை.

[அமரன்]

கனவும் நினைவும்

அதிகாலைத் தூக்கதில்
விழிப்பூட்டும் கனவு நீ
தூக்கம் வராத இரவுகளில்
தூங்க வைக்கும் நினைவும் நீ!
தூக்கம் கலைத்துவிட்டு
தூங்கச் செய்யும் நீ மட்டும்
தூங்காமல் எப்போதும்...

எண்ணமெல்லாம் நீ..
என்னவெல்லாம் செய்கிறாய் நீ..

அருமை கௌதம்.