கொஞ்சநேரம் கணக்குக்காக

[M.Jagadeesan]

கணக்குப் புத்தகங்கள் வெளியிடுவதில் பெயர்பெற்ற ஒரு புத்தக வெளியீட்டுக் கம்பெனி,அஸிஸ்டென்ட் எடிட்டர் பதவிக்காக விளம்பரம் செய்திருந்தது.100 பேர் அந்தப் பதவிக்காக விண்ணப்பித்து இருந்தனர்.அந்தக் கம்பெனி, இலக்கியம் மற்றும் கணிதத்தில் ஆர்வம் உள்ளவர்களைத் தேர்ந்தெடுக்க முடிவு செய்தது.

வந்த 100 விண்ணப்பத்தில் 10 பேருக்குக் கணிதம் மற்றும் இலக்கியத்தில் சிறிதுகூட பயிற்சியில்லை என்பதைக் கண்டறிந்தது.70 பேருக்குக் கணிதத்தில் ஆர்வம் இருப்பதையும், 82 பேருக்கு இலக்கியத்தில் ஆர்வம் இருப்பதையும் கண்டறிந்தது. இலக்கியம், கணிதம் ஆகிய இரண்டிலும் ஆர்வம் உள்ளவர்கள் எத்தனை பேர்?

[தாமரை]

கணிதத்தில் ஆர்வமுள்ளவர் 70 பேர்.
இலக்கியத்தில் ஆர்வமுள்ளவர் 82 பேர்
கணிதம் அல்லது இலக்கியத்தில் ஆர்வமுள்ளவர் 90 பேர்
கணிதத்தில் ஆர்வம் + இலக்கியத்தில் ஆர்வம் இல்லாதவர் 8 பேர்.
இலக்கியத்தில் ஆர்வம் + கணிதத்தில் ஆர்வம் இல்லாதவர் 20 பேர்.

கணிதம் அல்லது இலக்கியம் ஒன்றில் மட்டும் ஆர்வம் உள்ளவர் 20 +8 = 28 பேர்

இரண்டிலும் ஆர்வம் உள்ளவர் 90-28 = 62 பேர்.

[M.Jagadeesan]

மிகவும் சரி. நன்றி தாமரை அவர்களே!

[M.Jagadeesan]

8,8,3,3 ஆகிய எண்களை ஒருமுறைப் பயன்படுத்தி 24 ஐ உருவாக்கவும்.

[M.Jagadeesan]

5 + 5 + 5 = 550 இது தவறான சமன்பாடு என்பது நமக்குத் தெரியும். ஒரு சிறு நேர்க்கோடு வரைவதன் மூலமாக இந்த சமன்பாட்டை சரி செய்யமுடியும். முயன்று பாருங்களேன்.

[விகடன்]

545 + 5 = 550

[M.Jagadeesan]

அற்புதம் விகடன்!

[M.Jagadeesan]

1,7,7,7,7 ஆகிய ஐந்து எண்களை ஒருமுறை பயன்படுத்தி 100 உருவாக்கவேண்டும்.

[aren]

1,7,7,7,7 ஆகிய ஐந்து எண்களை ஒருமுறை பயன்படுத்தி 100 உருவாக்கவேண்டும்.

முதல் இரண்டு ஏழு எண்னையும் ஒன்றாக இணைத்தால் 0 வரும், அதேபோல் அடுத்த இரண்டு ஏழு எண்னையும் ஒன்றால இணைத்தால் 0 வரும், ஆகையால் 100 நூறாகியது.

[M.Jagadeesan]

ஆரென்! தாங்கள் கூறுவது விளங்கவில்லை. செய்துகாட்டவும்.

[M.Jagadeesan]

அது ஒரு ஆறு இலக்கஎண். இலக்கங்களின் கூடுதல் 43. அது ஒரு வர்க்கஎண். எண்ணின் மதிப்பு<500000. அந்த எண் யாது?

[அன்புரசிகன்]

அது ஒரு ஆறு இலக்கஎண். இலக்கங்களின் கூடுதல் 43. அது ஒரு வர்க்கஎண். எண்ணின் மதிப்பு<500000. அந்த எண் யாது?

499,849