நான் சொன்னதை நீங்கள் சரிவர புரிந்துகொள்ளவில்லை. ஒருவேளை நான் தான் தவறாக சொன்னேனோ தெரியவில்லை.Originally Posted by நூர்
இந்த திரியின் இரண்டாவது பதிவை பார்த்தீர்களா???
அது பாடவிதான சுட்டிகளை இணைப்பதற்காக நான் உங்களது பதிவாக இணைத்தது.
அதிலே தான் உங்களது ஒவ்வொரு விளக்கக்குறிப்புக்களை இணைக்கச்சொன்னேன். வருங்காலத்தில் அது சிரமமின்றி தேடிப்படிக்க உதவும்.
இல்லையேல் ஒவ்வொருபதிவாக படித்து படித்து பார்க்கவேண்டிவரும்.
உதாரணமாக உங்களது இரண்டாவது பதிவை பாருங்கள்.
தாயை பழித்தால், தாய் தடுத்தால் விடுவேன்
தமிழை பழித்தால், யார் தடுத்தாலும் விடேன்.
நன்றி. ஆமா. இது ரொம்ப சுலபமாக இருக்கிறது. இப்படியே தொடர்கின்றேன்.
தோழர் நூர் விளக்கமாக பதிவிட்டுள்ளார் மிக்க நன்றி!
DATEDIF சூத்திரத்தை இப்படியும் பயன்படுத்தி வயதை அறியலாம்...இந்த சூத்திரம் லோட்டஸ் இல் இருந்து பின்பற்றி வருகின்ற சூத்திரம்... சிலவற்றை இங்கே உங்கள் பார்வைக்காக...(இந்த சூத்திரத்திற்கு தொடர்புடையவன மட்டும்....(மற்றவை அந்தந்த பகுதி வரும்போது பகிரலாம்...!)
படம்....1 DATEDIF சூத்திரம்...அதற்கு மேலேயே இன்னொரு சூத்திரம் பயன்படுத்தி வயது கண்டுபிடிப்பதற்கான வழிமுறை உள்ளது அதை இரண்டாவது படத்தில் பார்க்கவும்...
2 வது படம்.....
இதில் TODAY() என்ற சூத்திரத்திற்கான தனி வரிசை உருவாக்காமல் இப்படி அமைத்து கொள்ளலாம்....இதில் 365.25 என்பது வருடத்திற்கு 365 நாள்...4 மணி நேரம்...பூமி சூரியனை சுற்றிவர ஆகும் காலம்..அதன்படி இந்த நாத்திரமும் லீப் வருடத்திற்கு ஏற்றவாறு அமைக்கபட்டிருக்கிறது....
INT தேதியை இன்னொரு தேதியுடன் கழிக்கும் பொழுது எல்லாமே சீரியல் எண்ணாக மாற்றி கழிக்கும் வயது என்று வரும்பொழுது நாட்கணக்கையும் காட்டும் அது வராமல் இருக்க இந்த INT பயன்படுத்தினால் முழு எண்ணாக மாற்றி வயதை காட்டுவதற்காக பயன்படுத்தப்படுகிறது. இதை வீட்டில் உள்ளவர்கள் அனைவரது பிறந்தநாட்களை குறிப்பிட்டு அட்டவணைப்படுத்தி வைத்துக்கொள்ளலாம். பிறந்த கிழமையையும் காணலாம். ''=TEXT(பிறந்த நாள், "dddd")'' என்று தனி வரிசையில் கிழமைக்கான வரிசையில் இந்த சூத்திரத்தை கொடுத்தால் கிழமை வரும். ஆனால் தமிழில் வர ''பின்னல் நிலை'' சூத்திரத்தை பயன்படுத்தவேண்டும். (nested function)...அதை பிறகு தருகிறேன்..இல்லை அது குறித்து தொடர்ச்சி வரும்பொழுது தருகிறேன்.
பொதுவாக எக்சல் இல் 1900 வருடத்திற்கு பிறகு வருகின்ற பிறந்த தேதிகளையே கணக்கில் எடுத்து கொள்ளும் அதற்கு முன் அதாவது மகாத்மா காந்தி எத்தனையாவது பிறந்த தினம் என்பதை அவருடைய பிறந்தநாளை வைத்து கண்டறியமுடியாது. அப்படி உள்ளிட்டால் பிழைச்செய்தி வரும்.
அதற்கும் வழி இருக்கிறது...அதை பிறகு பார்க்கலாம்....(கூடுதலாக சில ஆட் இன் செயற்பாடுகளை நிறுவவேண்டும் அது இணையத்திலேயே இலவசமாக இருக்கிறது. நிறுவாமல் பயன்படுத்தவும் வழிஇருக்கிறது. பிறகு பார்க்கலாம்.)
இதற்கு பிறகு கீழே நேரம் குறித்த சூத்திரம்.....தொடரும்...
நன்றி!
மிக்க நன்றி தோழரே!
இதில் சிலவற்றை சோதித்து பார்த்தேன் அந்த தளத்திலேயே மிக உபயோகமாக இருக்கிம் என நினைக்கிறேன். பிறகு தான் முழுமையாக அறிய வேண்டும். பகிர்வுக்கு நன்றி!
மேலும் இதன் சிறப்புகள் பயன்படுமுறைகள் இருந்தால், பயன்படுத்தியிருந்தால் அதையும் இங்கே பகிர்ந்தால் இன்னும் பயனுள்ளதாக இருக்கும். நேரமிருப்பின்.........
நன்றி!
மேலதிக தகவல் தந்த, நண்பர் நம்பிக்கு நன்றி.
எக்சல் இல் நேரம் என்பதற்கு பல்வேறு சூத்திரங்கள் உள்ளன.........
ஆனால் பெரும்பாலும் பயன்படும் சூத்திரமான...TIME என்ற சூத்திரத்தை மட்டும் இங்கே தருகிறேன் இந்த சூத்திரம் பயனபடுத்தாமலும் தரவு அமைக்கலாம்..
இரண்டையும் சேர்த்து அமைத்த ஒரு சிறு தரவுத்தாளை பயன்படுத்தி பார்த்தால் மிக எளிதாக புரியும் மற்ற சூத்திரங்களை தேவைப்படும் பொழுது பயன்படுத்திக்ககொள்ளலாம்.
=TIME(மணி, நிமிடம், வினாடி)
இந்த அடைப்புக் குறிக்குள் மணி, மற்றும், வினாடியை உள்ளிட்டால் முழுமணித்துளிகளை வழங்கும் .....
அதற்கு முன்....
ஒரு நாள் என்பது 24 மணி நேரம்...
24 மணி நேரம் என்பது 1440 நிமிட நேரம்...
1440 நிமிட நேரம் என்பது 86,400 வினாடிகள் இதெல்லாம் ஒருநாளைக்குரிய நேர அலகுகளின் அளவீடுகள்....
முதல் படம்....
ஒரு நிறுவனத்திற்குள்...அல்லது ஏதோவொரு கட்டடத்திற்குள்..... நுழைவு நேரம்....நுழைந்து விட்டு பின் கட்ட்டத்திலிருந்து (பில்டிங்) வெளியேறிய நேரம் குறிப்பிட்டு எவ்வளவு நேரம் உள்ளிருந்தார் எனபதை கணக்கிட சூத்திரம் அமைக்கப்பட்டது. இதில் ஆரம்பத்தில் 1- என்று குறிப்பிடப்பட்டு சூத்திரம் அமைக்கப்பட்டிருக்கும்..இல்லையேல் ஆரம்ப எண்ணையும் கூட்டி தவறான கணக்கிடாக காட்டும் என்பதால் 1- கொடுக்கப்பட்டுள்ளது.
இரண்டாவது படம்....
இரண்டாவது படத்தில் ஆரம்ப நாள் மற்றும் நேரம் (தொடர்வண்டி நேரமாக கூட இருக்கலாம்...திரும்பி வரும் தேதி மற்றும் அங்கே 00:00 என்று குறிப்பிடப்பட்டுள்ளது நள்ளிரவு நேரமாகும்....அதன்பிறகு முடிவு..அல்லது திரும்பும் நாள் மற்றும் நேரம் அதே நள்ளிரவு...அதற்கான சூத்திரம் கொடுக்கப்பட்டு 24 ஆல் பெருக்கப்பட்டிருக்கும்...இப்பொழுது எத்தனை மணி நேரம் பயன்படுத்தப்பட்டது பிரயாணம் செய்யப்பட்டது என்பதை கணக்கிடலாம். அதாவது அங்கே உள்ளிடப்பட்ட ஆலம்ப தேதி முடிவு தேதி நேரத்தின் படி 10248 மணி நேரம் பிரயாணம் நடந்துள்ளது என்று கணக்கிட்டு கொள்ளலாம்.
நேரம் ஆங்கிலத்தில் PM AM என்று வரும் அதை தமிழில் மாற்றுவதற்கு கட்டளை பட்டியில் ''வடிவமை'' (பார்மட்) சென்று....பிறகு அறை (''செல்'') சென்று ....''எண்''...அதற்கு பிறகு ''நேரம்' (Time) தேர்வு செய்யவும்...''எந்த மொழி'' எனபது கீழே இருக்கும் அதில் ''தமிழ் (Tamil)'' என்பதை தேர்வு செய்தால் காலை, மாலை என்று தானாகவே வரும். படத்தில் காட்டயுள்ளதின்படி முயன்றால் போதுமானது....ஆங்கிலத்திலும் இதே மாதிரி தான்...ஆங்கில கட்டளை மெனு வைத்துக்கொண்டாலும் தமிழ் வடிவமைப்பை (பார்மட்டை) மேற்கொள்ள முடியும்....
(படத்தில் 1 வது செயலுக்கு பிறகு தனி கீழிறங்கு மெனு ஒன்று வரும் அதில் செல் என்ற தொடுப்பை சுட்டினால்....மேற்கண்ட படம் வரும்)
மாலை நேரத்தை உள்ளிடும் பொழுது..தொடர்வண்டி நேர முறையில் 13;10, 14;00....இப்படி உள்ளிட வேண்டும் அது தானாகவே மாலைக்கு மாற்றிக்கொண்டு விடும்.
மூன்றாவது படம் கீழே தருகிறேன் அதை கொண்டு எப்பொழுது வேண்டுமானாலும் நேரக்கணக்கீடு செய்யலாம் இந்த நேரத்திலிருந்து இத்தனை நிமிடம் கூட்டனால் எவ்வ்வளவு? வினாடி கூட்டினால் எவ்வளவு...?
Last edited by nambi; 30-07-2010 at 06:52 AM.
இதில் ஆரம்ப நேர கட்டத்தில் ஆரம்ப நேரத்தை குறிப்பிட்டு...மணி சேர்ப்பு கட்டத்தில் வேண்டிய மணி எண்ணிக்கை, நிமிட சேர்ப்பு, வினாடி சேர்ப்பில்.... முறையே உள்ளிட்டாலும் சரி... இல்லை ஒன்றில் உள்ளிட்டு மற்றவற்றில் காலியாக விட்டாலும் இதில் குறப்பிடப்பட்ட மணித்துளிகளை கணக்கிட்டு காட்டும். விடை கட்டம் அல்லது விளைவு கட்டத்தில் (ரிசல்ட்) பார்த்துக்கொள்ளலாம். இந்த சூத்திரம் பயன்பாடு புரிந்திருக்கும் என நினைக்கிறேன்.
இதே போன்று தான் =HOUR(), =MINUTE(), =SECOND()போன்ற சூத்திரப் பயன்பாடுகள்....=HOUR(13:25) விடை (13) என்று வரும்.....
நன்றி!
நம்பியாருக்கு மிக்க நன்றி.
அழகுத் தமிழில் எளிமையாக எக்ஸெல் 2003.
புடிங்க பாராட்டுதல்களை நம்பி.
பெண்ணுக்கு ஆணின் வாழ்க்கை சுதந்திரமானதாகவும்; ஆணுக்கு பெண்ணின் வாழ்க்கை சுகமானதாகவும் தோன்றுகின்றது....!!
பிடித்துக் கொள்கிறேன்! தோழரே!....பாராட்டிய தோழருக்கும், அனைவருக்கும் நன்றிகள்! கோடி!...............
அனைவருக்கும் வணக்கம். 4/8/2010
========================================
...சென்ற பதிவில் தள்ளுபடி பற்றி பார்த்தோம்.
அந்த பார்முலாவை = A1-A1*B1 கவனித்து பாருங்கள்,அதில் அடைப்புகுறி பயன் படுத்தவில்லை.
அதன் காரணம்.
கணிதவிதிபடி, பெருக்கல் கணக்கை செய்த பின் தான் , கூட்டல் அல்லது கழித்தல் செய்ய வேண்டும். எக்ஸெல்லும் அப்படிதான் செய்யும்.
நமக்கும் இப்பொழுது, தேவையும் அதுதான்.அதனால் நாம் அடைப்பு குறியை பயன்படுத்தவில்லை.
வரி.
===
தமிழ்நாட்டில் ஒரு மின்னனு பொருள் வாங்கினால், வாட்வரி 4% விதிப்பார்கள். அதை பற்றி பார்க்கலாம்.
======================================================
உ.ம்
A1 ல் விலை, B1 வரி சதவீதம் இருந்தால்.
------------------------------------------------------
வரி மட்டும் பார்க்க =A1*B1
விலை,வரி இரண்டையும் சேர்த்துபார்க்க.=A1+A1*B1
இப்பொழுது உங்களுக்கு, தள்ளுபடி மற்றும் வரி பார்க்க தெரியும். இனி இன்னொரு ஸ்டெப் அதிகமாக பார்க்கலாம்.
PF, ESI
=======
என் நிறுவனத்தில், PF10% , ESI 4% என்று என் மாத சம்பளத்தில் பிடித்தம் செய்வார்கள்.
அதை பார்ப்போம்.
A1-ல் மாத சம்பளம் இருந்தால்,
B1-ல் =A1*10/100 இதை டைப் செய்து என் டர் அழுத்துங்கள்.
C1-ல் =A1*4/100 இதை டைப் செய்து என் டர் அழுத்துங்கள்.
D1-ல் =A1-(B1+C1) இதை டைப் செய்து என் டர் அழுத்துங்கள்.பிடிப்பு போக மீதி சம்பளம் பார்க்கலாம்
குறிப்பு.
இதில் சதவீதத்திற்கு என்று தனியாக செல் வரிசையை பயன் படுத்த வில்லை.
வருமான வரி.
--------------------
===========================================
ஒரு நிறுவனத்தில், பலர் வேலை செய்வதாக வைத்துக்கொள்ளுவோம். அதில் ஒவ்வொருவரும், தகுதிக்கு ஏற்ப சம்பளம் பெறுகிறார்கள்.
இதில், 12,000 க்கு மேல் சம்பளம் வாங்குபவர்களுக்கு மட்டும்,10% வருமானவரி விதிக்க வேண்டும்.
A1-ல் சம்பளம், B1-ல் வருமானவரி சதவீதம் இருந்தால்,
(12,000 க்கு மேல் சம்பளம் வாங்குபவர்களுக்கு மட்டும் வரி விதிக்கப் படும்.)
வருமானவரி பார்க்க =IF(A1>12000,A1*B1,A1)
-----------------------------
A1-ல் சம்பளம், B1-ல் வருமானவரி சதவீதம் C1-ல் வருமான வரி ரூபாய்இருந்தால்,
(12,000 க்கு மேல் சம்பளம் வாங்குபவர்களுக்கு மட்டும் வரி கழிக்கப் படும்.)
சம்பளத்தில்,வருமான வரி பிடித்தம் போக மீதி சம்பளம் பார்க்க.
=IF(A1>12000,A1-C1,A1)
====================================
இந்த தலைப்பின் சம்பந்தமான PMT பார்முலாவை நண்பர் நம்பி பதிவிட விரும்புகின்றேன்.
வரும்,வாரம் 'ஆட்டோ சம்' பயன் படுத்தி 'மார்க் சீட்' போடலாம்....
நூர் அருமையாக விளக்கத்துடன் பதிவிட்டுள்ளார்.
எக்சல் தேதி மூலம் குறித்தும் சில பதிவுகள் பதிந்து வைத்திருந்தேன். நேரமின்மையாலும், அது நூரின் பதிவிற்குப்பிறகு தொடர்ச்சிக்காகவும் தாமதப்படுத்தி வைக்கப்பட்டது...அதையும் பதிவிட்டு விட்டு...PMT பற்றி ஒரளவுக்கு முயற்சிக்கின்றேன்.
இங்கு கீழே கொடுக்கப்பட்டுள்ள படம்.... பல சிறு குறு நிறுவனங்கள் இதை கணிப்பதற்கு தடுமாறுகின்ற ஒன்று தான்...பலரும் அறிந்த ஒன்று தான்...சமயத்தில் வாடிக்கையாளர் வந்து திடீரென கேட்கையில் தெரிந்த விஷயம் கூட எப்படி கண்டுபிடிப்பது? என்று யோசிக்க வைக்கும்....நமக்கும் அன்றாட தள்ளுபடி விலை மோசடிகளை அறிந்து கொள்ள இது வழிவகுக்கும்....(இருக்கலாம், இல்லாமலும் இருக்கலாம்...ஆனால் பொரும்பாலும் இது மோசடி தான்)
அதற்கான சூத்திரம்....நூர் தெரிவித்த (சூத்திரத்தின்) மூலத்தின் அடிப்படையில்...
மேலே உள்ள படத்தில் மஞ்சள் வண்ணம் உள்ள கட்டத்தில் தள்ளுபடி விலை மற்றும் தள்ளுபடி சதவீதம் கொடுத்தால் உண்மையான அல்லது அசல் விலை (ஆக்சுவல் வேல்யூ) கிடைக்கும். நிறுவனங்களில் வாடிக்கையாளர் பலர் இம்மாதிரி அணுகுவது உண்டு. எனக்கு அசல் விலை மறந்து விட்டது. ஆனால் தள்ளுபடி செய்து தரப்பட்ட விலை எனக்கு தெரியும் என்று குறிப்பிடுவார்கள் அப்போது இதை பயன்படுத்தலாம்.
இதில் D வரிசையில் உள்ள சதவீத வேறு பாடு கட்டத்தில் =100%-C6 என்று மூலமைக்கவேண்டும். தள்ளுபடி விலையை சதவீத வேறுபாடு கோண்டு வகுத்தோமானால் அசல் விலை வந்துவிடும். (கணித முறை சரிதானா? என்று தெரியவில்லை. இந்த அமைப்பு ஒரளவிற்கு கை கொடுக்கிறது)
ஆடித்தள்ளுபடி என்று அசல் விலை குறிப்பிடாமல் மோசடி செய்யும் போதும் இல்லையேல் சும்மா பேருக்கு அசல் விலை குறிப்பட்டு அதை அடித்து கீழே கொடுப்பார்கள். (தள்ளுபடி விலையே லாபத்துடன் கூடிய அசல் விலை தான்) அப்போது பயன்படுத்திக்கொள்ளலாம். கணிப்பான் (கால்குலேட்டர்) கொண்டும் அங்கேயே கணித்து கொள்ளலாம். சிவப்பு கட்டங்களில் மூலங்கள் உள்ளது என்பதை குறிக்கின்றன. மஞ்சள் கட்டங்கள் உள்ளீடு செய்யவேண்டும் என்று குறிக்கின்றன.
அடுத்து கீழே தேதி மூலம் (சூத்திரம்) குறித்து சில....
Last edited by nambi; 03-08-2010 at 08:58 PM.
எக்சலில் தேதி மற்றும் நேர மூலங்களின் (சூத்திரங்களின்) பட்டியலில் இந்த சூத்திரம் முதன்மையான சூத்திரமாக பயன்படுத்தப்படுகிறது.
DATE(வருடம், மாதம், தேதி) என்ற வகையில் உள்ளடுமாறு அமைக்கப்பட்டுள்ளது.
இதன் மூலம்;
=DATE(YEAR,MONTH,DAY)
இதன்படி
A1 2010
A2 07
A3 31
A4 =DATE(A1,A2,A3) என்று உள்ளிட்டோமானால் விடை இன்றைய தேதி வரும்...இப்படி 31/07/2010
இதனடிப்படையில் கூடுதலாக இப்படி பட்டயிலடிப்பட்ட படம் கொடுக்கப்பட்டுள்ளது.
இதில் வலதுபக்க F நெடுக்கு வரிசை
இல் கொடுக்கப்பட்டுள்ள சூத்திரத்தினை பயன்படுத்தி சோதித்து அறியலாம். இதில் கிழமை ஆங்கிலத்தில் வருமாறு அமைக்க =TEXT(தேதி,"dddd") என்று கிழமை E கட்டத்தில் உள்ளிட்டோமானால் கிழமைகள் ஆங்கிலத்தில் பெறலாம். தமிழில் வருவதை பற்றியும் பிறகு பார்க்கலாம். இதில் தேதிகள் பண்டிகை முடிந்த அடுத்த நாளே தானாக மாறிக்கொளுமாறு அமைக்கலாம். அதற்கு இங்கு கொடுக்கப்பட்ட மூலத்தை உங்கள் தரவுத்தாளின் மேற்கோளுக்கு (செல் ரெபரன்ஸ் எண்) ஏற்றவாறு மாற்றி ''D'' நெடுக்கு வரிசையில் படத்தில் கொடுக்கப்பட்டுள்ள சூத்திரத்திற்கு மாற்றாக கொடுக்கவும்.
=IF(TODAY()>DATE(YEAR(NOW()),1,14),DATE(YEAR(NOW())+1,1,14),DATE(YEAR(NOW()),1,14))
(குறிப்பு ஒவ்வொரு பண்டிகையின் தேதி மற்றும் மாதங்களை மாற்றவேண்டும், இது நாம் பிட்டாயிலிட்டு வைத்துக்கொள்ள பயன்படுகின்ற ஒரு பட்டியல்...)
நன்றி...அடுத்த பதிவில்....
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks