அசைப்போம் இசைப்போம்.

[குணமதி]

கொண்-டுவ-ரலாம் என்பது சரியா?

கொண்/டு/வர/லாம் என்பது தானே சரி?

கொண்/டுவ/ரலாம் - சரி.

[ஆதி]

கொண்-டுவ-ரலாம் என்பது சரியா?

கொண்/டு/வர/லாம் என்பது தானே சரி?

அக்கா,


நேர் அசை விதிகள் - தனிக் குறில், தனி நெடில், தனிக் குறில்/நெடிலோடு ஒற்று..

என்/னோ/டு =நேர்/ நேர்/நேர்

என் *- தனிக்குறிலோடு ஒற்று

னோ - தனி நெடில்

டு - தனிக்குறில்


நேர் எனும் சொல்லை பிரித்தாலும் நேர் அசையே கிடைக்கும்..

நிரை அசை விதிகள் :-

1) குறிலொடு குறில்

2) குறிலொடு நெடில்

அலை/களே = நிரை/நிரை

அலை - குறிலொடு குறில்

களே - குறிலொடு நெடில்


நிரை எனும் சொல்லைப் பிரித்தாலும் நிரையசையே கிடைக்கும்

சேராதவை :-

1) நெடிலோடு முன்வர குறில் அதனுடன் சேராது

2) ஒற்று முன்வர பின்வரும் நெடிலோ, குறிலோ அதனுடன் சேராது.


இப்போ கொண்-டுவ-ரலாம் ஐ பார்ப்போம்..


கொண்-டுவ-ரலாம் = நேர்-நிரை-நிரை

கொண் - தனிக்குறிலொடு ஒற்று

டுவ - குறிலொடு குறில்

ரலாம் - குறிலொடு நெடில்

நேர்-நிரை-நிரை = கூ-விளங்-கனி

[கீதம்]

கொண்டுவரலாம் என்பதை கொண்டு வரலாம் என்று பிரித்து எழுதியிருந்தால் கொண்/டு/ வர/லாம் என்று பிரிப்பதுதானே சரி. அதைத்தான் கலையரசி அக்கா கேட்டிருக்கிறார்கள் என்று நினைக்கிறேன்.

[குணமதி]

கொண்டுவரலாம் என்பதை கொண்டு வரலாம் என்று பிரித்து எழுதியிருந்தால் கொண்/டு/ வர/லாம் என்று பிரிப்பதுதானே சரி. அதைத்தான் கலையரசி அக்கா கேட்டிருக்கிறார்கள் என்று நினைக்கிறேன்.

நீங்கள் சொல்வது சரி.

கொண்டு வரலாம் என்று தனித்தனியாக - இரண்டு சீர்களாக எழுதும் போது...

கொண்/டு வர/லாம் - என்று அலகிடுவதே - அசை பிரிப்பதே சரியாகும்.

கொண்டுவரலாம் என்பது ஒரே சீரானால், கொண்/டுவ/ரலாம் என்றே அலகிட வேண்டும்.

[செல்வா]

அலை/களே = நிரை/நிரை

அலை - குறிலொடு குறில்

களே - குறிலொடு நெடில்

இரண்டுமே குறிலோடு நெடிலே

ஐ - நெடிலாகும்.

கட - குறிலோடு குறில்
கடா - குறிலோடு நெடில்.

[ஆதவா]

இரண்டுமே குறிலோடு நெடிலே

ஐ - நெடிலாகும்.

கட - குறிலோடு குறில்
கடா - குறிலோடு நெடில்.

செல்வா, சிலசமயம் ஐ நெடிலாகாது!! (ஐகாரகுறுக்கம்!)

அன்னையினால் ஆனது..

இதை அசை பிரியுங்களேன்!!

[ஆதி]

செல்வா, சிலசமயம் ஐ நெடிலாகாது!! (ஐகாரகுறுக்கம்!)

அன்னையினால் ஆனது..

இதை அசை பிரியுங்களேன்!!

அதே அதே..

செல்வா ஐகாரகுறுக்கம் மறந்துட்டீயோ ?

அலை *- மாத்திரையளைவை கணக்கிடு

[ஆதி]

அசை வாய்ப்பாடுகள் :

நேர்நேர் - தேமா
நிரைநேர் - புளிமா
நேர்நிரை - கூவிளம்
நிரைநிரை - கருவிளம்

நேர்நேர்நேர் - தேமாங்காய்

நிரைநேர்நேர் - புளிமாங்காய்

நேர்நிரைநேர் - கூவிளங்காய்

நிரைநிரைநேர் - கருவிளங்காய்

வெண்பா இயற்ற தேவையான அசை வாய்ப்பாடுகள் இவை..

[செல்வா]

ஐகாரக் குறுக்கத்தை இன்னும் கொஞ்சம் விளக்கமாகச் சொல்லுங்களேன்...

[ஆதி]

ஐகாரக் குறுக்கத்தை இன்னும் கொஞ்சம் விளக்கமாகச் சொல்லுங்களேன்...

ஐகாரக்குறுக்கம் :-


'ஐ' என்னும் எழுத்தை குறிக்கும் போதும் அளபெடையில் நீளும் போதுமன்றி மற்ற இடங்களில் குறுகியே ஒலிக்கும்,
சொல்லின் முதலில் ஒன்றரை மாத்திரையும், இடை, கடையில் ஒரு மாத்திரையும் கொண்டொலிக்கும்.


ஐராவதம் - முதல் எழுத்து
அலைகள் - இடையெழுத்து
அவர்களை - கடையெழுத்து

[ஆதவா]

ஐகாரக் குறுக்கத்தை இன்னும் கொஞ்சம் விளக்கமாகச் சொல்லுங்களேன்...

எனக்கும் அவ்வளவு விளக்கமாகத் தெரியாது செல்வா. ஏதோ தெரிந்ததை சொல்கிறேன். மற்றவை மற்றவர் கையில்.

ஐகார குறுக்கம். அதாவது ஐ’காரம் மாத்திரை அளவு குறுகி வருவது.

எதற்காக என்றால் அசையொலி அவ்விடத்தில் குறைந்து இருக்கும். உதாரணத்திற்கு

”அன்னையினால்” என்ற வார்த்தையை “அன்னயினால்” என்பது போலத்தான் நாம் உச்சரிப்போம்.

”னை” எனும் ஐகாரம் ஒலி அளவில் குறுகி ”ன” ஆகிவிடுகிறது. ஆதலால் இதை ஐகார குறுக்கம் என்கிறோம். சொல்லின் எல்லா இடங்களிலும் ஐகாரகுறுக்கம் வரலாம்.

அதே போல

அகந்தையை விட்டொழி (அகந்தயை)
உண்மையினால் பிழைத்தான் (உண்மயினால்)


ஆனால் எல்லா இடத்திலும் இது ஒத்து வராது. ”ஐயம் (சந்தேகம்)” இதை அய்யம் என்றுதான் நாம் சொல்லுவோம். அதனால் இதனை குறுக்க வேண்டியதில்லை. ( ஐ உம் அய் உம் ஒன்றுதான் ) ஐ யை நெடிலாக பாவித்து, ஐ+யம் என்று பிரிக்கலாம்.

ஐகாரத்திற்கு அருகில் ஒற்று வந்தாலும் அது நெடிலாகவே எடுத்துக் கொள்ளவேண்டும். ”ஐங்+கரன்”

எழுத்தில், குறுக்கமும் நீட்சியும் (அளபெடை) உண்டு!!

உயிரளபெடை ,

அனிச்சபூக் கால்களையாள் பெய்தாள் நுசுப்பிற்கு
நல்ல படாஆ பறை

ஒற்றளபடை உண்டு!!! (பொன்ன், மண்ண்)


மேற்கூறியவற்றில் ஒன்றிரண்டு தவறுகள் இருக்கலாம். ஆகவே யாரேனும் ஆராய்ந்து அறிந்து கொள்க.

[ஆதி]

//இடத்திலும் இது ஒத்து வராது. ”ஐயம் (சந்தேகம்)” இதை அய்யம் என்றுதான் நாம் சொல்லுவோம். அதனால் இதனை குறுக்க வேண்டியதில்லை. ( ஐ உம் அய் உம் ஒன்றுதான் ) ஐ யை நெடிலாக பாவித்து, ஐ+யம் என்று பிரிக்கலாம்.
//

ஆனாலும் நெடிலுக்குறிய இரண்டு மாத்திரை உற்றிலிக்காது 'ஐ'

'அய்' இதற்கு ஒன்றரை மாத்திரை தானே..

அசைப்பிரிக்கும் போது சொல்லின் முதலில் 'ஐ' வந்தால் அதனை நெட்டெழுத்தாகவே கருதுதல் அவசியம்..

ஐராவதம் - ஐ/ரா/வதம் என அசை பிரிக்கவேண்டும்..