Page 1 of 5 1 2 3 4 5 LastLast
Results 1 to 12 of 59

Thread: சந்துரு நீயே உனக்கு சத்துரு(இறுதி பாகம்)

                  
   
   
  1. #1
    மன்றத்தின் தூண் பண்பட்டவர் மதுரை மைந்தன்'s Avatar
    Join Date
    17 Jun 2008
    Location
    Melbourne, Australia
    Posts
    2,291
    Post Thanks / Like
    iCash Credits
    22,229
    Downloads
    1
    Uploads
    0

    சந்துரு நீயே உனக்கு சத்துரு(இறுதி பாகம்)

    முதல் பாகம்

    எங்களுடைய அலுவலகத்தில் தபால்களை பட்டுவாடா செய்யும் ஊழியர் (டெஸ்பாட்ச் கிளார்க்) வேலைக்கு ஆளைத் தேர்ந்தெடுக்கும் கடமை பணியாளர்களை நிர்வகிக்கும் அதிகாரியான என்னிடம் ஒப்படைக்கப்பட்டது. வேலைக்கு ஆள் வேண்டி பத்திரிகைகளில் விளம்பரம் கொடுத்தேன். வந்திருந்த நூற்றுக் கணக்கான விண்ணப்பங்களிலிருந்து களைந்தெடுத்து 10 பேரை நேர்முகத் தேர்வுக்கு அழைத்திருந்தோம். தேர்வுக்க் குழுவில் என்னைத் தவிர மேலதிகாரிகள் இருவரும் இருந்தனர். தேர்வு நாள் அன்று ஏற்பாடுகளை மேற்பார்வை இட்டுக் கொண்டிருந்தேன். தேர்வுக்கு அழைக்கப்பட்டிருந்த நபர்களை வரவேற்று அவர்களிடமிருந்த அழைப்பு கடிதத்தை பார்வையிட்டு அவர்களை தேர்வு நடக்கும் அறைக்கு வெளியே அமரச் செய்யும் பொறுப்பை எனது உதவியாளரிடம் ஒப்படைதிருந்தேன். தேர்வு ஆரம்பமாக நேரம் நெருங்கி கொண்டிருக்கையில் அறையின் கதவில் இருந்த கண்ணாடி சாளரத்தின் மூலம் ஒரு நோட்டம் விட்டேன். வந்திருந்த அனைவரும் வரிசையாக அமர்ந்திருந்தார்கள். அப்படி பார்த்துக் கொண்டிருந்த எனக்கு அந்த வரிசையில் அமர்ந்திருந்த சந்துருவை கண்டதும் ஆச்சரியம் அடைந்தேன்.

    அறையின் மேசையில் இருந்த விண்ணப்பதாரர்களின் பட்டியலை பார்த்தேன். அதில் சந்துருவின் பெயர் இல்லை. மேலதிகாரிகளிடம் என்னுடைய குழப்பத்தை கூறினேன். அவர்களில் ஒருவர் " ஓ அதுவா, நேற்று நமது தலைமை நிர்வாகி போன் செய்து சந்திர சேகரன் என்ற ஒருவருக்கு மந்திரி ஒருவரின் சிபாரிசு இருப்பதால் அவருக்கு தான் இந்த வேலையைக் கொடுக்க வேன்டும் என்றார். நான் நிர்வாகியிடம் நேர்முகத் தேர்வுக்கு ஏற்கனவே 10 பேருக்கு அழைப்பு கடிதங்கள் அனுப்பபட்டு விட்டதாக கூற அவர் நேர்முகத்தேர்வை நடத்துங்கள். அதற்கு இந்த நபரையும் அழைத்து மற்றவர்களுக்கு ஒரு கண் துடைப்பாக தேர்வை நடத்தி எப்படியாவது அவர்களை நிராகரித்துவிட்டு இவருக்கு வேலையை கொடுங்கள் என்றார்". அவர் சொல்லி முடித்ததும் நான் " சந்துரு நீ யமகாதகன்" என்று முணுமுணுத்தேன். அந்த அதிகாரி என்னிடம் " சந்திர சேகரனை எனக்கு முன்னாடியே தெரியுமா?" என்று கேட்டதும் அவரிடம் ஆமாம் என்று சொல்லி விட்டு என் நினைவுகள் பின்னோக்கி ஓடின.

    சந்துருவும் நானும் ஒரே வயதினர். நாங்கள் பக்கத்து பக்கத்து வீடுகளில் வசித்து வந்தோம். சந்துரு அவனுடைய பெற்றோர்களுக்கு ஒரே பிள்ளை. தவமிருந்து அவனைப் பெற்ற*தாக அவர்கள் கூறுவார்கள். அவனுடைய தந்தை கடை ஒன்று வைத்து அதன் மூலம் வசதியாக இருந்தார்கள். அவனை மிகவும் செல்லமாக வளர்த்தார்கள். இரவு சாப்பாட்டு நேரங்களில் அவன் திடீரென்று எனக்கு அல்வா வேணும், மசலா தோசை வேணும் என்பான். அவனுடைய தந்தையும் உடனே சைக்கிளில் சென்று அவைகளை வாங்கி தருவார். என்னுடைய நிலைமை வேறாக இருந்தது. என்னுடைய தந்தை ஒரு ஆசிரியராக பணியாற்றி வந்தார். நான் மூத்த பிள்ளை. எனக்கு நான்கு தங்கைகள் இருந்தனர். என்னுடைய தந்தை என்னிடம் அடிக்கடி சொல்வார் " பசங்க கிட்ட கத்தி கத்தி சொல்லி கொடுத்து களைத்து விட்டேன். நீ நல்லா படிச்சு ஒரு வேலையில் சேர்ந்து விட்டல் நான் ஓய்வு எடுத்துக் கொள்வேன். நீ நல்ல வேலக்கு வந்தால் உன்னோட நாலு தங்கைகளுக்கும் நல்ல இடங்களில் கைபிடித்துக் கொடுத்து விட்டு நிம்மதியாக போய் சேர்ந்துவிடுவேன்". நன்றாக படிக்க வேண்டும், குடும்ப பாரத்தை சுமக்க வேண்டும் என்ற நினைப்புகளில் பள்ளி பருவங்களில் என் வயதொத்தவர்கள் விளயாடிக் கொண்டிருந்த போது நான் புத்தகங்களில் மூழ்கி இருப்பேன்.

    சந்துருவும் நானும் ஒரே பள்ளியில் ஒரே வகுப்பில் படிக்க ஆரம்பித்தோம். ஆனால் சந்துரு படிப்பில் அக்கறை காட்டாததால் ஒவ்வொரு வருடமும் இறுதி தேர்வுகளில் அவன் பெயில் ஆவதும் அவனுக்காக அவனது தந்தை தலைமை ஆசிரியரிடம் மன்றாடி அவனை தூக்கி தூக்கி போட்டு எஸ்.எஸ்.எல்.சி வகுப்பு வரைக்கும் தொடர்ந்தோம். எஸ்,எஸ்.எல்.சி. தேர்வும் நடந்து ரிசல்ட்களும் வந்தன. நான் பள்ளியின் முதல் ராங்கில் பாஸ் பண்ணினேன். ரிசல்டைப் பார்த்து விட்டு நான் வேகமாக வீடு நோக்கி வந்து கொண்டிருந்தேன். சந்துருவுன் தந்தை என்னை எதிர் கொண்டு என்னுடைய ரிசல்ட் கேட்டு மகிழ்ந்து " சங்கரா, உங்க அப்பா அம்மா ரொம்ப கொடுத்து வைச்சவங்க. என்னோட தறுதலைப் பையன் என்ன பண்ணியிருக்கானோ தெரியலை" என்றார். சந்துரு தேர்வில் பெயிலாகி விட்ட செய்தியை தயங்கி சொன்னேன். அவர் முகம் இறுகி " வீடு வரட்டும் அந்த கழுதை அவனுக்கு நல்ல பாடம் புகட்டறேன்" என்று சொல்லி சென்றார் அவர். என்னுடைய தந்தயிடம் நான் முதலாவதாக வந்த செய்தியை கூறியதும் அவர் என்னைக் கட்டி பிடித்து ஆனந்த கண்ணீர் விட்டார்.

    மறு நாள் காலை எங்கள் வீட்டு கதவு தட்டப்பட்டதும் சென்று கதவை திற்ந்தேன். அங்கே சந்துருவின் தந்தை கையை பிசைந்து கொண்டு நின்றிருந்தார், " ஏண்டா இப்படி இருக்கே, நீ பெயிலாகி எங்க மானத்தை வாங்கிட்டயேடா என்று கோபித்துக் கொண்டேன் சந்துருவை. அவன் நான் பெயிலானதற்கு பக்கத்து வீட்டு சங்கரன் தான் காரணம். பக்கத்து சீட்டில் பரிட்சை எழுதின அவன் எனக்கு தன் பேப்பரைக் காட்ட மறுத்து விட்டான் என்றான். கழுதே நீ ஒழுங்கா படிக்காம அந்த நல்ல பிள்ளையை குறை சொல்லரயே. காபி அடிச்சு எழுத உனக்கு வெக்கமாயில்லை என்று நான் திட்டினேன் அவனை. என்னைக் கண்டால் ஆகலை உனக்கு, பக்கத்து வீட்டு பையன் தான் உசத்தினா நீ அவனையே கட்டிண்டு அழுனு சொல்லிட்டு வீட்டை விட்டு ஓடி விட்டான்" என்றார் அவர்.


    தொடரும்...
    Last edited by மதுரை மைந்தன்; 24-06-2010 at 12:01 PM.

    போர் செய்ய புது ஆயுதமும்
    ஆள் கொல்ல தினமோர் சதியும்
    நின்றே கொல்லும் தெய்வங்களும்
    நின்றே கொல்லும் மத பூசல்களும்
    நன்றே மாறிடும் நிலை வருமா?



    விஞ்ஞானி-தொடர்கதை (பாகம் 3) (இணைப்பு)
    http://www.tamilmantram.com/vb/showthread.php?t=16872

  2. #2
    மட்டுறுத்தினர் பண்பட்டவர் மதி's Avatar
    Join Date
    10 Aug 2005
    Location
    சென்னை
    Posts
    8,263
    Post Thanks / Like
    iCash Credits
    45,159
    Downloads
    78
    Uploads
    2
    ஆரவாரமாக ஆரம்பித்து விட்டீர்கள். சந்துரு மேற்கொண்டு என்ன செய்தான்..?? தொடருங்கள்..

  3. #3
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    அட...சந்துரு...பெரிய வில்லனா இருப்பான் போலருக்கே....

    நினைச்சதும் கதை எழுதும் உங்கள் ஆற்றலைப் பாராட்டுகிறேன் நண்பரே.

    தொடருங்கள்.....தொடர்கிறோம்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  4. #4
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    15,770
    Downloads
    62
    Uploads
    3
    சுற்றி வளைக்காமல் எடுத்த எடுப்பிலேயே கதை!!
    நன்றாயிருக்கிறது நண்பரே. தொடருங்கள்.

  5. #5
    மன்றத்தின் தூண் பண்பட்டவர் மதுரை மைந்தன்'s Avatar
    Join Date
    17 Jun 2008
    Location
    Melbourne, Australia
    Posts
    2,291
    Post Thanks / Like
    iCash Credits
    22,229
    Downloads
    1
    Uploads
    0
    Quote Originally Posted by மதி View Post
    ஆரவாரமாக ஆரம்பித்து விட்டீர்கள். சந்துரு மேற்கொண்டு என்ன செய்தான்..?? தொடருங்கள்..
    நன்றி நண்பரே

    போர் செய்ய புது ஆயுதமும்
    ஆள் கொல்ல தினமோர் சதியும்
    நின்றே கொல்லும் தெய்வங்களும்
    நின்றே கொல்லும் மத பூசல்களும்
    நன்றே மாறிடும் நிலை வருமா?



    விஞ்ஞானி-தொடர்கதை (பாகம் 3) (இணைப்பு)
    http://www.tamilmantram.com/vb/showthread.php?t=16872

  6. #6
    மன்றத்தின் தூண் பண்பட்டவர் மதுரை மைந்தன்'s Avatar
    Join Date
    17 Jun 2008
    Location
    Melbourne, Australia
    Posts
    2,291
    Post Thanks / Like
    iCash Credits
    22,229
    Downloads
    1
    Uploads
    0
    Quote Originally Posted by சிவா.ஜி View Post
    அட...சந்துரு...பெரிய வில்லனா இருப்பான் போலருக்கே....

    நினைச்சதும் கதை எழுதும் உங்கள் ஆற்றலைப் பாராட்டுகிறேன் நண்பரே.

    தொடருங்கள்.....தொடர்கிறோம்.

    உங்கள் பாராட்டுக்களுக்கு மிக்க நன்றி நண்பரே

    போர் செய்ய புது ஆயுதமும்
    ஆள் கொல்ல தினமோர் சதியும்
    நின்றே கொல்லும் தெய்வங்களும்
    நின்றே கொல்லும் மத பூசல்களும்
    நன்றே மாறிடும் நிலை வருமா?



    விஞ்ஞானி-தொடர்கதை (பாகம் 3) (இணைப்பு)
    http://www.tamilmantram.com/vb/showthread.php?t=16872

  7. #7
    மன்றத்தின் தூண் பண்பட்டவர் மதுரை மைந்தன்'s Avatar
    Join Date
    17 Jun 2008
    Location
    Melbourne, Australia
    Posts
    2,291
    Post Thanks / Like
    iCash Credits
    22,229
    Downloads
    1
    Uploads
    0
    Quote Originally Posted by பாரதி View Post
    சுற்றி வளைக்காமல் எடுத்த எடுப்பிலேயே கதை!!
    நன்றாயிருக்கிறது நண்பரே. தொடருங்கள்.


    உங்கள் பாராட்டுக்களுக்கு மிக்க நன்றி நண்பரே

    போர் செய்ய புது ஆயுதமும்
    ஆள் கொல்ல தினமோர் சதியும்
    நின்றே கொல்லும் தெய்வங்களும்
    நின்றே கொல்லும் மத பூசல்களும்
    நன்றே மாறிடும் நிலை வருமா?



    விஞ்ஞானி-தொடர்கதை (பாகம் 3) (இணைப்பு)
    http://www.tamilmantram.com/vb/showthread.php?t=16872

  8. #8
    மன்றத்தின் தூண் பண்பட்டவர் மதுரை மைந்தன்'s Avatar
    Join Date
    17 Jun 2008
    Location
    Melbourne, Australia
    Posts
    2,291
    Post Thanks / Like
    iCash Credits
    22,229
    Downloads
    1
    Uploads
    0
    பாகம் 2

    " அவனை இப்போ நான் எங்கே சென்று தேடுவேன்" என்று பதைபதைத்தார் சந்துருவின் அப்பா. " கவலைப் படாதீங்க சார், நானும் உங்க கூட வறேன். நாம இருவருமா போய் தேடுவோம். ஆனால் நாம் இப்படியே போனால் ஒருவேளை அவன் நம்மை பார்த்து மீண்டும் ஓடி விடுவான். ஆகவே நாம மாறு வேடங்களில் செல்லவேண்டும்" என்று சொல்லி இருவரும் தலையில் முண்டாசுகளைக்கட்டி முகத்தில் கொஞ்சம் கரியையும் பூசிக்கொண்டு புறப்பட்டோம்.

    மதுரையில் நாங்கள் இருந்த வடக்கு மாசி வீதியிலிருந்து கிளம்பி ஒவ்வொரு தெருவிலும் பெட்டிக கடைகளில் சந்துருவின் வர்ணணயைக் கூறி அவனை யாராவது பார்த்தார்களா என்று விசாரித்தோம். பழங்கானத்தம் பக்கம் பைபாஸ் ரோட்டில் ஒரு கடைகாரர் அவனைப் பார்த்ததாக கூறினார். அது சென்னை வரை செல்லும் தேசிய நெடுஞ்சாலை. நாங்கள் திண்டுக்கல் செல்லும் பஸ்ஸில் ஏறி வழியில் சமய நல்லூர், சோழவந்தான் ஆகிய ஊர்களில் விசாரித்ததில் அவன் அந்த வழியாக சென்றிருப்பதை அறிந்து பயணத்தை தொடர்ந்தோம்.

    திண்டுக்கல் சேர்ந்து பசியாற ஓட்டல் ஒன்றில் சென்று அமர்ந்தோம். என்ன சாப்பிடலாம் என்று யோசித்துக் கொண்டிருந்த போது நான் தற்செயலாக சந்துரு பக்கத்து டேபிளில் அமர்ந்திருந்தவர்களிடம் சர்வராக காதில் ஒரு சின்ன பென்சிலை வைத்துக் கொண்டு கையில் ஒரு சின்ன நோட்டயும் வைத்து பேசிக் கொண்டிருந்த்தைப் பார்த்தேன். அவனுக்கு எங்களை அடையாளம் தெரியாதது நல்லதாக போயிற்று. நான் சந்துருவுன் அப்பாவின் காதில் சந்துரு அங்கு இருப்பதையும் அவனை நான் பிடிக்கிறேன் என்றும் சொல்லிவிட்டு முண்டாசு துண்டைக் கையிலெடுத்து அவன் பின்னால் சென்ரு அவன் கைகளைக் கட்டினேன். அவன் திமிரிக் கொன்டு " ஏய் யார் என்னை கட்டியது?" என்று கத்தி திரும்பினான். என்னைப் பார்த்ததும் அதிர்ச்சியில் உறைந்தான்.

    ஓட்டலில் சாப்பிடிருந்தவர்கள் இந்த களேபரத்தில் சந்துருவுன் அப்பாவிடம் " என்ன ஆச்சு சார்?" என்று கேட்டார்கள். அவர்களிடம் அவர் கை கூப்பி சந்துருவைக் காட்டி " இவன் என் பையன். வீட்டை விட்டு கோபிச்சுக்கிட்டு வந்துட்டான். வேற ஒண்ணுமில்லை. நீங்க சாப்பிடுங்க" என்று சொல்லி விட்டு தன் முண்டாசை அவிழ்த்து விட்டு எங்களருகே வந்தார். சந்துருவுடம் கை கூப்பி " ஏண்டா இப்படி பண்ணினே. அங்கே உன்னைக் காணாம உங்க அம்மா மூணு நாளா பட்டினியா கிடக்கிறா. அவளுக்கு ஏதாவது ஆயிடுச்சினா நான் உயிரோடு இருக்க மாட்டேன். தயவு செஞ்சு திரும்ப வந்துடு." என்றார் கண்களில் நீர் மல்க. " நான் வரமாட்டேன். அங்கே வந்தா என்னை படி படினு உயிரை வாங்குவீங்க" என்றான் சந்துரு. என்னிடம் கோபமாக " நான் பாட்டுக்கு இங்கே வேணுங்கற அல்வாவும் மசாலா தோசையும் சாப்பிட்டுகிட்டு இருக்கென். அதைக் கெடுத்திடேயேடா பாவி" என்று திட்டினான். சந்துருவுன் அப்பா அவனிடம் " நாங்க இனிமே உன்னை படினு சொல்ல மாட்டோம். உனக்கு வேணுங்கற அல்வாவையும் மசலா தோசையையும் வாங்கி தறேன். வந்து கடையைப் பாத்துக்கோ" என்றார். அவர் அவனிடம் கடையைப் பார்த்துக்க சொன்னது அவனுக்கு பிடித்திருந்தது. கடையில் உட்கார்ந்து கொண்டு போற வர பெண்களை சைட் அடிக்கவும், கடை சிப்பந்திகளை அதிகாரம் செய்து வேலை வாங்குவதும் அவனுக்கு பிடிக்கும் என்று எனக்குத் தெரியும். அவன் அவர் சொன்னதை ஏற்றுக் கொண்டு வர சம்மதிக்க நான் கை கட்டை அவிழ்த்தேன். நாங்கள் மூவரும் மதுரை திரும்பினோம்.

    நான் கல்லூரியில் சேர்ந்து படிக்க ஆரம்பித்தேன். நான் பள்ளிப்படிப்பை முடித்தவுடனேயே வேலைக்கு சென்றிருக்கலாம். ஆனால் என் தந்தைக்கு அந்த சமயத்தில் சில ட்யூஷன் மாணவர்கள் கிடைக்கவே அவர் என்னிடம் நன்றாகப் படிக்கும் உன் படிப்பை நிறுத்த சங்கடமாக இருக்கிரது. நீ தொடர்ந்து கல்லூரி படிப்பையும் முடித்தானல் நல்ல வேலை கிடைக்கும் என்று என்னை அனுமதித்தார். ஒரு நாள் கல்லூரிக்கு செல்லும் வழியில் எங்கள் தெருக் கோடியில் ஒரு வீட்டின் முன் விளையாடிக் கொண்டிருந்த சிறுமி ஒருத்தியின் கழுத்திலிருந்த தங்கச் சங்கிலியை சந்துரு கழட்டிக் கொண்டிருப்பதைப் பார்த்து வேகமாக அங்கு சென்று " ஏய் சந்துரு என்ன காரியம் பண்ணிக்கிட்டிருக்கே" என்றேன். முகம் வெளிரிப் போன சந்துரு என்னையே முறைத்துக் கொண்டு நின்றான். இதற்குள் சிறுமி அழத் தொடங்க அந்த வீட்டுக்காரர்கள் வெளியே வந்து சந்துருவைத் திட்டி அடிக்க ஆரம்பித்தனர். நான் அவர்களிடம் மன்றாடி சந்துருவைக் காப்பாற்றினேன். ஆனால் சந்துருவுக்கு என் மேல் கோபம் அதிகரித்தது.

    மறு நாள் நான் கல்லூரிக்கு செல்லும் வழியில் என் வழி மறித்தான் சந்துரு. " சங்கரா என் விஷயத்தில அடிக்கடி குறுக்கிடற நீ. நீ தான் எனக்கு சத்துரு" என்று சொல்லி விட்டு " அதென்ன கையில் டப்பா" என்று கேட்டான். டப்பாவில் எனக்கு என் அம்மா மதிய உணவிற்காக பழைய சோற்றி மோர் ஊற்றி பிசைந்து தொட்டுக்க ஒரு மாவடுவையும் வைதிருந்தார். பசிக்கு அமிர்தமாகவும் வெயிலுக்கு குளிர்ச்சியாகவும் அது இருந்தது. டப்பாவிலிருந்த சோற்றை பக்கத்து சாக்கடையில் கொட்டிவிட்டு வெறும் டப்பாவை என்னிடம் கொடுத்தான் சந்துரு. "இது தான் உனக்கு நான் தரும் தண்டனை" என்றான்.

    தொடரும்...

    போர் செய்ய புது ஆயுதமும்
    ஆள் கொல்ல தினமோர் சதியும்
    நின்றே கொல்லும் தெய்வங்களும்
    நின்றே கொல்லும் மத பூசல்களும்
    நன்றே மாறிடும் நிலை வருமா?



    விஞ்ஞானி-தொடர்கதை (பாகம் 3) (இணைப்பு)
    http://www.tamilmantram.com/vb/showthread.php?t=16872

  9. #9
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    48
    Posts
    7,283
    Post Thanks / Like
    iCash Credits
    96,476
    Downloads
    21
    Uploads
    1
    ஐயோ பாவம்! இப்படிப்பட்டவனுக்கு வேலைக்கு சிபாரிசு! கதையின் நாயகன் படும் பாட்டை உணரமுடிகிறது.

    பாராட்டுகள். தொடருங்கள்! தொடர்ந்து வருகிறேன்.

  10. #10
    மட்டுறுத்தினர் பண்பட்டவர் மதி's Avatar
    Join Date
    10 Aug 2005
    Location
    சென்னை
    Posts
    8,263
    Post Thanks / Like
    iCash Credits
    45,159
    Downloads
    78
    Uploads
    2
    விறுவிறுப்பாக செல்கிறது.. மேலும் தொடருங்கள் மதுரையாரே..!

  11. #11
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    15,770
    Downloads
    62
    Uploads
    3
    சந்துரு... இவ்வளவு தூரம் வன்மம் கொண்டிருந்தானா..!?
    அப்புறம் என்ன நடந்தது?

  12. #12
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    சந்துரு சரியான வில்லனாய் இருப்பான் போலிருக்கிறதே....படிக்கும்போதே சங்கரனை அத்தனைக் கஷ்டப்படுத்தியவன்....இனி வேலைக்குச் சேர்ந்தால்...என்ன செய்வானோ....

    தொடருங்கள் நண்பரே....
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

Page 1 of 5 1 2 3 4 5 LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Tags for this Thread

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •