Page 3 of 32 FirstFirst 1 2 3 4 5 6 7 13 ... LastLast
Results 25 to 36 of 374

Thread: அன்பிற்கும் உண்டோ அடைக்கும் தாழ்? இறுதி அத்தியாயம்

                  
   
   
  1. #25
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    51
    Posts
    7,283
    Post Thanks / Like
    iCash Credits
    100,196
    Downloads
    21
    Uploads
    1
    Quote Originally Posted by கலையரசி View Post
    இரண்டாம் பாகமும் நன்றாயிருக்கு கீதா! புதுப்பெண்ணின் நடவடிக்கைகளைக் கண்காணித்து அவளைப் பற்றி எடைபோடும் விதமும், தாய் மகனுக்கிடையே உள்ள பாசமும் சொல்லப்பட்டிருக்கும் விதம் நன்று.
    பின்னூட்டமிட்டு ஊக்குவிப்பதற்கு மிகவும் நன்றி அக்கா.

  2. #26
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    51
    Posts
    7,283
    Post Thanks / Like
    iCash Credits
    100,196
    Downloads
    21
    Uploads
    1
    Quote Originally Posted by பா.ராஜேஷ் View Post
    பாராட்டுக்கள் கீதம். இரண்டு பாகமும் மிக நன்று. இயல்பாக எழுதப்பட்டது இந்த கதைக்கு பிளஸ் பாயிண்ட்... தொடருங்கள்..
    மிக்க நன்றி ராஜேஷ் அவர்களே. தொடர்ந்து படித்து கருத்து சொல்லுங்கள். (குறையிருந்தாலும் கூட)

  3. #27
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    51
    Posts
    7,283
    Post Thanks / Like
    iCash Credits
    100,196
    Downloads
    21
    Uploads
    1

    அத்தியாயம்- 3

    அத்தியாயம்- 3

    "ஏங்க, உங்க நண்பரோட அம்மா ரொம்ப நல்லவங்களா இருக்காங்க, இல்லே………….?"

    பிரபுவின் கைகளுக்குள் தஞ்சமடைந்திருந்த சுந்தரி, அவன் முகத்தை ஏறிட்டாள்.

    "ஆமாம், ஆமாம்! எல்லா அம்மாவும் நல்லவங்கதான், தன் மகனுக்குப் பிரச்சனை வராதவரை!"

    "என்னாங்க, இப்படிச் சொல்லுறீங்க?"

    "பின்னே? எங்கம்மாவும்தான் எதிர்வீட்டு அக்கா, தானாக் கல்யாணம் பண்ணிகிட்டப்ப, கோயிலுக்குப் போய் வாழ்த்திட்டு வந்தாங்க. தன் பிள்ளைன்னு வரும்போதுதானே சுயநலமா யோசிக்கிறாங்க!"

    "ஓ…………….!"

    புரிந்துகொண்டவள் போல் அவள் அமைதியாய் இருந்தாள். பிரபுவின் விரல்கள் அவள் கூந்தலில் கோலம் போட்டுக்கொண்டிருந்தன. திடீரென்று எதையோ நினைத்துக்கொண்டவள் போல்,

    "ஆனா…………….., அந்தம்மா பாக்குறதுக்கு நல்லவங்களாதாங்க தெரியிறாங்க, பாருங்க, உடம்பு முடியாததோட,நமக்காக விருந்தெல்லாம் ஏற்பாடு பண்ணியிருந்தாங்க, எனக்குப் புதுச்சீலை, ரவிக்கையெல்லாம் தந்திருக்காங்க. நிச்சயமா அவுங்க நல்லவங்களாதான் இருக்கணும்!"

    பிரபுவுக்கு சிரிப்பு வந்தது.

    "சரிதான், உனக்கு யாராவது புதுச்சீலை, ரவிக்கை குடுத்தா அவங்கதான் நல்லவங்க, குடுக்காதவங்க கெட்டவங்கன்னு சொல்லுவே போலயிருக்கே!"

    "நீங்க என்ன சொல்லுறீங்க, அந்தம்மா கெட்டவுங்கனா?"

    "அடிப்பாவி! நான் எப்ப அப்படிச் சொன்னேன்? வெளுத்ததெல்லாம் பாலுன்னு நம்பிடாதேன்னுதானே சொல்றேன். இது கிராமம் இல்லை. நகரம். இங்கே பலவிதமான மனிதர்கள் இருப்பாங்க, நீ பார்க்கிற எல்லாரையும் பத்தரைமாத்துத்தங்கமுன்னு நினைச்சிடாதே! எல்லாரிடமும் ஒரு எல்லை வச்சுப் பழகணும், சரியா?"

    "என்னங்க, என்னென்னவோ சொல்லுறீங்க?"

    சுந்தரியின் முகத்தில் கலவரம் குடிகொண்டது.

    "புது இடம்! அதனால் கொஞ்சம் ஜாக்கிரதையா இருன்னு சொல்றேன்! அதுக்காக பயப்படாதே! கொஞ்சநாள் பழக்கத்தில் யார் யார் எப்படிப்பட்டவங்கன்னு உனக்குத் தெரியவரும். அதுக்கேத்தமாதிரி நீ பழகத் தொடங்கிடுவே!"

    சுந்தரி பயந்தவாறே தலையாட்டினாள்.
    பிரபுவுக்கு, விக்னேஷின் வீட்டில் தனக்கும் , விக்னேஷின் தாயாருக்கும் நடந்த உரையாடல் நினைவுக்கு வந்தது. அதை சுந்தரியிடம் சொல்வது உசிதமல்ல என்று நினைத்தவன், தன் மனதுக்குள்ளேயே அசைபோட்டான்.

    விருந்து முடிந்ததும், விக்னேஷை, நாகலட்சுமி, வெற்றிலை வாங்க வெளியில் அனுப்பிய காரணம் அப்போது புரியவில்லை. சுந்தரியும், மனோகரியும் பாத்திரம் கழுவிக்கொண்டே ஏதோ சுவையாகப் பேசிச் சிரித்துக்கொண்டிருந்தனர்.

    வரவேற்பறையில் அமர்ந்திருந்த பிரபு பொழுதுபோக, பக்கத்திலிருந்த பத்திரிகையில் பார்வையைப் பதித்திருந்தான். நாகலட்சுமி, அவனருகில் வந்தமர்ந்ததும், ஒரு புன்னகையை உதிர்த்து, தொடர்ந்து பத்திரிகையில் மூழ்கினான். அல்லது மூழ்கியிருப்பதுபோல் பாவ்லா காட்டினான்.

    நாகலட்சுமி என்ன கேட்பார், என்று தெரிந்திருந்ததால் அவருடன் பேசும் சந்தர்ப்பத்தைத் தவிர்த்து வந்தவனுக்கு, அந்தச் சந்தர்ப்பத்தை அவரே உருவாக்கியிருப்பது புரிந்தது.

    "என்னப்பா, பிரபு! உங்க அப்பா அம்மா எல்லாரும் நல்லாயிருக்காங்களா?"

    "ம்......"

    அவன் தொடர்வதற்குள் அவரே தொடர்ந்தார்.

    "எப்படி நல்லாயிருக்க முடியும்? ஒரே பிள்ளை, இப்படி தலையில் கல்லைத் தூக்கிப் போடுவான்னு கனவு கூட கண்டிருக்க மாட்டாங்களே! போன ஜென்மத்திலே என்ன பாவம் செய்தாங்களோ, இந்த ஜென்மத்தில் அனுபவிக்கிறாங்க!"

    பிரபுவுக்கு அதிர்ச்சியாய் இருந்தது. அந்தம்மா இதைப்பற்றிதான் பேசுவார் என்று எதிர்பார்த்திருந்தாலும், இப்படி அவன் மனம் நோகுமளவுக்கு அதிரடியாய்ப் பேசுவார் என்று எதிர்பார்க்கவில்லை. அவன் அமைதியாய் இருந்தான்.

    "சரி! இந்தப்பெண்ணுக்கு பெத்தவங்க, கூடப்பொறந்தவங்கன்னு யாரும் இல்லையா, அடிச்சு உதைச்சு வீட்டில் அடக்கிவைக்க?"

    "அம்மா....."

    பிரபு மானசீகமாய் சுந்தரியிடம் மன்னிப்புக் கேட்டுக்கொண்டான். அவள் காதில் இந்தம்மா பேசுவது எதுவும் விழுந்துவிடக்கூடாதே என்று கவலைப்பட்டான்.

    "அம்மா! நாங்க கல்யாணம் செய்துகிட்டது என் அப்பா அம்மாவுக்குப் பிடிக்காதுதான். சுந்தரியின் அப்பா அம்மாவும் எதிர்ப்புதான். நாளடைவில் அவங்க சமாதானமாகிடுவாங்க என்கிற நம்பிக்கையில்தான் இவளைக் கூட்டிவந்தேன். கல்யாணமும் செய்துகிட்டேன். இப்போ, அவள் என் மனைவி! அவளைப் பத்தி நீங்க இப்படிப் பேசறது எனக்குப் பிடிக்கலைம்மா!"

    பிரபு மிகவும் அமைதியாய் நிதானமாய் சொன்னான். சீவிச் சிங்காரித்து, மூக்கறுத்த கதையாக, போதும் போதும் என்கிற அளவுக்கு வயிறு நிறைய உபசரித்துவிட்டு, இப்படி மனம் நோகப் பேசுவது எந்த விதத்தில் நியாயம்?

    பிடிக்கவில்லையெனில், எதற்கு வீட்டுக்கு அழைக்கவேண்டும்? அப்படியே அழைத்திருந்தாலும், நீ செய்தது சரியில்லை, உன் பெற்றோரிடம் போய் முதலில் ஆசி வாங்கு, அவர்களை மனம் நோகச்செய்யாதே என்று உபதேசித்து அனுப்பவேண்டும். இப்படியா பேசி அவமானப்படுத்துவது?

    நாகலட்சுமிக்கு பிரபுவின் பேச்சு முகத்தில் அறைந்ததுபோல் இருந்தாலும், இந்தக் கருவாச்சிக்கே இப்படிப் பரிந்துபேசுகிறானே, இன்னும் அழகியாய்க் கிடைத்திருந்தால் அவ்வளவுதான் என்று நினைத்துக்கொண்டார். ஆனால் அவர் உண்டாக்கிய அந்தத் தனிமை சந்தர்ப்பத்தின் நோக்கமே வேறு. இப்போது பிரபுவை வெறுப்பேற்றுவதன் மூலம் அந்த நோக்கம் ஈடேறாமல் போகக்கூடும் என்பதால் அடக்கிவாசிக்கத் துவங்கினார்.

    "சரிப்பா! அதை விடு! உன் பாடு, உன்னை பெத்தவங்க பாடு! நான் உங்கிட்ட கேட்க நினைச்சதே வேற. அதுக்கு மட்டும் எனக்கு பதில் சொல்லு போதும்!"

    "என்னம்மா?"

    "விக்னேஷ் யாரையாவது காதலிக்கிறானா? “

    திடும்மென்று அவர் கேட்ட கேள்வியால் பதில் சொல்லத் தடுமாறினான், பிரபு.


    **********************************************

    அகழ்வாரைத் தாங்கும் நிலம்போலத் தம்மை
    இகழ்வார்ப் பொறுத்தல் தலை.

    மு.வ உரை:
    தன்னை வெட்டுவோரையும் விழாமல் தாங்குகின்ற நிலம் போல், தம்மை இகழ்வாரையும் பொறுப்பதே தலையான பண்பாகும்.

  4. #28
    அனைவரின் நண்பர் பண்பட்டவர் govindh's Avatar
    Join Date
    04 Mar 2010
    Location
    Kottaram
    Posts
    1,907
    Post Thanks / Like
    iCash Credits
    33,551
    Downloads
    0
    Uploads
    0
    அன்பிற்கும் உண்டோ அடைக்கும் தாழ்?
    மூன்று அத்தியாயங்களையும் தொடர்ந்து படித்து
    விட்டேன்.

    யதார்த்தமாகக் கதை சொல்கிறீர்கள்....
    நிகழ்வுகளைக் கொண்டு செல்கிறீர்கள்.

    அடுத்த அத்தியாயத்திற்காக ஆவலுடன் காத்திருக்கிறோம்.

  5. #29
    மட்டுறுத்தினர் பண்பட்டவர் மதி's Avatar
    Join Date
    10 Aug 2005
    Location
    சென்னை
    Posts
    8,263
    Post Thanks / Like
    iCash Credits
    48,459
    Downloads
    78
    Uploads
    2
    ஹஹா கடைசியாய் கேட்க வந்ததை கேட்டு விட்டார். ஒத்த புள்ள விட்டுட்டு போய்டகூடாதேனு அக்கறையா இருக்கும்.

    நல்லா நகர்த்திட்டு போறீங்க... தொடருங்க

  6. #30
    பொறுப்பாளர் பண்பட்டவர் அன்புரசிகன்'s Avatar
    Join Date
    04 Feb 2007
    Location
    நமக்கு நாடு இருக்கா என்ன?
    Posts
    11,476
    Post Thanks / Like
    iCash Credits
    136,331
    Downloads
    161
    Uploads
    13
    இயல்பான பாத்திரஅமைப்பு மேலும் மெருகூட்டுகிறது. தொடருங்கள்...

    Quote Originally Posted by கீதம் View Post
    ஆகா! வேல் படத்தை நான் பார்க்கவில்லையே! பார்த்திருந்தால் பாத்திர அமைப்பை மற்றியிருந்திருக்கலாம்.

    உங்கள் ஆதரவுக்கு நன்றி அன்புரசிகன்.
    நீங்கள் மாற்ற தேவையில்லை. பொதுவாக எனது மனதில் தோன்றியதை கூறினேன். மற்றப்படி வேல் படக்கதை வேறு.. இது வேறு..

    3வது பாகத்துடன் பார்க்கும் போது லட்சுமி வடிவுக்கரசியாக மாறிவிட்டார்...
    தாயை பழித்தால், தாய் தடுத்தால் விடுவேன்
    தமிழை பழித்தால், யார் தடுத்தாலும் விடேன்.

  7. #31
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    175,766
    Downloads
    39
    Uploads
    0
    ஆனாலும் இந்த நாகலட்சுமியம்மாள் இப்படி பேசியிருக்கக்கூடாது. நண்பனின் அம்மா என்பதால் பிரபுவும் பொறுத்துக்கொண்டிருக்கிறான். விருந்தும் வைத்துவிட்டு...இப்படி மனநோகப் பேசுவது எந்தவிதத்தில் நியாயம்.

    அவள் கருவாச்சியாகவே இருந்தாலும் கட்டியவனுக்கு அவள் அழகிதான் என்பது ஏன் இந்த அம்மாவுக்குப் புரியவில்லை.

    காட்சியமைப்புகள் மிக அருமை. பிரபுவுடன் தனியாய்ப் பேச சந்தர்ப்பம் ஏற்படுத்திக்கொள்ளுவதை அழகாய் காண்பித்திருக்கிறீர்கள்.

    அழகாய் செல்கிறது தொடருங்கள் கீதம்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  8. #32
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    51
    Posts
    7,283
    Post Thanks / Like
    iCash Credits
    100,196
    Downloads
    21
    Uploads
    1
    Quote Originally Posted by govindh View Post
    அன்பிற்கும் உண்டோ அடைக்கும் தாழ்?
    மூன்று அத்தியாயங்களையும் தொடர்ந்து படித்து
    விட்டேன்.

    யதார்த்தமாகக் கதை சொல்கிறீர்கள்....
    நிகழ்வுகளைக் கொண்டு செல்கிறீர்கள்.

    அடுத்த அத்தியாயத்திற்காக ஆவலுடன் காத்திருக்கிறோம்.
    உங்கள் ஆதரவுக்கு நன்றி கோவிந்த். தொடர்ந்து வந்து கருத்துச் சொல்லுங்கள்.

  9. #33
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    51
    Posts
    7,283
    Post Thanks / Like
    iCash Credits
    100,196
    Downloads
    21
    Uploads
    1
    Quote Originally Posted by அன்புரசிகன் View Post
    இயல்பான பாத்திரஅமைப்பு மேலும் மெருகூட்டுகிறது. தொடருங்கள்...


    நீங்கள் மாற்ற தேவையில்லை. பொதுவாக எனது மனதில் தோன்றியதை கூறினேன். மற்றப்படி வேல் படக்கதை வேறு.. இது வேறு..

    3வது பாகத்துடன் பார்க்கும் போது லட்சுமி வடிவுக்கரசியாக மாறிவிட்டார்...
    நீங்கள் பார்த்துக்கொண்டே இருங்கள், நாளடைவில் நாகலட்சுமி காந்திமதி போல் மாறினாலும் ஆச்சர்யப்படுவதற்கில்லை.

    பின்னூட்டத்துக்கு நன்றி, அன்புரசிகன்.

  10. #34
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    51
    Posts
    7,283
    Post Thanks / Like
    iCash Credits
    100,196
    Downloads
    21
    Uploads
    1
    Quote Originally Posted by சிவா.ஜி View Post

    காட்சியமைப்புகள் மிக அருமை. பிரபுவுடன் தனியாய்ப் பேச சந்தர்ப்பம் ஏற்படுத்திக்கொள்ளுவதை அழகாய் காண்பித்திருக்கிறீர்கள்.

    அழகாய் செல்கிறது தொடருங்கள் கீதம்.
    விரிவான விமர்சனம் கண்டு மகிழ்கிறேன். அனைத்து பதிவுகளுக்கும் பின்னூட்டமிட்டு ஊக்குவிக்கும் உங்கள் பண்பு என்னை வியக்கவைக்கிறது. மனமார்ந்த நன்றி, சிவா.ஜி அவர்களே.

  11. #35
    மட்டுறுத்தினர் பண்பட்டவர் கீதம்'s Avatar
    Join Date
    23 Dec 2008
    Location
    ஆஸ்திரேலியா
    Age
    51
    Posts
    7,283
    Post Thanks / Like
    iCash Credits
    100,196
    Downloads
    21
    Uploads
    1
    அத்தியாயம் - 4

    "விக்னேஷ் யாரையாவது காதலிக்கிறானா? அப்படி ஏதாவது இருந்தா, முன்னாடியே சொல்லிடுப்பா! திடீர்னு அவனும் உன்னைப்போல் செய்துட்டான்னு வச்சுக்கோ, என்னால் உயிரோடவே இருக்க முடியாது, அதனால்தான் கேக்கறேன்!"

    பிரபு அதிர்ந்துபோனான். தன் மகனைப் பற்றி அவன் நண்பனிடம் உளவு பார்க்கும் தாயை என்னவென்று சொல்வது? ஒருவகையில் அவரைப் பார்க்கப் பரிதாபமாகவும் இருந்தது.

    இளவயதில் கணவனை இழந்தவர், அதனால் மனநிலை பாதிக்கப்பட்டு பித்துப்பிடித்தவர்போல் பலவருடங்கள் சுயம் அறியாமல் இருந்தவர். அவரது நிலையைப் புரிந்துகொள்ளாத உறவுகள் அவர் வேண்டுமென்றே உதாசீனப்படுத்துவதாக எண்ணி, அவருடனான உறவைத் துண்டித்துக்கொண்டனர். பிறகு புத்தி தெளிந்து வாழ்ந்தாலும், உறவுகளை அண்டவிரும்பாது, தன் மகன் ஒருவனே போதுமென்று வாழ்பவர்.

    இந்த விஷயங்களை எல்லாம் அவரே அவனிடம் ஒருமுறை சொல்லியிருக்கிறார். அதனால் அவர் கேட்பதில் உள்ள நியாயம் புரிந்தது.

    விக்னேஷ் மூலம் இன்னொரு அதிர்ச்சி வந்தால் மீண்டும் மனநிலை பாதிக்கப்படும் அபாயம் இருக்கிறது என்பதை பிரபு உணர்ந்தான். இப்போதைக்கு அவரிடம் நம்பிக்கையை வளர்ப்பது ஒன்றே அவர் கவலைக்கு மருந்து என்று அறிந்தவன்,

    அவருடைய கரங்களை அழுந்தப் பற்றி,

    "அம்மா! என் நிலை வேற, விக்னேஷுடைய நிலை வேற! எனக்கு சின்ன வயசிலிருந்து பணம் மட்டும்தான் தேவைக்கு அதிகமாக் கிடைச்சது. பாசம் ....? அது நான் எதிர்பார்த்த அளவுக்கு என் அப்பா அம்மாகிட்டேயிருந்து கிடைக்கவே இல்லை.

    என் அப்பாவுக்கு அம்மா மட்டும்தான் ஊரறிஞ்ச மனைவி. ஊரறியாத மனைவிகள் எவ்வளவுன்னு அவருக்கே கணக்குத் தெரியாது. என் அம்மாவுக்கோ, என் அப்பாவை உளவு பார்க்கிறதே வேலை. எப்பவும் வீட்டில் சண்டை, சச்சரவுதான். என் வீட்டு வேலைக்காரங்களுக்கே எல்லா விஷயமும் தெரியும்.

    அப்படியொரு கேவலமான வாழ்க்கை அது! ஆனால், பணம் சேர்க்கிறதிலயும், பதவிசா வாழுறதிலயும் ரெண்டுபேருக்கும் அவ்வளவு ஒற்றுமை! அதனால்தான் நான் சின்ன வயசிலிருந்தே என் பாட்டி வீட்டில் வளர்ந்தேன்.

    பாசம்னா என்னன்னு என் பாட்டிதான் காட்டினாங்க. அவங்க தவறியதுக்கு அப்புறம் நான் என் வீட்டுக்குப் போனேன். அங்கே நிம்மதி இல்லை. வயது வந்த பிள்ளையின் முன் எதையெல்லாம் பேசக்கூடாதோ, அதையெல்லாம் பேசுவாங்க. எப்படி அவங்க மேல் மதிப்பு வரும்? அவங்களை விட்டு விலகணும்னு நினைச்சேன்.

    எனக்கு சென்னையில் வேலை கிடைச்சது ரொம்ப நல்லதாப் போயிடுச்சி. அவங்களை விட்டு விலகினாலும், இடையிடையே ஊருக்குப் போனதே இந்த சுந்தரிக்காகத்தான். என் வாழ்க்கையில் ஒரு ஏழைப் பெண்ணைத்தான் கல்யாணம் பண்ணிக்கணும்கிறதில் உறுதியா இருந்தேன். என் எதிர்பார்ப்புகளுக்கு ஏற்றவளா சுந்தரி இருந்தாள்.

    அப்பா அம்மா எதிர்க்கக் காரணம் கெளரவம்! அது ஒண்ணுதான்! மத்தபடி நான் ஒரு பணக்காரப் பெண்ணைக் கல்யாணம் பண்ணிகிட்டு என் வாழ்க்கை சீரழிஞ்சாலும் அதுக்கு அவங்க கவலைப்படமாட்டாங்க.

    இப்ப சொல்லுங்க, நான் செய்தது எந்த விதத்தில் சரியில்லை?

    ஆனா, நீங்க விக்னேஷை வளர்த்தவிதம் வேற. உங்க அன்பைக் கொட்டி வளர்த்திருக்கீங்க, அவனுக்கு நிச்சயம் என் நிலை வராது.

    அப்படியே அவன் ஒரு பெண்ணைப் பார்த்துப் பிடிச்சிருந்தாலும், நேரா உங்ககிட்ட வந்து, 'அம்மா! எனக்கு அந்தப் பெண்னைப் பிடிச்சிருக்கு, நான் காதலிக்கவா?'ன்னு உங்களைத்தான் கேட்பான். அதனால் கவலையை விடுங்க!"

    தன் பெற்றோரின் அந்தரங்க வாழ்க்கையின் அசிங்கம் தன் ஊரோடு போகட்டும், நண்பர்களுக்கும், மற்றவர்களுக்கும் தெரியவேண்டாம் என்று இத்தனை நாள் அந்தச் சோகத்தையெல்லாம் தனக்குள் பொத்திப் பொத்தி வைத்திருந்தவனுக்கு, இன்று நண்பனின் தாயாரிடம் சொன்னதன் மூலம் இரண்டு விஷயங்கள் நிகழ்ந்தன.

    ஒன்று, தன் மனதின் பாரமெல்லாம் இறங்கியது போல் ஒரு நிம்மதி. இரண்டாவது, நாகலட்சுமிக்கு அவர் மகனிடம் தளரவிருந்த நம்பிக்கையை இறுக்கி, அவரை ஆசுவாசப்படுத்தியது.

    “என்னாங்க, எவ்வளவு நேரமாக் கூப்புடுறேன், என்னா யோசனை?"

    "ம்!"

    திடுக்கிட்டு சுயநினைவுக்கு வந்தான், பிரபு. எதிரில் இரண்டு தம்ளர்களில் காப்பியை ஏந்தியபடி, சுந்தரி நின்றிருந்தாள்.

    பிரபு ஆச்சர்யத்துடன், "நீ எப்ப எழுந்து போனே?" என்றான்.

    "அது சரி! நீங்க எந்த லோகத்திலே இருக்கீங்க? நான் போய் பத்து நிமிஷம் ஆவுது. அதுகூடத் தெரியாம என்னா சிந்தனையோ, ஐயாவுக்கு?"

    "ம்? நம்ம விக்னேஷோட அம்மாவைப் பத்திதான் யோசிச்சிட்டிருந்தேன்."

    "என்னானு?"

    "விக்னேஷ் காதல் கல்யாணம் செய்துகிட்டால், அந்தம்மா ஒத்துக்குவாங்களான்னு யோசிச்சிட்டிருந்தேன்!"

    "நிச்சயமா ஒத்துக்குவாங்க! என்கிட்ட எத்தனை அனுசரணையாப் பேசினாங்க, எப்படி நடந்துகிட்டாங்க, நான் சாமான் கழுவுறேன்னு போனப்போ, நீ இதெல்லாம் செய்யவேண்டாம்மான்னு அப்படித் தடுத்தாங்களே! நிச்சயமா அவுங்களுக்கு மருமகளா வரப்போறவ, குடுத்துவச்சவதான். அவுங்க ஒருக்காலும் தம் பையனோட ஆசைக்கு குறுக்க நிக்கமாட்டாங்க."

    "நீ எப்படி இவ்வளவு உறுதியா சொல்றே, என்னமோ அவங்களோட வருஷக்கணக்கா பழகினமாதிரி?"

    "ஒருத்தர் குணமறிய வருஷக்கணக்காதான் பழகணுமா, ஒரு மணிநேரம் போதுமே! நீங்க சொல்லுற மாதிரி ஒரு சராசரித் தாயா அவுங்களை என்னால் கற்பனையே செஞ்சுபாக்க முடியலை. அவுங்க அதுக்கும் மேலதான்!"

    "அம்மா, தாயே! வேணுமின்னா ஒரு கோயில் கட்டி அவங்களைக் கும்பிடு! நான் இனிமே அவங்களைப் பத்தி ஒண்ணும் சொல்லலை."

    பிரபு கையெடுத்துக் கும்பிட்டான்.

    "என்னாங்க, நீங்க? என்னப்போய் கும்பிட்டுகிட்டு....."

    சுந்தரியின் செல்லச்சிணுங்கலை ரசித்தவாறே மனதுக்குள் அவளைப் பற்றிக் கவலைப்பட்டான், பிரபு.

    'இவ்வளவு அப்பாவியாய் இருக்கிறாளே! இவள் என்னமாய் இந்தச் சிங்காரச் சென்னையில் வாழக் கற்றுக்கொள்ளப்போகிறாள்?'

    பிரபுவின் கவலை அறியாத சுந்தரி, அவன் சொன்னதைப்போல் மானசீகமாக ஒரு கோயில் கட்டி அதில் நாகலட்சுமியின் திருவுருவம் வைத்து பூஜிக்கத் தொடங்கிவிட்டாள். அவள் அறிந்திருக்கவில்லை....பின்னாளில் அந்தக்கோயில் அதில் குடிகொண்ட தெய்வத்தாலேயே தரைமட்டமாக்கப்படப்போகிறது என்பதை!

    *********************************************************************

    மனைக்தக்க மாண்புடையள் ஆகித்தற் கொண்டான்
    வளத்தக்காள் வாழ்க்கைத் துணை.


    மு.வ உரை:
    இல்வாழ்க்கைக்கு ஏற்ற நற்பண்பு உடையவளாகித் தன்கணவனுடைய பொருள் வளத்துக்குத் தக்க வாழ்க்கை நடத்துகிறவளே வாழ்க்கைத்துணை ஆவாள்.

  12. #36
    இளம் புயல் பண்பட்டவர் சுடர்விழி's Avatar
    Join Date
    26 Aug 2008
    Location
    சிங்கப்பூர்
    Posts
    473
    Post Thanks / Like
    iCash Credits
    19,828
    Downloads
    1
    Uploads
    0
    கதை நல்லா போயிட்டு இருக்கு.....காட்சிகளை கண்ணுக்குள் கொண்டு வரும் எழுத்துக்கள்......தொடருங்கள்.....காத்திருக்கிறேன்
    வல்லமை தாராயோ -இந்த
    மாநிலம் பயனுற வாழ்வதற்கே!![

Page 3 of 32 FirstFirst 1 2 3 4 5 6 7 13 ... LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •