நான் கண்ட முதல் காதல்
நான் கண்ட முதல் காதல்
நான் கண்ட முதல் காதல்
ஊரில் காதலித்து
உருண்டு புரண்ட பின்னே
விட்டு வந்த உத்தமன் ஒருவன்
அவனை தேடி இங்கு வந்த பேதை
அவள் கையில் இருந்த ஒரே ஆதாரம்
அவன் கொடுத்த ஒரு செல் நம்பர்
நண்பனின் நண்பன்
நடத்திய தொலைபேசி சேவை மையத்தில்
தொடங்கியது முதல் காட்சி
ஒரே எண்ணை சுழற்றினாள்
இருபது முறை
எப்போதும் ஒரே பதில்
இந்த எண் தற்போது
உபயோகத்தில் இல்லை
எல்லோரும் குழம்பி இருக்க
மூலையில் உட்க்கார்ந்து அழுதாள்
இரக்கப்பட்டான் நண்பன்
பண உதவி செய்தான்
திரும்பி போ உன் வீட்டுக்கு என்றான்
மறுத்து விட்டாள்
சாவதை தவிர வேறு வழி இல்லை
எலி மருந்து வாங்க
இரண்டு ரூபாய் போதும் என்றாள்
இரககம் என் நண்பனின் உள்ளத்தில்
அவள் இருக்க பெண்கள் விடுதி
இளைப்பாற அவன் கடை
சிறிது நாளில் பொறுப்புகளை
அவளே எடுத்துக்கொண்டாள்
காலையில் எட்டு மணிக்கு திறப்பாள்
கடை கூட்டி பெருக்கி
சுத்தம் செய்து கல்லாவும் கவனித்தாள்
அவள் ராசி கடை கல்லா கட்டியது
நல்ல வருமானம்
இன்னும் இரண்டு இணைப்பு வாங்கி
லாபம் பார்த்தனர்
ஒருநாள் நண்பன் சொன்னான்
நல்ல பொண்ணாய் இருக்கா
வரும் பிப்ரவரி பதினான்காம் நாள்
என் காதலை சொல்லபோறேன் என்று
வந்தது அந்த நாள்
ஆனால் வரவில்லை அவள்
விடுதியை காலி செய்து விட்டாள் முன்னிரவு
குழப்பத்தில் அவன் புலம்பி தவித்தான்
மதிய வேளை ஒரு அஞ்சல் வந்தது
அன்பான அண்ணா
அவரை சென்ற வாரம் சந்தித்தேன்
பாவம் வேலை பார்த்த இடத்தில்
பணம் காணாமல் போக
இவர் தலை மேல் விழுந்துவிட்டது.
பணம் கட்டினால் வேலை கிடைக்கும் என்றார்கள்
வேறு வழி இல்லாமல் இதை செய்கிறேன்
நீங்கள் இணைப்பு வாடகைக்கு வைத்திருந்த பணம்
இருபத்தி இரண்டாயிரம்
என் வாழ்க்கையை மீட்டுக்கொடுத்தது
மன்னிக்கவும் என் வாழ் நாளில் ஒரு நாள்
உங்கள் கடனை அடைபேன்.,
இப்படிக்கு உங்கள் தங்கை XXXX
துண்டிக்கப்பட்டது அவன்
இதயம் மட்டும் இல்லை -
இணைப்புகளும்தான்.
Reply With Quote
Bookmarks