உனக்கும் எனக்குமான இறுதி வார்த்தையாக இது இருக்கட்டும்.

[அகத்தியன்]

இன்னும் எதுவும் சொல்வதற்கில்லை –
உன் பிரியாவிடையின் ஆயத்தங்கள் தவிர,
ஏதுமற்றுப் போன என்னுள் இன்னும் எதைத்தேடுகிறாய்?
நீயுமில்லை எனும் போது….

உன் பொழுதுகளில் இனி எனக்கேதும் வேலை இல்லை
அது உனது அழைப்புடன் நின்று போனது.
நான் மீண்டும் தனித்தே போனேன்.
உன் நினைவுகள் ஏதுமின்றி…

வாழ்த்துக்கள்……..
இது –
உனக்கும் எனக்குமான இறுதி வார்த்தையாக இது இருக்கட்டும்.

[அக்னி]

எனக்குள் பிரியாதபோதும்
பிரியாவிடை பெற்றாய்..,
அதுவும் அழைப்போடு...

முரண் ஆனபோதும்
முரண்பட மறுத்துவிட்டது
மனது...

மொத்தமாக
உன்னோடு உன்னை
அனுப்பிவைத்தபோது
வெறுமை மட்டும் மிஞ்சியது.

அனைத்தும் எனக்கு நீயானதால்
அந்த வெறுமையும் நீயானாய்.
மீண்டும் உன்னால் நிரம்பியது
மனது...

இந்த முரணோடு
முரண்பட முயன்றும்
முடியாமல்
வெறுமையான உன்னோடு
வெறுமையாய் நான்...

என்னால் உனக்கு மாசுவா
எனத் தெரியவில்லை...
ஆனால்,
உன்னால் நான் மகிமையாகின்றேன்...

*****
எங்கேயோ நுழைந்து தூண்டிவிடுகின்றது,
உங்கள் கவிதை...
பாராட்டுக்கள் பல அகத்தியருக்கு...

[சுகந்தப்ரீதன்]

எதையுமே இறுதியென்று அறுதியிட்டு கூறமுடியாது அகத்தியரே... இன்றைய இறுதி நாளையின் தொடக்கம்..!!

காத்திருங்கள்...காதலோடு..!!

அனைத்தும் எனக்கு நீயானதால்
அந்த வெறுமையும் நீயானாய்.
மீண்டும் உன்னால் நிரம்பியது
மனது...

நான் மிகவும் ரசித்த வரிகள்... நன்றி அக்னியண்ணா..!!

[gans5001]

அகத்தியரும், அக்னியும் மாறி மாறி கலக்குகிறார்களே. வாழ்த்துக்கள்

[சிவா.ஜி]

ஒரே காதல் பிரிவா சோகம் சொல்லிக்கிட்டே இருக்கீங்களே அகத்தியன்....கவலைப்படாதீங்க....சுபி சொன்ன மாதிரி...எதுவுமே இறுதியில்லை. கவிதை மிகவும் அருமை. வாழ்த்துகள்..(ஆனா இது இறுதி வார்த்தையில்லை)

[ஆர்.ஈஸ்வரன்]

வாழ்த்துக்கள்