லினக்ஸ் பற்றி நாம் அதிகம் உபயோகப்படுத்தாததால் அதன் நிறைகுறை தெரிய மாட்டேன்கிறது.
நிறைகள் பலர் பட்டியலிட்டாலும் விண்டோஸோடு ஒத்துப்பார்க்கும் போது தெரியும் குறைகள்.
புது டிவைஸ் டிரைவர்கள் தரும் நிறுவனங்கள் லினக்ஸை பொருட்டாக மதிப்பதில்லை. எனவே டிவைஸ் டிரைவர் தேடி அலைய வேண்டும், அல்லது அப்படியே விட்டு வைத்து விட வேண்டும்.
லினக்ஸ்-ல் வைரஸ் இல்லை/அல்லது குறைவு என்ற கருத்து தவறு. விண்டோஸில் இயங்கும் வைரஸ்கள் லினக்ஸில் எப்படி இயங்கும்?!. ஆனால் லினக்ஸ் ஒ.எஸ் ல் இருந்து அதில் உள்ள வைரஸ் நீக்கி மென்பொருள் மூலம்(லினக்ஸில் வைரஸ் இல்லை என்றால் ஏன் லினக்ஸிற்கான வைரஸ் நீக்கி மென்பொருள் விற்பனை எப்படி நடக்கிறது என்று யோசிக்கவும்) விண்டோஸ் பார்டீசனையும் அதில் உள்ள வைரஸ்களையும் ஒரளவு நீக்கலாம். டாக்டர்வெப் என்ற மென்பொருள் இந்த வேலை செய்ய தகுந்தது.
லினக்ஸ் பாதி பதிக்கும் போது சிடியில்/டிவிடி யில் பிழை என்றால் மொத்தமும் திரும்ப முதல் இருந்து தான், அந்த பைலை ரீட்ரை இக்நோர் செய்து பின்னர் சேர்க்க இயலாது. விண்டோஸில் மிக முக்கியமாக சிஸ்டம் பைல் தவிர மற்றவைகளுக்கு இந்த பிரச்சினை கிடையாது.
லினக்ஸ் பதிந்திருந்து அதில் நாம் உருவாக்கிய பைல்கள் உள்ளே இருக்கும் போது ஏதாவது வன்தட்டு பிரச்சினை வந்தால் அந்த பைல்களை மீட்டெடுப்பது மிகவும் சிரமம் என்றே நினைக்கிறேன். ஆனால் விண்டோஸில் அந்த ஹார்ட் டிஸ்க்கை இன்னொரு கம்ப்யூட்டரில் இனைத்தோ அல்லது பூட்டபிள் விண்டோஸ் ஒ.எஸ் சிடி மூலமாகவோ எடுத்து பத்திரப்படுத்தி விடலாம்
லினக்ஸில் ஏற்படும் பிழைச்செய்தி, வசதி ஏற்பாடுகளை செய்வது என்பது லினக்ஸ் படித்தவரிடையே அதுவும் குறிப்பிட்ட அந்த நிறுவன லினக்ஸ் படித்தவரே செய்ய இயலும்.
நானறிந்தவரை மதுரையிலே ஏற்கெனவே விண்டோஸ் வைத்திருப்பவரே கூடுதலாக லினக்ஸ் உபயோகிக்கிறார்களே அன்றி தனியாக இல்லை. சில அரசு நிறுவணங்கள் மற்றும் தொண்டு நிறுவணங்களே முற்றிலும் லினக்ஸ் ஒ.எஸ் பயன்படுத்துவதையும் பார்த்திருக்கிறேன்.
தமிழில் தட்டச்சுவது சிரமம்தான் ஆனால் இதற்கு மாற்று வழிகள் சில உள்ளன. எந்த லினக்ஸ் ஒ.எஸ் உபயோகிக்கிறீர்கள் என்று சொல்லுங்கள் நான் மாற்றுவழி சொல்கிறேன்.
பிரபல மென்பொருள்கள் பல லினக்ஸில் தங்கள் வெளியீடுகளை வெளியிடுவது இல்லை. அடோப், டேலி, மற்றும் மைக்ரோசாப்ட் இவைகளின் பதிப்புகள் இல்லவே இல்லை. சிடி பதிவதற்கு பரவலாக அனைவரும் பயன்படுத்தும் நீரோ போனால் போகிறது என்று லினக்ஸிற்கு ஒன்று வெளியிட்டுள்ளது.
முதன்முதலில் லினக்ஸ் பயன்படுத்தியவரை பின்னர் விண்டோஸில் இயக்க அனுமதித்தாலும், முதன் முதலில் விண்டோஸ் பயன்படுத்தியவரை பின்னர் லினக்ஸில் இயக்க அனுமதித்தாலும், இருவரும் கடைசியில் விண்டோஸைதான் நாடுவார்கள்
.
Bookmarks