லினக்ஸுக்கு மாறலாமா..?

**பாரதி** · 19-02-2010, 12:42 PM

மீண்டும் ஒரு முறை...
cd Desktop/linuxwacom-0.8.4-4/prebuilt
sudo ./uninstall
sudo ./install
பயன்படுத்தினேன்.

நிறுவி இருக்கிறது. ஒருவேளை கெர்னல் வேலை செய்யவில்லை என்றால் நாமாக மறுபடியும் கட்டளையை தரவேண்டும் என்று சொல்கிறது. கணினியை மீள இயக்கிப்பார்க்கிறேன்.

நன்றி ஆதன். தேடிப்பார்க்கிறேன்.

**பாரதி** · 19-02-2010, 01:36 PM

Originally Posted by ஆதன்

அண்ணா, இப்ப அந்த X11 கோப்பை தேடிப்பாருங்க அண்ணா..

/etc இல் இருப்பதாக தேடுதல் தெரிவிக்கிறது ஆதன்.

(முதலில் நான் X11 என்று தட்டச்சுவதற்கு பதிலாக x11 என்று பிழையாக தட்டச்சியதே காரணம்!)

இப்போது முறையாக உள்ளே சென்றாலும், அதன் உள்ளே சென்று பார்த்தால் கோப்பில் எந்த எழுத்தும் இல்லை!!

**பாரதி** · 20-02-2010, 10:00 AM

குபுண்டு குழுமத்தில் புது கோப்பை உண்டாக்கி சேமிக்க சொல்லி இருந்தார்கள். அதன் படியே செய்ததில் இப்போது முழுத்திரையையும் காண முடிகிறது. சிறிது கட்டளைகளையும் படித்தோம் என்றால் மிக எளிதாக இருக்கும் என்றே தோன்றுகிறது.

உதவியதற்கு மிக்க நன்றி ஆதன். மற்றொரு கணினியில் லினக்ஸ் மிண்ட் நிறுவலாமா என்ற எண்ணம் இருக்கிறது.

**எந்திரன்** · 12-07-2010, 10:43 AM

எனக்கும் லினக்ஸுக்கு மாறிவிடலாமா ? அல்லது விண்டோஸையும் வைத்துக் கொண்டு லினக்ஸிலும் இயங்கலாமா என்ற குழப்பம் இருந்து வருகிறது. எனக்கு தெரிந்தவரை லினக்சின் உபுண்டு பதிப்பு நன்றாக இருக்கிறது என்ற வரை அறிந்து வைத்துள்ளேன். நமது மன்றத்தில் லினக்ஸ் பற்றி் நிறைய திரிகள் உள்ளதால் அனைத்தையும் பொறுமையாக கற்று அந்த ஆபரேடிங் சிஸ்டத்திற்கு மாற முடியுமா என்று முயல்கிறேன்.

**செல்வா** · 12-07-2010, 12:14 PM

கணிணியை இணைய வசதிக்காகவும் பாடல்கள் கேட்க தகவல்கள் சேகரிக்க கோப்புகள் தயாரிக்க என்ற அடிப்படையில் உபயோகப் படுத்துகிறவர்கள் தாராளமாக உபுண்டு அல்லது லினக்ஸ் மின்ட் க்கு மாறலாம். எந்தப் பிரச்சனையும் இல்லை.

சி, சி++, ஜாவா, பி.எச்.பி, பைதான், பேர்ள்ஸ், ஆரக்கிள் போன்ற மென்பொருட்களில் பணிபுரிபவர்களும் தாராளமாக உபுண்டுக்கு மாறலாம்.

மைக்ரோசாப்ட்டின் தாயரிப்புகளான வி.பி, டாட் நெட் போன்றவற்றில் பணிபுரிபவர்கள் மற்றும் அடோபின் தயாரிப்புகளில் பணிபுரிபவர்கள் அனைவருக்கும் எனது ஆலோசனை என்னவென்றால் அவர்கள் விண்டோஸிலேயேத் தொடர்ந்து கொண்டு உபுண்டுவையும் நிறுவிக் கொண்டு உங்கள் வேலைகளை உபுண்டுவில் திறம்படச் செய்ய முடியுமா என்பதை சோதித்துக் கொண்டு பின் மாறுவது நலம்.

விண்டோஸில் இயங்கும் மென்பொருட்களை உபுண்டுவில் இரண்டுவிதமாக இயக்கலாம்
வைன் (WINE) என்ற மென்பொருளைப் பயன்படுத்தலாம்

விர்ட்யூவல் பாக்ஸ் என்ற மென்பொருளைப் பயன்படுத்தியும் இயக்கலாம்.

இரண்டு மென் பொருட்களையும் நான் பயன்படுத்திப் பார்த்திருந்தாலும் விர்ச்யுவல் பாக்ஸை நான் சிறந்தது என்பேன். இந்த முறையில் நீங்கள் விண்டோஸ் இயங்கு தளத்தை உங்கள் கணிணிக்குள் இன்னொரு கணிணியாக நிறுவிக் கொள்ளலாம். இரண்டு கணிணிகள் (ஒன்று உபுண்டு ஒன்று விண்டோஸ்) ஒரே நேரத்தில் நாம் இயக்குவது போல் இருக்கும் இந்த முறை.

எல்லாவற்றிற்கும் மேலாக உபுண்டுக்கு மாறும் ஒருவருக்கு முக்கியமாக இருக்க வேண்டியது. பொறுமை,குறைந்தபட்சம் தகவல்களை தேடும் அறிவு,விடா முயற்சி மற்றும் கற்றுக் கொள்ளும் ஆர்வம்.