குறள் யாப்போம் - ஈறு தொடங்கி!

[CEN Mark]

குறள் நிரைபு அல்லது நேர்பு (பிறப்பு அல்லது காசு) அசையில் முடியும் என்று படித்திருக்கிறேன். அங்ஙனமெனில் அது அடுத்தக் குறளின் துவக்கமாக அமையுமா? என்க்குத் தெரியவில்லை. தமிழறிஞர்கள் விளக்க முன் வரவும்.

இலக்கணப்படி பார்த்தால் நீங்கள் சொல்வது சரிதான். அவர்களும் மரபு மீறுதலை சுட்டிக்காட்டியிருக்கிறார்கள். எனவே இந்த திரி அணைந்ததாக கருதலாமா?

[கௌதமன்]

இலக்கணப்படி பார்த்தால் நீங்கள் சொல்வது சரிதான். அவர்களும் மரபு மீறுதலை சுட்டிக்காட்டியிருக்கிறார்கள். எனவே இந்த திரி அணைந்ததாக கருதலாமா?

மன்றத்தோழர்கள் அணைய விடமாட்டார்கள். அதுதான் கடைசி எழுத்துவரை வாய்ப்பு தந்து இருக்கிறார்களே. நான் யாப்பு கற்றுத் தேர்ந்து, பயிற்சி பெற்று களத்தில் குதிக்கிறேன். அதுதான் அடித்துத் திருத்துவதற்கு மன்றத் தோழர்கள் இருக்கிறார்களே.

[DURAIAN]

துன்பங்கள் ஆயிரம் படைகொண்டு வந்தாலும்
இன்புற்று இருக்கப் பழகு.

துன்பங்கள் ஆயிரம் சூழ்ந்துதான் வந்தாலும்
இன்புற்(று) இருக்கப் பழகு

ஒரு வார்த்தை மாற்றத்தில் வெண்பாவில் குறள்

அய்யா........
அனுமதியின்றி மாற்றியமைக்கு மன்னிக்கவும்

[M.Jagadeesan]

துன்பங்கள் ஆயிரம் சூழ்ந்துதான் வந்தாலும்
இன்புற்(று) இருக்கப் பழகு

ஒரு வார்த்தை மாற்றத்தில் வெண்பாவில் குறள்

அய்யா........
அனுமதியின்றி மாற்றியமைக்கு மன்னிக்கவும்

நன்றி! இனி இலக்கணப்படி குறள் எழுத முயற்சி செய்கிறேன்.

[M.Jagadeesan]

காதல் இயல்பு துயரம் தருவது
ஆதலால் காதல் தவிர்.

[M.Jagadeesan]

காதல் தவிர்த்த திருமணம் எல்லாமே
பாதை விலகுவது இல்.

[குணமதி]

அருமை!

யாப்பறியும் நோக்கத்திலேயே இதைத் தொடங்கியதால், பிழைகண்டால் தெரிந்தவர்கள் திருத்தி உதவுங்கள்!

தொடர்வது கட்டாயம் பயிற்சிக்கு உதவும்.

ஐயம் எழுந்தால் கேளுங்கள்; தெரிந்தவர்கள் தக்க விடை அளிப்பார்கள்.

இனி, அடுத்த குறள் -

இயல்பாய்த் தமிழை இனிக்க எழுத
முயலற் கிதுவேநல் வாய்ப்பு.

[குணமதி]

காதல் தவிர்த்த திருமணம் எல்லாமே
பாதை விலகுவது இல்.

அருமையான குறள்!
அடுத்தது -
இல்லறந் தன்னில் எடுப்புற வாழ்ந்திடும்
நல்லபல காதலரிங் குண்டு.

[குணமதி]

குறள் நிரைபு அல்லது நேர்பு (பிறப்பு அல்லது காசு) அசையில் முடியும் என்று படித்திருக்கிறேன். அங்ஙனமெனில் அது அடுத்தக் குறளின் துவக்கமாக அமையுமா? என்க்குத் தெரியவில்லை. தமிழறிஞர்கள் விளக்க முன் வரவும்.

நாள், மலர், காசு, பிறப்பு என்ற வாய்பாட்டில்தான் முடியும்.

தொடக்கத்தை மறுபடி ஒருமுறை படியுங்கள் கெளதமன், அடுத்த குறளை எப்படித் தொடங்குவது என்று தெளிவாகும். நன்றி.

[M.Jagadeesan]

என்னுடைய குறள் "இல்" லில் முடிந்துள்ளது.தங்களது குறள் "இல்"லில்
தொடங்காமல் "இயல்பாய்" என்று தொடங்குகிறதே!என்னுடைய அடுத்த
குறள்

இல்லாள் அகத்திருக்க இல்லாத தொன்றில்லை
இல்லாளே இல்லின் விளக்கு.

[குணமதி]

என்னுடைய குறள் "இல்" லில் முடிந்துள்ளது.தங்களது குறள் "இல்"லில்
தொடங்காமல் "இயல்பாய்" என்று தொடங்குகிறதே!என்னுடைய அடுத்த*
குறள்

இல்லாள் அகத்திருக்க இல்லாத தொன்றில்லை
இல்லாளே இல்லின் விளக்கு.

பொறுத்துக்கொள்க!
உங்கள் குறளைப் பார்ப்பதற்கு முன் எழுதியது அது.

சரி,

இனி, அடுத்தது -

விளக்கமாய்க் கூறி விளக்கமிலாப் பேச்சும்
விளங்கிக் கொளலாம் அறிவு.

[M.Jagadeesan]

அறிவென்னும் செல்வம் அகத்தே இருக்க
பிறிதொன்றும் வேண்டாம் எனக்கு.