எனக்கு கல்யாணமாகிவிட்டது!!!
இரவு நேரம் கழித்து
வீட்டிற்கு வந்தேன்
உனக்கு கல்யாணம்
செய்துவைக்கவேண்டும்
என்றார் அம்மா!!!
வெளியே கிளம்ப எத்தனித்தேன்
துணிகள் தோய்த்திருகக்வில்லை
உனக்கு கல்யாணம்
செய்துவைக்கவேண்டும்
என்றார் அம்மா!!!
சாப்பிட என்ன இருக்கிறது
என்று சமையலறையில் பார்த்தேன்
உனக்கு கல்யாணம்
செய்துவைக்கவேண்டும்
என்றார் அம்மா!!!
சம்பளத்தேதி பணப்பையுடன்
என் அறைக்குள் நுழைந்தேன்
உனக்கு கல்யாணம்
செய்துவைக்கவேண்டும்
என்றார் அம்மா!!!
இப்பொழுது
சரியான நேரத்திற்கு
வீட்டிற்கு வந்துவிடுகிறேன்!!!
இப்பொழுது
நானே என் துணிகளைத்
தோய்த்துக்கொள்கிறேன்!!!
இப்பொழுது
நானே சாப்பாட்டை
சமைத்துக்கொள்கிறேன்!!!
சம்பளம் வருகிறது ஆனால்
என் பையில் பணம் இருப்பதில்லை!!!
..
...
....
ஆமாம்,
எனக்கு இப்பொழுது
கல்யாணமாகிவிட்டது!!!
Bookmarks