சம்சாரம் அது மின்சாரம்!

**தாமரை** · 31-08-2009, 02:07 AM

சம்சாரம் ஒரு
மின்சாரமாம்

உன் அப்பாவைக் கொண்டு பார்த்தால்
நீ
புனல் மின்சாரம்
(தண்ணியிலயே இருக்காரே!)

உன் அம்மாவைக் கொண்டு பார்த்தால்
நீ
அனல் மின்சாரம்
(மனுஷி இப்படியா எரிஞ்சு வழியறது?)

உன் அக்காவைக் கொண்டு பார்த்தால்
நீ
அணு மின்சாரம்
(யப்பா இப்படியா வெடிக்கறது)

உன் அண்ணனைக் கொண்டு பார்த்தால்
நீ
சூரிய மின்சாரம்
(நல்லாவே வெயில்ல காயறான், பொண்ணுங்க பின்னாடி சுத்தி)

உன் தம்பியைக் கொண்டு பார்த்தால்
நீ
காற்று மின்சாரம்
(நல்லாவே சுத்தறான் ஊரையும் ஊரில் உள்ள பெண்கள் பின்னாடியும்)

எதுவாய் இருந்தால் என்ன
என் வீட்டு விளக்கேற்ற வா
மின்சாரமே நீ என்
சம்சாரமாய்...

**aren** · 31-08-2009, 03:55 AM

விளக்கை ஏற்ற மின்சாரம் வேண்டும் என்கிறீர்களா?

கவிதை அருமை. இவ்வளவு பிரச்சனைகள் இருந்தாலும் உங்கள் மனைவியாக வருகிறவளிடம் மென்மையாக இருக்கிறீர்களே, அங்கேயே நீங்கள் வெற்றி பெற்றுவிட்டீர்கள். பாராட்டுக்கள்.

**தாமரை** · 31-08-2009, 04:02 AM

பிரச்சனைகளா..

நான் அவங்களுக்கு இப்படியல்லவா சொன்னேன்

உங்கப்பா புனல் - அதான் கருணை வெள்ளம்

உங்கம்மா அனல் - அதான் கற்புக்கரசி

உங்கக்கா அணு - அளவற்ற ஆற்றல் கொண்டவள்

உங்கண்ணன் சூரியன் - ஞானப் பிரகாசம்

உங்க தம்பி காற்று - மிகவும் வேகமானவன்..

ஹி.. ஹி...

**ஓவியன்** · 31-08-2009, 04:15 AM

இந்தக் கவிதைக்கு கருத்துப் பின்னூட்டமிடாமல் ஓவியன் வெளி நடப்பு செய்கிறான்..!!

**தாமரை** · 31-08-2009, 04:23 AM

ஆனா உங்க படத்தைப் பார்த்தால் உள்நடப்பு செய்யற மாதிரி இல்ல இருக்கு...

**ஓவியன்** · 31-08-2009, 04:25 AM

Originally Posted by தாமரை

ஆனா உங்க படத்தைப் பார்த்தால் உள்நடப்பு செய்யற மாதிரி இல்ல இருக்கு...

உள்நடப்பாலே தானே
இந்த வெளிநடப்பே...!!

**தாமரை** · 31-08-2009, 04:27 AM

Originally Posted by ஓவியன்

உள்நடப்பாலே தானே
இந்த வெளிநடப்பே...!!

ஆஹா! அப்பு, வூட்டை விட்டுத் துரத்திட்டாங்களா?

ம்ம்ம் என்ன செய்வது... உங்களுக்கு இந்த உள்ளே வெளியே நுட்பம் தெரியலையே

**ஓவியன்** · 31-08-2009, 04:29 AM

Originally Posted by தாமரை

ஆஹா! அப்பு, வூட்டை விட்டுத் துரத்திட்டாங்களா?

ஏன், ஏன் ஏனிந்த கொலை வெறி...??

நல்லாத்தானே போயிட்டிருந்திச்சு..!??!!

**தாமரை** · 31-08-2009, 04:32 AM

Originally Posted by ஓவியன்

ஏன், ஏன் ஏனிந்த கொலை வெறி...??

நல்லாத்தானே போயிட்டிருந்திச்சு..!??!!

ஆமாம் உங்க வண்டி நல்லாத்தானே போய்கிட்டு இருந்திச்சு? இப்ப என்ன திடீர்னு நடை??

நீங்க லிஃப்ட் கொடுக்கற விஷயம் வீட்ல தெரிஞ்சு போச்சா?

**தமிழநம்பி** · 31-08-2009, 04:33 AM

தண்ணீர்
நெருப்பு
காற்று

அணுவாற்றல்
கதிராற்றல்
காற்றாலைஆற்றல்

அனைத்தும் ஒரே வீட்டில்!
அதுவும், காதலி வீட்டில்

வசதிதான்!
________________________________________________________
உன்றன் குடும்பம் உன்றன் வாழ்க்கை
உன்றன் நலன்கள் உன்றன் வளங்கள்
என்றுமட்டும் நீஒதுங்கி இருந்துவிடாதே! நீ
இறந்தபின்னும் உலகம் இருக்கும் மறந்துவிடாதே! - பாவலரேறு பெருஞ்சித்திரனார்

**தாமரை** · 31-08-2009, 04:36 AM

ஆமாம் ஆமாம்...

அவங்க வீட்டுக்குப் போனா

கண்டிப்பா ஷாக்கடிக்காம இருக்காது..

**சிவா.ஜி** · 31-08-2009, 05:12 AM

அடேயப்பா....விசுகூட இந்த தலைப்பை வைக்கும்போது இப்படி யோசித்திருக்க மாட்டார். எல்லாத்துக்கும் மேல அதுக்கு பின்னூட்டத்துல ஒரு வில்லங்கமில்லா விளக்கம் கொடுத்தீங்க பாருங்க....அசத்தல்.