**கவிக்குள் கவி***:ஒரு கவிதை விளையாட்டு..

[இன்பக்கவி]

மன்றத்தில் உள்ள அனைவருக்கும் வணக்கங்கள்
உங்கள் அன்பொடும், மன்றத்தில் உள்ளவர்களின் அனுமதியோடும் ஒரு விளையாட்டு போட இருக்கிறேன்...

ஒரு கவிதை விளையாட்டு..

ஒருவர் ஒரு கவிதை போட்டுவிட்டு...
"அடுத்த தலைப்பு" என்று
ஒரு தலைப்பை விட்டு செல்ல வேண்டும்...

அடுத்து வருபவர்
அந்த தலைப்புக்கு கவிதை போட்டுவிட்டு
அவர் ஒரு "தலைப்பை" விட்டு செல்ல வேண்டும்...

இல்லை எனில்
உங்கள் கவிதையில் வரும் ஒரு சொல்லையோ...
அல்லது வரியையோ தலைப்பாக கொடுக்கலாம்.......
கடைசி வரி தான் போடணும் என்று இல்லை...
கவிதையில் உள்ள எந்த வரியானாலும்..அல்லது வேற சொல்..தரலாம்...

இது தான் விளையாட்டு....

இதோ நான் ஆரம்பித்து வைக்கிறேன்...


நித்தம் உனை நினைத்தேன்..
நெருங்கிவரத் துடித்தேன்...
கைக்கு எட்டாத பொருள்ளாய் நீ...
உன்னை பார்த்து வளர்ந்தவள் நான்
நான் உன்னிடம் வர கூடாதா??
என் கையில்...
நீயாவது வந்து விடு
நிலவே....


அடுத்த தலைப்பு.....

நிலவே.......

[தீபா]

என்னவோ சொல்ல வர்றீங்க... ஆனா என்னன்னுதான் என் மரமண்டைக்குப் புரியலை.

கவிதையின் கடைசி வரி எடுத்து கவிதை எழுதியாச்சு,
ஒருவர் தொடர, அதைத் தொடர்ந்தும் கவிதை எழுதியாச்சு
கவிதை வகையறாக்கள் (பதில், எதிர்வினை, விமர்சனம்) எழுதியாச்சு
படக்கவிதையும்...
இப்போது இது..

உங்க கவிதைக்கு கொஞ்சம் ஒட்டி வரும்படியான (Similiar) கவிதை ஒண்ணு கீழே...

அவள் கண்ணுக்குள்
வந்தது எப்படி
(என்) கைக்கெட்டாத நிலவே!!??

இப்படி தொடரலாம் என்று நினைக்கிறேன்.!!
உங்க கருத்து??

- தீபா

[இன்பக்கவி]

ஐயோ...என்னையே குழப்பி விட்டீங்கள்...
நான் சரியாக புரியும் படித்தான் போட்டு இருக்கேன் என்று நினைக்கிறேன்...

கடைசி வரி தான் போடணும் என்று இல்லை...
கவிதைக்குள் வரும் எந்த சொல்லாக இருந்தாலும் சரி.....
அல்லது வேற சொல்.. தரலாம்...

[தீபா]

ஆமாவா??
குழப்பிட்டேனா?

சரி விடுங்க... அடுத்த கவிதை கொடுங்க.

[அமரன்]

இது பாட்டுக்குப் பாட்டு வகையறாவைச் சேர்ந்தது. நிலவேயில தொடருங்கன்னு கவிதா சொல்லி இருக்காங்க..

நிலவே
தேய்ந்து காணாமல் போய்
வளர்ந்து முழுமையாகி
உருவஜாலம் காட்டுகிறாயே..
உன்னைப் பார்த்துத்தான்
என்னவளைப் படைத்தானோ
பிரம்மன்..

இப்போ அடுத்தவர் உன்னை"யில தொடரலாம்.. இப்படித்தானே கவிதா.

[கா.ரமேஷ்]

உன்னை என்னவென்று சொல்லி அழைப்பது
இதயத்திற்குள் இல்லாத காதலியென்றா..?
இனிப்பிற்க்குள் இல்லாத சர்க்கரைபோல் - என்
கனிபிற்க்கு அடங்காத நேசமென்றா...?
இல்லையென்று நீ சொன்னபோதும்
இருக்குமென்ற இயலாத கானலென்றா...?

என்னவளை படைத்த பிரம்மனே
ஏதாவது பதில் இருந்தால் சொல்லிவிட்டு போ...

[இன்பக்கவி]

சொல்லிவிட்டு போ..
உன்னை எண்ணி வாழும்
எனக்கு இல்லை..
உன்னை நினைத்து துடிக்கும்
இதயத்திற்கு....

[அக்னி]

இதயத்திற்கு
வேலை மாற்றம்...
சுத்திகரிக்கும் வேலையிலிருந்து,
சுத்தி வரும் வேலைக்கு...
எனக்குக் காதல் வந்ததே...

இதயத்திற்கு
வேலை மாற்றம்...
இரத்தம் பாய்ச்சும் வேலையிலிருந்து,
இரத்தம் காய்ச்சும் வேலைக்கு...
உனக்கும் காதல் வந்ததே...

[இன்பக்கவி]

மாற்றம்
எனக்குள் வந்தது..
உன்னை பார்த்த கணத்தில்
என் நெஞ்சம் துடித்தது
எனக்காய் பிறந்தவன் நீயோ...
என்னை உன் பார்வையால்
கட்டி இழுத்தாய்....
இன்றுவரை விடுபட இயலவில்லை
என்னால்...

[samuthraselvam]

எனக்காய் பிறந்தவன் நீயோ...
ஒவ்வொரு நொடியும் ஒவ்வொரு யுகமாய்
வாழ்ந்த வாழ்க்கை...!
வாழும் வாழ்க்கை முழுதும் நீ அருகிலிருக்க
நான் உன் துணையாக இருப்பேன் என்ற கனவு...!
இன்று நினைத்தாலும் என் உடல் சிலிர்க்கிறதே....
கற்பனை தான் என எண்ணும் அளவிற்கு
என் நிகழ்காலம் உன் நினைவுகளை மட்டும்
தந்துவிட்டு சென்ற இறந்தகாலம் ஆகிவிட்டதே....?!
என் நினைவு என்னும் நீரூற்று உள்ள வரை
அது என்றுமே பசுமையான சோலையில்
தென்றலாக வீசிக்கொண்டு இருக்கும்
உன்னை சந்திக்கும் சந்தர்ப்பங்களை எதிர்பார்த்து.......!!!!!!!!!!!!!

[இன்பக்கவி]

தென்றலாக வீசிக்கொண்டு இருந்த
என்னுள் புயலாய் வந்தவனே...
மின்னலாய் மறைந்து போய் விடாதே....
உன்னை பிரிந்தால் உயிர் வாழ இயலாது
என்னால்

[அமரன்]

மின்னலாய் சன்னலால்
தென்றல் காற்று.

சாத்தப்பட்டது கதவு..

கதவிடுக்கில்
சிக்கிக்கொண்டது மனசு..!

கசியும் குருதியின்
ஜதிகளுக்கு
உதறும் உடலின்
நாட்டியம்..

அக்கம் பக்கங்களின்
சொண்டாட்டம்
பக்க வாத்தியம்..

அரங்கேறுகிறது
ஜெய சாம்ராய்யம்..
கரகோஷம் நிச்சயம்.