என் வானிலே இரண்டு வெண்ணிலா!!! - வானத்தை அளந்து பார்க்கலாம் வாங்க

[தாமரை]

சரி சரி.. இந்த வீடியோவைப் பார்த்து கொஞ்சம் பீதி / பேதியாகுங்க...

http://www.space.com/common/media/vi...-solar-tsunami

மே 19, 2007 ல சூரியனை ஆராய்ச்சி செய்யும் சோஹோ விண்கலம் இதைப் பதிவு செஞ்சிருக்கு..

இது சூரியச் சுனாமி...

ஆமாங்க ஆமாம்.. சூரியனில் சுனாமி ஏற்பட்டது தோற்றப் பிழையா இல்லை நிஜமா என ஆராய்ந்து கொண்டிருந்த நாசா இது உண்மையான சுனாமிதான் அப்படின்னு அறிக்கை விட்டிருக்கு...


http://www.space.com/common/media/vi..._soalr-tsunami

http://www.space.com/scienceastronom...r-tsunami.html

ஒரு மாபெரும் அலை.. அதன் உயரம் பூமியை விட அதிகம்,(அதாவது 12000 கிலோ மீட்டருக்கு மேல.. ) கொதிக்கும் பிளாஸ்மா.. ஒரு கல்லை குளத்தில் போட்டா உண்டாவதைப் போன்ற வட்ட அலைகள்...

கண்ணை மூடிகிட்டு கற்பனை செய்ங்க...

ஸ்டீரியோ விண்கலம் பதிவு செஞ்ச சுனாமி அலை

ஒரு இலட்சம் கிலோ மீட்டர் உயரம், நொடிக்கு 250 கி.மீ வேகம்

இது எதனால உண்டாகுது.. இதனால் ஏற்படும் பாதிப்புகள் நன்மைகள் என்ன என்பது தெரிஞ்சா உடனே சொல்றேன்

[குணமதி]

புதிய செய்தி.

மேலும் விளக்கங்களை ஆவலுடன் எதிர்பார்க்கிறோம்.

[தாமரை]

படத்தைப் பார்த்தாலே நாக்கில எச்சில் ஊருதில்ல..

சர்க்கரைப் பொடி தூவிய சாக்லேட் உருண்டை மாதிரியான இந்த யூரோப்பா ரொம்ப சுவாரஸ்யமான சந்திரன் கலிலியோ கண்டுபிடிச்ச நாலு சந்திரன்ல இது சின்னது.

இதோட குறுக்களவு 3100 கிலோ மீட்டர். நம்ம சந்திரனை விட இது கொஞ்சம் சின்னது.

ஆனா ஒரு விஷயம் கேளுங்க. சூரியக் குடும்பத்திலயே மொழ மொழன்னு யம்மா யம்மா அப்படின்னு இந்தச் சந்திரனைப் பார்த்துப் பாடலாம். அவ்வளவு ஸ்மூத்தா இருக்கும்.

பெண்ணோட முகத்தை ஏன் இந்தச் சந்திரனுக்கு ஒப்பிடலைன்னு கூட அப்பப்ப மனசில கேள்வி வரும்னா பார்த்துக்கோங்களேன்,

ஈரோப்பாவின் மேலோடு சிலிக்கேட் அதாங்க நம்ம மணலால் ஆனது. இதன் உட்கரு இரும்பால் ஆனதா இருக்கும்னு கணிப்பு.

இதை விட முக்கியமான மூணு விஷயங்கள் இருக்கு

1. இதன் வளிமண்டலத்தில் ஆக்சிஜன் இருக்கு (யுரேகா, யுரேகா...)
2. இதன் மேலோடு என்பது உறைந்த தண்ணீர்..
3. இந்த மேலோட்டுக்கு கீழே திரவ வடிவிலான நீர் இருப்பதாக சொல்றாங்க

[media]http://www.solarviews.com/raw/jup/eurint.jpg[/media]

இரும்பு உட்கரு, அதைச் சுற்றி இறுகிய மணற் பாறைகள், அதன் மேல் 100 கிலோ மீட்டர் உயரத்திற்குத் தண்ணீர், அதன் மேல் உறைந்த நீர், அதன் மேல் ஆக்சிஜன் இருக்கும் வளி மண்டலம்..

[media]http://upload.wikimedia.org/wikipedia/commons/8/88/EuropaInterior1.jpg[/media]

ஈரோப்பா மேல இருக்கிற வரிவடிவங்கள் மட்டுமே அதோட வழவழப்பான மேனியில் இருக்கும் சிறிய மேடுபள்ளங்கள்



இவையெல்லாம் சிறிய சிறிய பிளவுகள். இது யூரோப்பாவின் மேலோட்டுத் டெக்டானிக் தடுகள் நகர்வதால் உண்டாவதாக நம்பப் படுகிறது.. இந்தப் பிளவுகள் அதிகபட்சம் 20 கி.மீ அகலம் இருக்கலாம் என நம்பறாங்க

இந்தப் பிளவுகள் டெக்டானிக் பிளவுகள் நகருவதால் உண்டாகும் வெற்றிடத்தை கீழ இருக்கிற தண்ணீர் பொங்கி உறிவதால் கலர் மாறி கோடு கோடா தெரியறது அப்படின்னு தியரி சொல்றாங்க.

இங்கயம் அதிகமா விண்கல் விழிந்து அம்மிக்கல் மாதிரி கொத்தல் கிடையாது. அதனால யூரோப்பாவும் இளமை பொங்கும் சந்திரனாத்தான் இருக்கணும்னு சொல்றாங்க..


பாருங்க.. பக்கத்தில ஐயோல எக்கச் சக்கமா கரண்ட் இருக்கு. இங்க தண்ணி ஆக்சிஜன் எல்லாம் இருக்கு..

இதை விட்டுட்டு செவ்வாய் செவ்வாய்ன்னு வெறும் வாயை மெல்றாங்க..

[தாமரை]

சரி சரி யூரோப்பாவைப் பத்தி உங்க கணிப்பு என்ன அப்படின்னு யாரும் கேட்காட்டியும் பதில் சொல்றேன் கேளுங்க..

யூரோப்பாவின் மேல் பகுதி மொழமொழன்னு மென்மையா இருக்கக் காரணம், யூரோப்பா முழுக்க இருக்கும் தண்ணீர்தான் காரணம். ஒரு பெரிய விண்கல் விழுதுன்னு வச்சுக்குவோம் என்னாகும். மேல இருக்கிற பனிக்கட்டி விரிசலாகும். வெப்பத்தினால் அது உருகும். தண்ணீர் இதனால் ஏற்பட்ட குழியை உடனே பாய்ந்து நிரப்ப மறுபடி ஸ்மூத்தா ஆகிடுது யூரோப்பா.

அது மட்டுமில்ல, குரு, ஐயோ, கனிமீட் ஆகியவற்றின் ஈர்ப்பு விசையால் உள்ளே இருக்கிற தண்ணீர் ஓதங்களை உண்டாக்குவதால் உருட்டினா பரோட்டா மாவு நல்லா உருண்டையா ஆகிடற மாதிரி மேற்பரப்பு மலைகள், பள்ளத்தாக்குகள் இல்லாம நைசா ஆயிடுது. கோடுகள் கூட இது மாதிரியாகத்தான் உருவாகி இருக்கணும்.

அடுத்து கனிமீட் சந்திரனைப் பார்ப்போம்.

[இன்பா]

யுரோப்பா ஓகே தான்....

எனக்கு யுரோப்பாவுக்கும் ஒரு ஒற்றுமை இருக்கு, அதுலயும் வரிவரியா இருக்கே...

[தாமரை]

யுரோப்பா ஓகே தான்....

எனக்கு யுரோப்பாவுக்கும் ஒரு ஒற்றுமை இருக்கு, அதுலயும் வரிவரியா இருக்கே...

மத்தவங்க கிட்ட வரி, வரியா இல்லாம வேற எப்படி இருக்கு இன்பா?

[இன்பா]

மத்தவங்க கிட்ட வரி, வரியா இல்லாம வேற எப்படி இருக்கு இன்பா?

இப்படி விலாவரியா கேட்ட என்னகு பதில் சொல்ல தெரியாதே

[தாமரை]

விலா எலும்பு வரிகள் மாதிரி வரிசை வரிசையாதான் இருக்கும். அவற்றின் முக்கிய நோக்கம் இதயம், நுரையீரல் போன்ற முக்கிய உறுப்புகளை பாதுகாத்தல்..

அதை விடுங்க இப்ப கனிமீடைப் பார்ப்போம்.

தெரியுமா? கனிமீட் தான் சூரியக் குடும்பத்தின் மிகப் பெரிய சந்திரன். இது செவ்வாய் கிரகத்தின் அளவில் முக்கால் பங்கு இருக்கும்.



இது புதன் கோளை விடப் பெரியது.

சந்திரன்களுக்கே உரிய கொத்தல் கொத்தலான முகம்கொண்ட இந்த கனிமீட் கலிலியோ கண்டு பிடித்த நான்கு குரு சந்திரன்களில் ஒன்று. இது குருவை 7.154 நாட்களுக்கு ஒரு முறை சுத்தி வருது. இது தன்னைத்தானே சுத்திக்கிற வேகமும் அதேதான்.

இந்த மாதிரி தன்னைத் தானே சுத்திக்கிற வேகமும் இன்னொன்றை சுத்தற வேகமும் ஒண்ணா இருந்தா அந்த கோள் / துணைக்கோள் அது சுத்தி வர்ர கோளின் அல்லது நட்சத்திரத்தின் முழு பிடியில் இருக்கிறதாச் சொல்லலாம்.

தன்னைத் தானே சுத்துகிற வேகம் மாறுபட்டு இருந்தால் அந்தக் கோள் துணைக்கோள் வேறுவிதமான பெரிய இடித்தல்களுக்கோ அல்லது தாய்க் கோளின் அல்லது நட்சத்திரத்தின் முழுப் பிடியில் இல்லாமலோ இருக்குன்னு சொல்லலாம்.

இதனுடைய விட்டம் 5264 கி.மீ. ஆனால் இது எடை குறைவான சந்திரன். இதனுடைய மேற்பகுதி 70 டிகிரி கெல்வினில் இருந்து 152 டிகிரி கெல்வின் வரை வெப்பமுடியதா(????) இருக்கும்

இது ஜீபிடர்ல இருந்து 10 இலட்சத்து 70 ஆயிரதி 400 கி.மீ தூரத்தில் சுத்தி வருது,

முதல்ல இந்த கனீ மீட்ல மணலும் தண்ணியும் மட்டுமே இருக்கும்னு நினைச்சாங்க. இதனோட வளிமண்டலத்தில (துளியூண்டு வளிமண்டலம்) ஆக்சிஜன் இருக்காம்.

ஆனால் வாயேஜர் போயி ஆரய்ட்சி செஞ்சப்பதான் இங்க காந்தப் புலமும் இருக்குன்னு கண்டு பிடிச்சாங்க. இதனால் கன்மீடோட உட்கருவில் உலோகம் இருக்கலாம் என்று கணிச்சாங்க.

கனிமீடோட காந்தப் புலத்தை படத்தில் பார்க்கலாம்.



இதை வச்சிப் பார்த்தா கனிமீடோட உள்ளமைப்பு இப்படி இருக்கும்

[media]http://upload.wikimedia.org/wikipedia/commons/0/0e/PIA00519_Interior_of_Ganymede.jpg[/media]


உள்ளே உலோகக் கரு. அதன் மேல் சிலிகாவினால் ஆன மேண்டில். அதற்கு மேல் நீர். அதற்கு மேல் உறைந்த நீர்.

உலோகக் கரு 250 லிருந்து 800 கி.மீ வரை விட்டம் இருக்கலாம்.

கைனிமீடின் மேற்பரப்பு இருவகையாக இருக்கிறது. குண்டும் குழியுமான பழமையான பரப்பு



வரிகளோடிய இளைய நிலப்பரப்பு




[media]http://www2.jpl.nasa.gov/galileo/ganymede/P47064.full.jpeg[/media]

நம்ம சந்திரனைப் போல இல்லாமல் இங்க இருக்கற குழிகள் அதிகம் தட்டையாக இருக்கு. ஒரு விண்கல் விழுந்தா அதைச் சுற்றி ரிம் மாதிரி உருவாகும் மலைகள் இங்கே இல்லை. காரணம்தான் சொல்லி இருக்கமில்ல.. தண்ணீர்.

பூமியைப் போல கன்மீடின் மேலோட்டிலும் டெக்டானிக் பிளேட்டுகள் இருக்கலாம் என எண்ணப்படுகிறது.. புத்தககங்களை அடுக்கி வச்சி சரிச்ச மாதிரி இருக்கிற இந்த அமைப்பு அதனால்தான் அமைந்திருக்கும் அப்படின்னு நினைக்கிறாங்க.

[IMG]http://pds.jpl.nasa.gov/planets/images/browse/jupiter/ganscarp.jpg [IMG]


கனிமீடோட வடதுருவம் ரொம்பவே அடி வாங்கி இருக்கு. தென் துருவம் கொஞ்சம் குறைவாத்தான் அடி வாங்கி இருக்கு.

[தாமரை]

குருவை இந்த மூணு சந்திரணும் ஒத்திசைவோட சுத்தி வர்ரது மிக ஆச்சர்யமான ஒண்ணு அப்படின்னாலும் அது குருவோட சூப்பர் பவர் ஈர்ப்பு விசையக் காட்டுது.

இந்த மூணு மூனிலும் இவைகளுக்கு இடையேயான ஈர்ப்பு விசையினாலும், இவை சுற்றி வருவதால் அது வெவ்வேறு காலங்களில் வெவ்வேறு திசைகளில் செயல்படுவதால் நம்ம கடல் ஓதங்களைப் போல ஈரோப்பாவிலும், கனிமீடிலும் உள்ள திரவங்கள் ஓத மாற்றம் உண்டாகி அதனால் உண்டாகும் நகர்தலினால் உள்ளே வெப்பம் உண்டாவதால் தண்ணீர் திரவ னிலையில் இருக்கலாம் அப்படின்னு சொல்றாங்க.

ஆனா ஒண்ணு,

காந்த புலத்தை மின் கடத்திகளால் வெட்டுவதால் மின்சாரம் உண்டாகும்னு பாடத்தில் படிச்சிருக்கோம். இங்க ஐயோ வில் அளவு கடந்த மின்சாரம் குருவின் காந்தப் புலத்தை அது குறுக்கிட்டுச் சுற்றுவதால் உண்டாகுதுன்னு பார்த்தோம்.

ஆனால் பூமியைச் சுத்துற செயற்கைக் கோள்களிலும் இதே மாதிரி நம்மால் மின்சாரம் உண்டாக்க முடியுமில்ல. அப்ப விண்வெளி நிலையங்களுக்கு சூரிய மின்சாரம் எதுக்கு வெட்டியா?

யோசிக்க வேண்டிய கேள்விதான் இல்லியா?

[அறிஞர்]

பல பல புதிய தகவல்கள்.. நன்றி தாமரை...

[இன்பா]

பாவம் கனிமீடு வரிகள் மட்டுமில்லாம அலகும் குத்தியிருக்காங்க.. :(

ஆனால் பூமியைச் சுத்துற செயற்கைக் கோள்களிலும் இதே மாதிரி நம்மால் மின்சாரம் உண்டாக்க முடியுமில்ல. அப்ப விண்வெளி நிலையங்களுக்கு சூரிய மின்சாரம் எதுக்கு வெட்டியா?

[ஆதி]

அண்ணா, சூரியன் தற்போது சுழலும் திசைக்கு எதிர்திசையில் சுழல போகிறது என்று ஒரு செவி வழி செய்தி அறிந்தேன்..

அதாவது இப்போ ஆண்டி க்லாக்வைஸ்-ல் சுற்றுகிறது, இனி க்லாக்வைஸ்-ல் சுற்றுபோகிறது என்ற போகிறதாம், என்று எங்கோ படித்ததாய் நண்பர் சொன்னார்.. என்னால் சத்யமாய் நம்ப முடியலை.. இது சாத்யமே இல்லை என்று சொன்னேன்.. ஆனால் இப்படியும் நடக்க ஏதாவது வாய்ப்பிருக்காங்கண்ணா..