அறுவை மெகா சீரியல் தயாரிப்பாளர்களுக்கு.... ஒரு தெனாவட்டுக்கடிதம்

[rambal]

அறுவை மெகா சீரியல் தயாரிப்பாளர்களுக்கு.... ஒரு தெனாவட்டுக்கடிதம்

என் அறுவை மெகா சீரியல் தயாரிப்பாளர்களுக்கு....
நொந்து போன குடும்பத்தலைவன் எழுதிக்கொள்வது,

நலமா?
ம்ம்ம் நீங்கள் நலமாக இருப்பீர்கள்...
நான் தான் நலமாக இல்லை...
உங்கள் சீரியலால் பாதிக்கப்பட்டுள்ளேன்...
எப்படி தெரியுமா?
இப்பெல்லாம்
கொஞ்சம் லேட்டா வீட்டுக்கு வந்தாலே,
எவளுடன் சுத்திட்டு வற்றீங்க என்று மனைவி
கேட்கிறாள்...
என் பையன்
அம்மான்னு கூப்பிட மாட்டேங்கிறான்...
உங்க சீரியலைப் பாத்துட்டு
சித்தின்னு கூப்பிடுறான்...
இல்லைன்னா
என் அப்பாவின் மனைவிங்கிறான்...
எல்லாம் உங்களின் சீரியல் பண்ணிய விளைவு..

எந்த ஆண்மகனையும் உத்தமனாக காண்பிக்கவில்லை...
சரி,
இப்படியெல்லாம் பெண்களா?
என எண்ணுமளவிற்கு
வில்லிகள்....
மாமியார் கொடுமைக்காரி
அல்லது
மருமகள் கொடுமைக்காரி
ஒன்னுவிட்ட சகோதரன், சகோதரி...
இப்படி எல்லாத்தையும் கெட்டவனா
காண்பிச்சிட்டீங்க...
அதுல ஒரே ஒரு குடும்பமோ அல்லது
ஒரு பெண்ணோ அப்பாவி...
இந்தக் கொடுமைக் காரங்களால்
அவ பாதிக்கப்பட்டு பின் அவள்
அவங்களை பழி வாங்ற மாதிரி கதைங்க...
அதெப்படி சலிக்காமல்
உங்களால் மட்டும் அழுகைகளை
தினம் தினம் காண்பிக்கமுடியுது...
அதிகபட்சமான அழுகைகளா
குடும்பத்துல குழப்பம்...
இப்பெல்லாம்
என் மனைவி டீவியில வற்ற
கதாபாத்திரங்களுக்காக அழுகுறா...
வீடான வீட்ல இப்படி அழுதா
நல்லாவா இருக்கு...
சும்மாவே ஆபீசில
பிரிச்னைன்னு வீட்டுக்கு வந்தா
வீட்டுலையும் அழுகை...
இப்படி இருந்தா எப்படி?
சரி,
இது ஒரு பக்கம் இருக்கட்டும்...
உங்களால
நான் ராத்திரி பட்டினி,
பகல்லையும் பட்டினி...
ரொம்ப நொந்துட்டேன்...
இந்தக்கூத்து ஒருபக்கம்...
பக்தி சீரியல்ங்ற பேர்ல...
அதை சொல்லனும்னா
அதுக்கு முழுசா இன்னொரு கடிதமே எழுதனும்....

அதென்ன தலைப்பு....
எல்லாம் பெண்களோட பெயர்லயே..இல்லைன்னா
உறவு முறைகளை தலைப்பா வைச்சிடுறீங்க...
அதுல இன்னும் பாக்கி
ஒன்னுவிட்ட சித்தப்பாவும்,
என்னோட கொள்ளுப்பாட்டியும்தான்....
வேற தலைப்பே கிடையாதா?
சரி,
இந்த சீரியலை எல்லாம்
உங்கள் வீட்டுல பாக்கிறது கிடையாதா?
இல்லை உங்க வீட்ல டீவியே கிடையாதா?

காலையிலே 10 மணிக்கு ஆரம்பிச்சு
ராத்திரி 10 மணி வரைக்கும் சீரியல்...
வாழ்க்கையே சீரில்லாம போயிடுச்சு...

சட்டத்தில தண்டனைங்கள திருத்தி எழுதப்போறாங்களாம்...
கொலைக்குற்றவாளிக்கு சாகும் வரை சீரியல் மட்டும் பாக்கனும்னு...
அந்த தண்டனைய உங்களுக்குக் கொடுத்தா எப்படி இருக்கும்னு
யோசிச்சிட்டிருக்கேன்...

உங்க ஸ்டீரியோ டைப் சீரியலை மாத்திக்குங்க....
இல்லைன்னா சீரியலே எடுக்காதீங்க...


மற்றவை அடுத்த கடிதத்தில்...

சரி வர்ட்டா...

இப்படிக்கு,
நொந்து போன குடும்பத்தலைவன்...

[பொன்னியின் செல்வன்]

தலைவரே,

ராம்பாலின் கடிதத்தை சின்ன திரை பகுதியிலும் பதியுங்கள்.

ராம், உங்கள் ஆதங்கம் ஏற்றுக்கொள்ளக்கூடியது.

----------------------------------------------------------------
சீரியலைப் புறக்கணிப்போம்.
சீரும் சிறப்புமாக வாழ்வோம்.
-----------------------------------------------------------------

[aren]

நாங்கள் நினைத்ததை நீங்கள் சொல்லிவிட்டீர்கள். பாராட்டுக்கள்.

[இளசு]

வீடு வந்த மூதேவிக்கு நல்ல அர்ச்சனை.

[gankrish]

இது போறாது ராம்பால். இன்னும் கிழிக்கனும். அரைச்ச மாவை சினமாகாரங்க அரைச்சுக்கின்னு இருந்தாங்க. அந்த வேலையை இப்போ டிவி மெகா சீரியல்காரங்க செய்யறாங்க.

[kathukutti]

ராம் அருமை.
இன்னும் கிழீங்க.

[madhuraikumaran]

அதுவே சின்னத்திரை... அதை இப்படி ஆளாளுக்கு கிழிங்க கிழிங்கன்னா எப்படிங்க கிழிக்கறது?
ராம்... உங்கள் சாடல் அற்புதம்... இவ்ளோ உன்னிப்பாய் கவனித்து எழுதுவதற்கு எப்படித்தான் உங்களிடம் அவ்வளவு பொறுமை இருந்ததோ?... நன்று !

[suma]

அவ்வளவு தொடரையும் பார்க்கவே தானே இவ்வளவு எழத முடியுது. ஏன் தமிழ் தொலைக்காட்சி சேனல் வைத்து இருக்கறீங்க.தூர்தர்சன் போன்ற சேனல பாருங்க.இல்லை டிஸ்கவரி சேனல் பாருங்க
நீங்க தரும் ஆதரவினால் தான் அவர்கள் எடுக்கறாங்க அக்கம்ம்ம்ம்...

[Narathar]

அழுகை எனும் அட்சய பாத்திர
பிச்சைக்காரர்கள் இந்த
மெகா சீரியல் காரர்கள்

[மன்மதன்]

அவ்வளவு தொடரையும் பார்க்கவே தானே இவ்வளவு எழத முடியுது. ஏன் தமிழ் தொலைக்காட்சி சேனல் வைத்து இருக்கறீங்க.தூர்தர்சன் போன்ற சேனல பாருங்க.இல்லை டிஸ்கவரி சேனல் பாருங்க
நீங்க தரும் ஆதரவினால் தான் அவர்கள் எடுக்கறாங்க அக்கம்ம்ம்ம்...

நீங்க பார்க்கிறீங்களா சுமா...நிம்மதி நிம்மதி உங்கள் சாய்ஸ்..

[kavitha]

நீங்க தரும் ஆதரவினால் தான் அவர்கள் எடுக்கறாங்க அக்கம்ம்ம்ம்...

அப்படி கேளுங்க சுமா!

[thempavani]

எல்லா குடும்பத்தலைவர்களின் ஆத்திரத்தை கொட்ட ஒரு வாய்ப்பு கொடுத்த நண்பருக்கு பாராட்டுக்கள்..

அருமை