: வெயில் கவிதைகள் :

[ஆதவா]

ஓடு பிளந்து பாயும்
மின்சாரத்தைப் போல
வெயிலாயுதம் தாக்குகிறது
சூரியபழம்
கொறிக்கமுடியாத கொதிப்பில்
மிதந்து கிடக்கிறது
முழுத் தொண்டையும் வறண்டு
இரவை மண்நாக்கால் நக்கிவிட
பாலை மின்னுகிறது
கண்ணாடித் துகள்களென
வெம்மையின் பிம்பங்கள்
கூச்சிடும் சப்தத்தில்
கதறிக் கொண்டிருக்கின்றன
சர்ப்பங்கள் ஊறுவதாக
கொப்பளித்த பாதங்களைத் தேடி
மண் அலைகிறது ; அதனை
தன் பையில் பத்திரப்படுத்திக் கொள்கிறது
எத்தனை சேகரித்திருப்போமென
கணக்கேதுமற்று மணல் முன் செல்கிறது
அதற்குத் தெரியப் போவதில்லை
தொடர்ந்து வரும் பெரும்புழுதி
கொப்பளப்பாதங்களின் சுவடுகளை
காகிதங்களெனக் கிழித்து வருவதை.

--------------------------------------

கதிரவன் உக்கிரம்
இளநீர் தணிப்பு
சனிநீராடல்
பருத்தி மேற்தோல்
கம்பங்கூழ் குளுமை
தர்பூசணி காப்பான்
ஐஸ்க்ரீம் தேவதை
வியர்வை மழை
மின்சார பழுது
வெக்கை ஆடை
வெப்பக் குளியல்
அவள் கண்ணசைவு
விறைக்கும் சூரியன்

---------------------------------
நீங்களும் தொடரலாமே!!

[ஆதவா]

பின்னிரவின் பெருமழையில்
சூரியன் ஒழுகி
துளிகளுக்குள் கரைந்திருந்தது
வானவெளி வெறும் சூன்யத்தால்
நிரம்பிக் கிடந்தது
குளிர்காட்டின் முரட்டுத்தாக்குதலில்
சிதறிக்கிடந்தன வெப்பத்துகள்கள்
அள்ளியெடுக்க ஆவலோடு சென்றேன்
பின்னங்கழுத்தில் குத்திவிட்டு
புறமுதுகிட்டோடியது
வெயில்.

[ஆதவா]

பிம்பமாக அலைகிறது வெப்பம்
அது துப்பிய கோபத்தில்
கொதிக்கிறது தண்ணீர்
அவமானக் கறைகள்
ஆவியாக வெளியேறுகிறது
உனக்கு சற்றும் பிடித்திருக்கவில்லை
கோபத்தால் தண்ணீர் கலைக்கிறாய்
நீர்முழுக்க சிதறிக் கிடக்கிறது
சூரியன்

[ஆதவா]

மிகக் கிட்ட நெருங்குகிறாய்
உன் நாசியின் அக்கினியில்
என் காமம் கண்களில் கொப்பளிக்கிறது
உலர்ந்து கசிந்த உன் சொற்கள்
என் துவாரங்களை மெல்ல திறக்கிறது
உன் மார்பு ஏந்திய வெப்பம்
மிதமான புல்லரிப்பில் அழுத்துகிறது
உன் வியர்வை ருசியாக இருக்கிறது
நம்மிருவருக்குமிடையே வெப்பம்
ஆறாக ஓடிக் கொண்டிருக்கிறது
முன்பிருந்த நடுக்கம் இப்பொழுதில்லை
நம்மிரு உடல்களும் இணைந்து
எழுதிக் கொண்டிருக்கிறது
ஒரு வெயில் கவிதை.

[அமரன்]

என்னால் தொடர முடியாது ஆதவா.

வெயில் காலம் இன்னும் வரவில்லை.

நல்லா இருக்கு.

[samuthraselvam]

ஆதவ் அண்ணா... கவிதை அத்தைனையும் அருமை...

வெயிலையும் அமர் அண்ணா....! வெயில் காலம் இன்னும் வரவில்லையா? வெயில் இங்கே மண்டையை பிளக்குது...

அடிக்கிற வெயிலில் மூளையே உருகிப்போயிரும்.. இதில் எங்கே கவிதை வர்றது...

[தாமரை]

அடிக்கிற வெயிலில் மூளையே உருகிப்போயிரும்.. இதில் எங்கே கவிதை வர்றது...

அதான் இங்க வழிஞ்சிருக்கு...

[samuthraselvam]

அதான் இங்க வழிஞ்சிருக்கு...

ஆதவ் அண்ணா... உங்களுக்கு தான் சொல்லுறாரு....

[ஆதவா]

என்னால் தொடர முடியாது ஆதவா.

வெயில் காலம் இன்னும் வரவில்லை.

நல்லா இருக்கு.

அட பரவாயில்லைங்க. நீங்க எட்டிப் பார்த்தாலே போதும்!!!

ஆதவ் அண்ணா... கவிதை அத்தைனையும் அருமை...

வெயிலையும் அமர் அண்ணா....! வெயில் காலம் இன்னும் வரவில்லையா? வெயில் இங்கே மண்டையை பிளக்குது...

அடிக்கிற வெயிலில் மூளையே உருகிப்போயிரும்.. இதில் எங்கே கவிதை வர்றது...

ரொம்ப நன்றிங்க. என்னை அண்ணான்னு கூப்பிடாதீங்க சகோதரி. உங்களை விட ரொம்ப இளையவன் நான்.

இந்த வெயிலிலும் மூளை உருகி படிச்சமைக்கு நன்றிங்க.

அதான் இங்க வழிஞ்சிருக்கு...

ஆதவ் அண்ணா... உங்களுக்கு தான் சொல்லுறாரு....

நல்லா பாருங்க.... உங்களைத்தான் சொல்றாரு... (எஸ்கேப்)

நன்றி தாமரை+லீலூமா முறையே அண்ணாச்சி, அக்காச்சி

[தாமரை]

ஆதவ் அண்ணா... உங்களுக்கு தான் சொல்லுறாரு....

இந்த வெயிலிலும் மூளை உருகி படிச்சமைக்கு நன்றிங்க.



நல்லா பாருங்க.... உங்களைத்தான் சொல்றாரு... (எஸ்கேப்)

யாருக்கு இருக்குமோ அவங்களது தானே உருகி வழியும். இதுக்கெல்லாமா சண்டை போட்டுக்கறது..


என் பங்குக்கு....


தார்ச்சாலை முத்தங்கள் பட்டு
நிலங்கள் போலவே
கால்களும் வெடித்துக் கிடக்கின்றன

மழைநீரோ குடிநீரோ
காத்துக்கொண்டிருக்கிற
சடங்கள் இரண்டும்

தூரத்தெரிகிற கருநிறம் கண்டு
அல்ப ஆசையை வளர்த்துக் கொள்கின்றன
முகிலோ தண்ணீர் லாரியோ என்று!

[ஆதவா]

யாருக்கு இருக்குமோ அவங்களது தானே உருகி வழியும். இதுக்கெல்லாமா சண்டை போட்டுக்கறது..

இப்ப நான் இருக்குன்னு சொல்லவா.... இல்லைன்னு சொல்லவா????

தார்ச்சாலை முத்தங்கள் பட்டு
நிலங்கள் போலவே
கால்களும் வெடித்துக் கிடக்கின்றன

மழைநீரோ குடிநீரோ
காத்துக்கொண்டிருக்கிற
சடங்கள் இரண்டும்

தூரத்தெரிகிற கருநிறம் கண்டு
அல்ப ஆசையை வளர்த்துக் கொள்கின்றன
முகிலோ தண்ணீர் லாரியோ என்று!

கலக்கல்...

சடங்களா தடங்களா .??...

ரொம்ப அருமையாக இருக்கிறது.!!!!

[தாமரை]

யாருக்கு இருக்குமோ அவங்களது தானே உருகி வழியும். இதுக்கெல்லாமா சண்டை போட்டுக்கறது..

இப்ப நான் இருக்குன்னு சொல்லவா.... இல்லைன்னு சொல்லவா????





சடங்களா தடங்களா .??...

இப்போ இல்லேன்னு சொல்லலாம். இருந்திருந்தாலும் உருகி வழிஞ்சதில காலி ஆகி இருக்குமே...

சடங்கள் தான்,,,, ஜீவனற்றுப் போனவை.. வயலும் அவனும்