: வெயில் கவிதைகள் :

[தாமரை]

வெய்யிலை ரசித்து எத்தனைக் காலமாச்சு.. வறண்டு கொண்டிருக்கும் கண்மாய் கரையில் இருக்கும் காய்ந்த மரத்தடியில் லுங்கியோடும் துண்டோடும் கும்பலாய் கதைத்து (ஸ்டடி லீவில் படிப்பதாய் பேர் பண்ணி) பிறகு கண்மாயோரம் உள்ள கேனியில் குளித்துக் குளிர்ந்து ஆடிய ஆட்டங்கள்..


வெயிலே நான் உன் ரசிகன்..

கான்கிரீட் காட்டினில் வெய்யில் தீண்டத்தகாததாய் ஒதுக்கி வைக்கப்பட்டுள்ளது. அதுதான் வருத்தம்.

வெய்யிலை இன்று மீண்டும் ரசிக்க வைத்த ஆதவனுக்கு நன்றி..

(வெய்யிலுக்காக ஆதவனுக்கு நன்றி சொல்லாம வேற யாருக்குச் சொல்றது?)

[தாமரை]

உச்சி வெயிலில் குச்சி ஐஸ்
விற்றுக் கொண்டு போகிறான்
வியர்க்க வியர்க்க

காசுள்ளவன் வாங்கி
காசில்லாத நண்பனுக்கு
காக்கா கடி கொடுக்க

ஆதவனுக்குப் பொறாமை வந்து
இன்னும் கொஞ்சம் எரிகிறான்

[தாமரை]

அது ஒரு வெயில் காலம்

வெயிலை உள்வாங்க
குறைக்கப்பட்ட முடி
குறைக்கப்பட்ட ஆடை

புழுதி பறக்கும்
செம்மண் சாலையில்
குதிரை வீரனாய் கற்பித்துக் கொண்டு
நாங்கள் விரட்டிச் செல்லும்
சைக்கிள் டயர்கள்

வற்றி விட்ட ஏரியில்
மிச்சமிருக்கும் சிறிது நீரில்
துண்டு போட்டு பிடித்த
அயிரை மீன்கள்

முள்ளுச் செடிகளில்
தலைதூக்கும் ஓணான் சிங்கங்களை
கவட்டை வில்கொண்டு
வேட்டையாடிய வீர சாகசம்

கல்லெறிந்து பறித்த மாங்காயா
நெருப்பு எறும்புகளைத் தாண்டி
மரமேறி பறித்த மாங்காயா
எது ருசி என
உப்பு மிளகாய் கலவையில்
முக்கி ருசித்தது

வேப்ப மரத்தடியில்
கயிற்றுக் கட்டிலில்
வானத்து நட்சத்திரங்களில்
எனக்கென்று ஒன்றை கண்டு
பெயரிட்டு மகிழ்ந்தது

மொட்டைமாடியில்
கயிற்றுக் கட்டிலில்
கூடாரம் போட்டு
வீடு கட்டி வாழ்ந்தது

இன்னும் இன்னும்
எத்தனையோ நினைவுகள்
அசை போட்டுக் கொண்டிருக்கிறேன்
கான்கிரீட் சிறையில்

[பூமகள்]

அது ஒரு வெயில் காலம்

வெயிலை உள்வாங்க
குறைக்கப்பட்ட முடி
குறைக்கப்பட்ட ஆடை

புழுதி பறக்கும்
செம்மண் சாலையில்
குதிரை வீரனாய் கற்பித்துக் கொண்டு
நாங்கள் விரட்டிச் செல்லும்
சைக்கள் டயர்கள்

வற்றி விட்ட ஏரியில்
மிச்சமிருக்கும் சிறிது நீரில்
துண்டு போட்டு பிடித்த
அயிரை மீன்கள்

முள்ளுச் செடிகளில்
தலைதூக்கும் ஓணான் சிங்கங்களை
கவட்டை வில்கொண்டு
வேட்டையாடிய வீர சாகசம்

கல்லெறிந்து பறித்த மாங்காயா
நெருப்பு எறும்புகளைத் தாண்டி
மரமேறி பறித்த மாங்காயா
எது ருசி என
உப்பு மிளகாய் கலவையில்
முக்கி ருசித்தது

வேப்ப மரத்தடியில்
கயிற்றுக் கட்டிலில்
வானத்து நட்சத்திரங்களில்
எனக்கென்று ஒன்றை கண்டு
பெயரிட்டு மகிழ்ந்தது

மொட்டைமாடியில்
கயிற்றுக் கட்டிலில்
கூடாரம் போட்டு
வீடு கட்டி வாழ்ந்தது

இன்னும் இன்னும்
எத்தனையோ நினைவுகள்
அசை போட்டுக் கொண்டிருக்கிறேன்
கான்கிரீட் சிறையில்

அற்புதம்.. அபாரம்... கலக்கல்...

என் ஏக்கமான மனதைப் படம் பிடித்து வடித்திருப்பது போல இருக்கிறது அண்ணா...

கான்கிரீட் சிறைகளில்.. நட்சத்திரம் ரசிக்கவும்.. நிலா ரசிக்கவும் வழியின்றி வலிக்கிறது மனம்...

வெயில் கவிதையில் இது அருமையிலும் அருமை.. எதார்த்தம் நிரம்பி வழிகிறது..

பாராட்டுகள் அண்ணா... தொடருங்கள்.

[பூமகள்]

நெருஞ்சிக் காட்டு
ஒற்றையடிப் பாதை முள்ளும்..

கோயில் தொடும்
கல் வழிப் பாதை கூர்மையும்..

பதம் பார்க்கும் குதியை
தன் கரங்களால்
பொடித் துகள்களாகச்
சுட்டுக் கொண்டிருந்தான்
துணையாக வந்த
வெப்பக் கதிரோன்..!!

(என்னை வெயில் கவிதை எழுத வைத்த ஆதவாவுக்கும் தாமரை அண்ணாவுக்கும் நன்றிகள்.. )

[ஆதவா]

உச்சி சூரியனின் உக்கிரம்
தோற்றுப்போகிறது....
சுள்ளி பொறுக்கும்
செருப்பணியா கிராமத்துத் தாயின்
உதாசீனத்தின் முன்பு...!!

நம்மிருவருக்கும் ஒரேமாதிரியான எண்ணம்!!!! அருமை அண்ணா!!

[ஆதவா]

தாமரை அண்ணா கலக்குகிறார். கூடவே சிவா.ஜி அண்ணாவுக்கு சகோதரி பூமகளும். அப்பப்போ தொட்டுப் பார்த்து ' ஆ ' என்று சொல்லும் மதி, ஜில் ஜில் அமரன்....

கவிதைகள் அனைத்தும் பிரமாதம்!!!

பொதுவாக வெயில் என்பதால் வறட்சியும் ஞாபகத்திற்கு வரும். வெயில் கவிதைகளும் வறண்டு வரவில்லையோ என்றும் தோணியது...

அப்படியல்ல... அள்ள அள்ள குறையாத வெயிலைப் போன்று கவிதைகளும் எழுதலாம் என்பதை மக்கள் உணர்த்துகிறார்கள்!!!

[தாமரை]

வெயிலே
எங்கள் விளையாட்டுத் தோழனே
உன்னுடன் விளையாடத்தானே
விடுமுறை

பாட்டி வீட்டுக் கேணியில்
பாதாளத்தில் கிடக்கும் குளிர்நீரும்

கமலாலயக் குளத்தில்
தேங்கி நிற்கும் பச்சை நீரும்

நேரு பூங்காவின்
சிமெண்டு பெஞ்சுகளும்

மாரியம்மன் பண்டிகைக்கு வாங்கிய
மண்குதிரை பொம்மைகளும்

உன்னுடன் மட்டுமே
எனக்குப் பரீட்சயம்.

அவைகளெல்லாம் அடையாளம் துறந்து
என்னை விட்டுப் போனாலும்

வா பேசிமகிழ்வோம்
பழைய நினைவுகளை.

[தாமரை]

தாமரை அண்ணா கலக்குகிறார். கூடவே சிவா.ஜி அண்ணாவுக்கு சகோதரி பூமகளும். அப்பப்போ தொட்டுப் பார்த்து ' ஆ ' என்று சொல்லும் மதி, ஜில் ஜில் அமரன்....

பூமகள் சிவா.ஜி அண்ணாவுக்கு மட்டும் தான் சகோதரியா?
ஆட்டோ வருது டோய்.... ஆதவா.. ஓடி போயிடு...

[மதி]

வெயில் கவிதைகளின் வெக்கை தாங்கல
ஏ.சி குளிரில் வெயில் கவிதைகளைப் படிக்க ம்ம்...

நாளை சென்னை சென்றால் தெரியும் சேதி...

[தாமரை]

வெயில் கவிதைகளின் வெக்கை தாங்கல
ஏ.சி குளிரில் வெயில் கவிதைகளைப் படிக்க ம்ம்...

நாளை சென்னை சென்றால் தெரியும் சேதி...

வெக்கை தாங்கல
ஏ.சி குளிரில்
வெயில் கவிதைகளைப் படிக்க

மதிய வெய்யிலில்
மெரீனா மணலில் அமர்ந்து
படிக்கக் குளிரும்
மதி...

இப்படிப் போட்டு கவிதைன்னு சொல்லிட வேண்டியதுதானே

[தாமரை]

மணல் பரப்பி
நீர் பிடித்து வைத்த
சிங்க முகப் பானையின்
வாய் வழி வழிந்த
குளிர் நீரின் சுவைக்கு
குளிர்பானம் தொடும் நேரமெல்லாம்
நாக்கு ஏங்குகிறது.

தெருவோரப் பானைக் கடையெல்லாம்
தேடுகிறேன்
பெட்டிச் சிறைக்குள்
அடைக்கப்பட்ட நீரின்
சுதந்திரம் வேண்டி..