: வெயில் கவிதைகள் :

[தாமரை]

கேட்டீர் வெள்ளந்தீயாக,
கிடைத்தது உள்ளந்தீயாக.

வெள்ளந்தி என்பது வழக்கில் இருக்கும் சொல். வெள்ளந்தி என்பதை ஒரு முறை ஒரு பத்திரிக்கையில் ஒருவர் விளக்கி இருந்தார். அதாவது வெள்ளத்திற்கும் சரி தீக்கும் சரி. நல்லது கெட்டது தெரியாது. வேண்டியது வேண்டாதது தெரியாது. அதுமாதிரி இருப்பவர்களை வெள்ளந்தீ போல என்பார்கள். அதுதான் மாறிப் போய் வெள்ளந்தி ஆகியது என்று.

வெள்ளந்தியாக என்பதை வெள்ளம் - தீயாக என்று நுணுக்கி எழுதினதை இரசிக்கலையோ? அதிலேயே பொருள் இருக்கே, அன்பு வெள்ளமாக பாயும் அவள் தீயாக எரித்தாள் என. அதிகம் படிச்சா இப்படித்தான். தெரிஞ்சதெல்லாம் இருப்பதை மறைத்துவிடும். அதனால் வெள்ளந்தியாக இருக்கறதே நல்லது!!!

[கீதம்]

வெள்ளந்தி என்பது வழக்கில் இருக்கும் சொல். வெள்ளந்தி என்பதை ஒரு முறை ஒரு பத்திரிக்கையில் ஒருவர் விளக்கி இருந்தார். அதாவது வெள்ளத்திற்கும் சரி தீக்கும் சரி. நல்லது கெட்டது தெரியாது. வேண்டியது வேண்டாதது தெரியாது. அதுமாதிரி இருப்பவர்களை வெள்ளந்தீ போல என்பார்கள். அதுதான் மாறிப் போய் வெள்ளந்தி ஆகியது என்று.

வெள்ளந்தியாக என்பதை வெள்ளம் - தீயாக என்று நுணுக்கி எழுதினதை இரசிக்கலையோ? அதிலேயே பொருள் இருக்கே, அன்பு வெள்ளமாக பாயும் அவள் தீயாக எரித்தாள் என. அதிகம் படிச்சா இப்படித்தான். தெரிஞ்சதெல்லாம் இருப்பதை மறைத்துவிடும். அதனால் வெள்ளந்தியாக இருக்கறதே நல்லது!!!

ஆத்தீ... வெள்ளந்தீயில இத்தனை விசயமிருக்கா?

அட, நான் வெள்ளந்தியாவே இருந்துக்கிறேன்.

[ஆதி]

2006 தேர்தலை மனதில் கொண்டு படித்தால் கீழுள்ள வரிகள் சிலேடையாகிவிடுகிறது அண்ணா, மிக ரசித்தேன்


சூரியனின் இலவசத்தை
ஓட்டைப் போட்டு பெற்றோம்

மொத்தத்தில் நம் இதயத்தில்
நாமே போட்டுக் கொண்டோம்
ஓட்டை!!!

[ஆதி]

பெங்களூராம் எங்களூரில்
தீர்ந்தது வெயில் இப்பொது...

வேண்டுவோம் வருணணை
உங்களூரில் வெயில் தீர...

ஜனவரி வரை அந்த ஊர்லதான அப்பு நாங்களும் இருந்தோம், இந்த ஊர்ல பகல்ல வெயிலடிச்சாலும், ராத்திரி சும்மா டிசம்பர் மாச தேனி மாதிரி இல்ல இருக்கு

[ஆதவா]

இளஞ்சூட்டு முத்தத்தை
நீ
ஒரு மழைநாளில் பரிசளித்தபோது
வெப்பம் ஒரு கவிதையாக
என்னுள் படர்ந்தது

இரு தேநீர் கோப்பைகள்
அருகருகே கைகள் பிணைத்து
காதல் பேசியபோது
வெப்பம் ஒரு தேயிலையின் ருசியாக
எனக்குள் நுழைந்தது

ஒருசேர சங்கமிக்கும்
கடலின் விளிம்பில்
கற்கள் பொறுக்கிக் கொண்டிருக்கும்போது
வெப்பம் ஒரு அலையாக
என் கால்களைத் தழுவியது

இருசோடி
உதடுகளுக்கிடையேயும்
உடல்களுக்கிடையேயும்
கண்களுக்கிடையேயும்
வெப்பம் ஊடுறுவியபோது
அது குழந்தையாக
தவழ்ந்தது
உனக்கும் எனக்குமாய்

[ஆதவா]

சொட்டுச்சொட்டாக விழுகிறது
மழை
ஒவ்வொரு துளிக்குள்ளும்
உஷ்ணம், வெப்பம்
ஆக்ரோஷம்

[கும்பகோணத்துப்பிள்ளை]

அது ஒரு வெயில் காலம்

வெயிலை உள்வாங்க
குறைக்கப்பட்ட முடி

அழுத கண்ணும் சிந்திய முக்குமாய்!
அப்பா கழுத்தில் கைவைத்து அமுக்கிபிடிக்க
தலைக்கு மேல நாவிதரின் கிடிக் கிடிக்
சத்தத்தில் தூங்கிபோன நாட்களை நினைவுட்டுகிறது.

[கும்பகோணத்துப்பிள்ளை]

அது ஒரு வெயில் காலம்

புழுதி பறக்கும்
செம்மண் சாலையில்
குதிரை வீரனாய் கற்பித்துக் கொண்டு
நாங்கள் விரட்டிச் செல்லும்
சைக்கிள் டயர்கள்


வற்றி விட்ட ஏரியில்
மிச்சமிருக்கும் சிறிது நீரில்
துண்டு போட்டு பிடித்த
அயிரை மீன்கள்

முள்ளுச் செடிகளில்
தலைதூக்கும் ஓணான் சிங்கங்களை
கவட்டை வில்கொண்டு
வேட்டையாடிய வீர சாகசம்

கல்லெறிந்து பறித்த மாங்காயா
நெருப்பு எறும்புகளைத் தாண்டி
மரமேறி பறித்த மாங்காயா
எது ருசி என
உப்பு மிளகாய் கலவையில்
முக்கி ருசித்தது

வேப்ப மரத்தடியில்
கயிற்றுக் கட்டிலில்
வானத்து நட்சத்திரங்களில்
எனக்கென்று ஒன்றை கண்டு
பெயரிட்டு மகிழ்ந்தது

மொட்டைமாடியில்
கயிற்றுக் கட்டிலில்
கூடாரம் போட்டு
வீடு கட்டி வாழ்ந்தது

இன்னும் இன்னும்
எத்தனையோ நினைவுகள்
அசை போட்டுக் கொண்டிருக்கிறேன்
கான்கிரீட் சிறையில்

நெஞ்சுமுட்ட நிறைய ஞாபககற்றைகளை
வீசியடிக்கிறது உங்கள் பதிவு

கவட்டை கம்பு பனைரோதை பட் பட் சத்ததிற்க்கு மடித்து தைக்கப்பட்ட குமுதம் அட்டை
குடைக்கம்பியில் வில்லும் அம்பும் செய்து ஆற்றில் பாறைக்கடியில் தேங்கியநீரில் பதுங்கிய குறவைமீன் வேட்டை

வேப்பம்பழம், சப்பாத்திபழம் சாப்பிட்டு காலில் எற்பட்ட புண்னிற்க்கு பக்கத்துவீட்டு கம்பவுண்டர் தாத்தா
போட்ட எரிச்சல் மருந்தும் கடு கடு கட்டும்

மதிய நேர கினற்றுக்குளியல், கட்டுக்கரையில் கானாமல்போகும் காலடிநீர்தடம்

புளியம்பிஞ்சையும் கொழுந்திலையயையும் கருங்கல்லில் இழைத்து உப்பையும் மிளகாயையும் சேர்த்திழைத்து வழித்துண்டது

இப்படி எகப்பட்ட நினைவுகளால் இத்திரியை தொடர்ந்து படிக்கமுடியாமல் போனது

மறுபடியும் உள்நுழைய வேண்டும்...