Page 1 of 4 1 2 3 4 LastLast
Results 1 to 12 of 42

Thread: நூர் பாத்திமா.....

                  
   
   
  1. #1
    மன்றத்தின் தூண் பண்பட்டவர் Nanban's Avatar
    Join Date
    05 Apr 2003
    Location
    துபாய்
    Posts
    3,203
    Post Thanks / Like
    iCash Credits
    5,050
    Downloads
    47
    Uploads
    0

    நூர் பாத்திமா.....

    நூர் பாத்திமா.....

    ஒரு தேவதையைப் போல
    எல்லைகளைக் கடந்து
    எங்கள் நாடு வந்தாய்.

    தலையைச் சுற்றி
    மூக்கைத் தொடும்
    தலைவலியின்றி
    தரைவழி வந்தாய்.

    கிழிந்து கிடக்கும்
    நம் உறவுகள் போலவே
    உன் இதயம் முழுக்க
    ஒட்டைகளோடு வந்தாய்.

    கருமேகம் சூழ்ந்த
    வானம் போலத்தான்
    உன்னைப் பெற்றவர்களின்
    முகத்திலும்
    அருளின்றி இருந்தது -
    தலைநகரத்தில்
    நீங்கள் இறங்கிய பொழுது.

    எல்லை தாண்டிய தீவிரவாதிகள்
    எங்கள் ஜவான்களின் இதயத்தில்
    ஓட்டை போட்டுக் கொண்டிருந்த பொழுது -
    உன் இதயத்து ஓட்டையை
    அடைப்பதற்கு எங்கள் நாட்டு
    மருத்துவர்கள் உழைத்தனர்.

    நொடிப்பொழுதில்
    வெடிக்கும் குண்டுகளில்
    செத்து வீழும்
    அப்பாவி காஷ்மீரிகளின்
    குருதி தெருவில் ஓடிய பொழுது,
    எங்கள் நாட்டு மக்களின்
    ரத்தமும் ஆக்ஸிஜெனும்
    உன் உடலின் உள்ளே
    புகுத்தப் பட்டுக் கொண்டிருந்தது.

    மயக்கத்தில் நீயும்
    கலக்கத்தில் உன் பெற்றவர்களும்
    இருந்த பொழுது
    நாங்கள் எல்லோரும் பிரார்த்தனையில்
    இருந்தோம் -
    'கடவுளே!
    எங்களைத் தேடி வந்த
    இந்த பிஞ்சைக் காப்பாற்று'
    கூட்டுப் பிரார்த்தனையும்
    மலர்க் கொத்துகளும்
    நாட்டு எல்லைகளைக் கடந்து
    உன் காலடியில் சமர்ப்பிக்கப் பட்டது.

    பலகோடி மக்களின்
    இதயங்களும் ஒருமித்து
    உனக்காகத் துடிக்க
    உன் இதயமும் பழுதில்லாமல்
    துடிக்கத் தொடங்கியது.

    உனக்காக செலவு செய்ய
    உன் பெற்றோர்கள் செய்த ஏற்பாடுகள்
    அனைத்தும் மறுத்து
    எங்கள் நாட்டு மருத்துவர்கள்
    தங்கள் உழைப்பை
    உனக்கு அன்புக் காணிக்கையாக்கினர்.
    இந்த அன்பிற்குப் பதில் அன்பு என -
    உன் மருத்துவ செலவுத் தொகையும்,
    வந்த அன்பளிப்புகளும்,
    ஏழைக் குழந்தைகளின் இதயத்துக்காக
    உன் பெற்றவர்களால்
    அர்ப்பணிக்கப் பட்ட போது
    எல்லோருக்கும் தெளிவானதே -
    இரு நாட்டு மக்களும்
    எதிரிகளல்ல,
    சந்தர்ப்பம் கிடைத்தால்
    சகோதரர்களும் ஆவர் என்று.

    சில காலம் முன்னே
    எலியும், பூனையுமாக
    அடித்துக் கொண்ட
    அரசியல்வாதிகளை
    ஒதுக்கித் தள்ளிவிட்டு
    மக்களின் அன்பை
    வெளிப்படுத்த
    ஒரு தேவதையாக
    உன் வரவு ஆகியதே...
    இனியாவது
    உன் போல் தேவதைகள் மட்டும்
    எங்கள் நாட்டிற்கு வரட்டும்.
    சாத்தான்களின்
    குண்டுகளும், வார்த்தகளும்
    ஓடியே போகட்டும்....
    Last edited by அமரன்; 24-11-2007 at 08:46 AM.
    அன்புடன்



    நண்பன்
    -----------------------------------------------
    காத்திருக்கும் வரை தான் காற்று,,,,,,,,,,,
    புறப்பட்டால் புயல்
    ------------------------------------------
    http://www.nanbanshaji.blogspot.com
    nanbans@gmail.com

  2. #2
    மன்றத்தின் தூண் பண்பட்டவர் சேரன்கயல்'s Avatar
    Join Date
    17 May 2003
    Location
    வானலை...
    Posts
    3,192
    Post Thanks / Like
    iCash Credits
    5,030
    Downloads
    0
    Uploads
    0
    அழகாய் சொல்லியிருக்கிறீர்கள் நண்பன்...
    நூர் பாத்திமாவுக்காய் நான் இதயம் கசிந்தது உண்மை ஆனால் நீங்கள் உங்கள் இதயக் கசிவை பெயர்த்து கவிபாடியிருக்கிறீர்கள்...
    வாழ்த்துக்கள் நண்பரே...
    Last edited by அமரன்; 24-11-2007 at 08:46 AM.
    நலம் வாழ்க...
    சேரன்கயல்...

  3. #3
    புதியவர்
    Join Date
    07 Sep 2003
    Location
    K.S.A
    Posts
    28
    Post Thanks / Like
    iCash Credits
    5,030
    Downloads
    0
    Uploads
    0
    கோபமும் - பிணக்குகளும் மறைய ஒரு ஊனம் தேவையா...? அடுத்த முறை வரும் Noor Fathima'க்கள் சோகமில்லாமல் வெண் புறாக்களை சுமந்து ஆனந்தமாக வரட்டும்.. கவிதை அருமை.
    Last edited by அமரன்; 24-11-2007 at 08:46 AM.

  4. #4
    இளம் புயல் பண்பட்டவர் Hayath's Avatar
    Join Date
    08 Apr 2003
    Location
    DUBAI
    Posts
    241
    Post Thanks / Like
    iCash Credits
    18,578
    Downloads
    53
    Uploads
    3
    அருமையான கவிதை நண்பன் அவர்களே.....பாராட்ட வார்த்தைகள் வரவில்லை.மற்றும் கவிதை முடிவு ஒரு வரலாறை கூறுகிறது.
    Last edited by அமரன்; 24-11-2007 at 08:45 AM.
    வாழ்வதற்கு பொருள் வேண்டும்
    வாழ்வதிலும் பொருள் வேண்டும்


    என்றென்றும் அன்புடன்
    ஹயாத்

  5. #5
    மன்றத்தின் சுடர் பண்பட்டவர் இக்பால்'s Avatar
    Join Date
    13 Jul 2003
    Location
    Doha-Qatar.
    Posts
    5,199
    Post Thanks / Like
    iCash Credits
    13,840
    Downloads
    10
    Uploads
    0
    நண்பர் நண்பரே! என்னருகில் உள்ள பாகிஸ்தான் நண்பர் இந்தியாவில்
    உள்ள முஸ்லீம்களுக்கு உருகுவார். மற்ற இன மக்களை நம்ப ஏனோத்
    தயக்கம். எல்லொரும் நல்லவரே என எடுத்துக் கூறி வருகின்றேன்.
    நூர்பாத்திமா நிகழ்ச்சி எனக்கு நல்ல ஆதரவாக அமைந்தது.இப்பொழுது
    உங்கள் கவிதையையும் அவருக்கு மொழி பெயர்த்து சொல்ல இருக்கிறேன்.
    இப்பொழுது அவர் பாகிஸ்தான் போயிருக்கிறார்.-அன்புடன் அண்ணா.
    Last edited by அமரன்; 24-11-2007 at 08:45 AM.

  6. #6
    மன்றத்தின் சுடர் பண்பட்டவர்
    Join Date
    01 Apr 2003
    Location
    பூந்தோட்டம்
    Posts
    6,697
    Post Thanks / Like
    iCash Credits
    15,295
    Downloads
    38
    Uploads
    0
    நெஞ்சைத்தொட்ட அந்த நிகழ்வை கவிதையாக்கி எனக்கொரு சூடு போட்டுவிட்டீர்!

    பாராட்டுக்கள் நண்பனே!!!
    Last edited by அமரன்; 24-11-2007 at 08:45 AM.
    என் பூக்களின் பாசம்..
    எனக்கு சுவாசம்!!

  7. #7
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    17,030
    Downloads
    62
    Uploads
    3
    ஆம் நண்பா,
    என்னுடன் பணிபுரியும் பல பாகிஸ்தானிய சகோதரர்கள் உண்மையில் மிகவும் நல்லவர்களே. அரசியல்வாதிகளும், மதவாதிகளும், சுயநலவாதிகளும்தான் நம்மை பிரித்தாள்கிறார்கள்.
    Last edited by அமரன்; 24-11-2007 at 08:44 AM.

  8. #8
    மன்றத்தின் சுடர் பண்பட்டவர் இக்பால்'s Avatar
    Join Date
    13 Jul 2003
    Location
    Doha-Qatar.
    Posts
    5,199
    Post Thanks / Like
    iCash Credits
    13,840
    Downloads
    10
    Uploads
    0
    இன்னொரு சம்பவம் ஞாபகம் வருகிறது. கொழும்பு நகருக்கு
    போனமுறை சென்று இருந்தபொழுது ஒரு சிங்களப் சிறுபெண்
    room girl-ஆக இருந்தார். தமிழ் தெரியவில்லை. ஆங்கிலத்தில்
    பேசினார். 4 நாட்கள் தங்கியிருந்ததில் நன்றாக பழகி விட்டார்.
    அவர் சொன்னார். தமிழ்க் காரர்கள் கூட இவ்வளவு நல்லவர்
    ஒருவர் இருப்பார் என நினைத்தது கூட இல்லை என்றார்.
    அந்த பயத்தால் தமிழரிடம் பேசியதும் இல்லையாம். நான்
    சொன்னேன். பழகிப் பாருங்கள். எல்லோரும் நல்லவர் என
    உணர்வீர்கள் என்று.-அன்புடன் அண்ணா.
    Last edited by அமரன்; 24-11-2007 at 08:44 AM.

  9. #9
    மன்றத்தின் மகுடம் பண்பட்டவர்
    Join Date
    31 Mar 2003
    Posts
    15,683
    Post Thanks / Like
    iCash Credits
    57,367
    Downloads
    4
    Uploads
    0
    பெருமித நிகழ்வு..
    நுண்ணிய பதிவு..

    வாழ்த்துகள் நண்பன் அவர்களுக்கு...
    Last edited by அமரன்; 24-11-2007 at 08:44 AM.
    எத்தனை மனிதர்கள் உலகத்திலே...
    எத்தனை உலகங்கள் இதயத்திலே...

  10. #10
    மன்றத்தின் தூண் பண்பட்டவர் Nanban's Avatar
    Join Date
    05 Apr 2003
    Location
    துபாய்
    Posts
    3,203
    Post Thanks / Like
    iCash Credits
    5,050
    Downloads
    47
    Uploads
    0
    மனித இயல்பு எவருக்கும் இரங்கக் கூடியது. தனிமையில் நல்லவனாக இருக்கும் ஒருவன் பலருடன் இணையும் பொழுது வழி தவறிப் போகிறான்.அல்லது வழி நடத்திச் செல்லும் தலைமை தவறுதலாக அழைத்துச் செல்கிறது. வழி தவறிப் போகிறோம் என்றாலும், விலகிச் செல்ல இயலா மாயையில் சிக்குண்டுத் தவிக்கிறோம். நல்லதைச் சொன்னால், பழிக்கப் படுகிறோம். இனத்துரோகியாக அடையாளம் காட்டப்படுகிறோம். இதற்கு எத்தனையோ உதாரணங்கள் காட்டப்பட முடியும். குறிப்பாக - அயோத்தி பிரச்னையை எடுத்துக் கொள்ளுங்கள் - இஸ்லாம் எந்த ஒரு உருவ வழிபாட்டையும் அனுமதிக்கவில்லை. எந்த வடிவத்தையும் குறியீடாகக் கொள்ளவில்லை. ஈடு, இணையற்றவன் இறைவன் என்பதாலயே அவனுக்கு வடிவம் கிடையாது. இருப்பிடம் கிடையாது. எங்கும் நிறைந்தவனுக்கு ஏது இருப்பிடம்? முகம்மது நபி(ஸல்)க்குக் கூட சமாதி என்ற கட்டடங்கள் கிடையாது. எந்த ஒரு மனிதனுக்கும் நினைவிடங்கள் அமைப்பது மறுக்கப் பட்டுள்ளது. நாளடைவில் அந்த சமாதிகள் வழிபாட்டுத் தளங்கள் ஆகிவிடும். இறைவன் அந்தஸ்திற்கு அங்கு புதைக்கப்பட்டவர்கள் உயர்த்தப்படுவார்கள் என்பது தான் சமாதிகள் மறுக்கப்பட்ட காரணம். இஸ்லாத்தில் இறைவழிபாட்டிற்கு எந்த ஒரு கட்டிடங்களும் தேவையில்லை. தொழுகை நேரம் வந்து விட்டால், எந்த இடத்திலும் - சுத்தமான இடம் என்பது மட்டுமே முக்கியம் - ஒரு துண்டை விரித்து, கபா நோக்கி - உலக முஸ்லீம்கள் அனைவரையும் ஒருமுகப்படுத்த வேண்டுமென்பதற்காக செய்யப்பட்ட ஏற்பாடு தான் கபா - தொழுகையில் ஈடுபடலாம். இறைவன் ஏற்றுக்கொள்வான். தன்னை வழிபடும் தொழுகையளிகளின் உள்ளத்தைத் தான் இறைவன் நாடுகிறானே தவிர, தொழுகை நடக்கும் இடத்தின் ஆடம்பர தோற்றத்தை அல்ல.

    இத்தகைய எளிமையான இஸ்லாம் மதத்தின் வழி வந்தவர்கள், எதற்காக ஒரு பாபர் மசூதியின் மீது அத்தனை ஈர்ப்புடன் இருக்க வேண்டும் என்று தான் புரியவில்லை. இஸ்லாத்தின் கொள்கைகளுக்கும், பாபர் மசூதிக்கும் எந்த ஒரு தொடர்பும் இல்லை. மாறாக இதை ஒரு தன்மானப் பிரச்னையாக, கௌரவப் பிரச்னையாக, முஸ்லீம்களின் egoவாக மாற்றிக் காட்டி விட்டனர் வழி நடத்திச் செல்லும் தலைவர்கள். தங்களின் முக்கியத்துவம் குறைந்து போய்விடக் கூடாது என்ற குறுகிய நோக்கம் கொண்ட தலைவர்கள், இஸ்லாத்தின் உயர்ந்த கொள்கைகளை, கோட்பாடுகளை எடுத்துக் கூறுவதை விட்டு விட்டு, இந்த கட்டிடம் தகர்க்கப்பட்டதால், இஸ்லாமிற்கு ஆபத்து என்று கூறிவிட்டனர். அயோத்தியில் நிகழ்வது - ஒரு நில உரிமைப் போராட்டம் மட்டுமே - மதங்களுக்கு இடையிலான போராட்டமாக அதை மாற்றியதில் தான் தவறே ஆரம்பித்தது.

    விவேகமுள்ள தலைவர்கள் இருந்திருந்தால் - இப்படித் தான் பேரம் (negotiate) செய்திருப்பார்கள் -இடத்தை எடுத்துக் கொள்ளுங்கள், அதற்குப் பதிலாக முஸ்லீம்களுக்கு மத்திய அரசில் ஒரு குறிப்பிட்ட இட ஒதுக்கீட்டு கொடுத்து வேலை வாய்ப்பு தாருங்கள்; கல்விக்கூடத்தில் வாய்ப்புக் கொடுங்கள்; இப்படியெல்லாம் கேட்டிருந்தால் முஸ்லீம்கள் முன்னேறியிருப்பார்கள். ஆனால், தலைவர்களுக்கு இதிலெல்லாம் நாட்டமில்லை. தாங்கள் தலைவர்களாய் இருக்க வேண்டுமென்றால், பிரச்னைகளை நீட்டித்துக் கொண்டேதான் இருக்கணுமே தவிர, தீர்த்து விடக் கூடாது. (இது எல்லோருக்கும் பொருந்தும் ஒரு கூற்று தான்....)
    Last edited by அமரன்; 24-11-2007 at 08:44 AM.
    அன்புடன்



    நண்பன்
    -----------------------------------------------
    காத்திருக்கும் வரை தான் காற்று,,,,,,,,,,,
    புறப்பட்டால் புயல்
    ------------------------------------------
    http://www.nanbanshaji.blogspot.com
    nanbans@gmail.com

  11. #11
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    17,030
    Downloads
    62
    Uploads
    3
    அன்பு நண்பா,
    உங்கள் பதிவைக் கண்டேன்.
    அதிலிருந்து நான் முற்றிலும் மாறுபடுகிறேன்.
    Last edited by அமரன்; 24-11-2007 at 08:43 AM.

  12. #12
    மன்றத்தின் சுடர் பண்பட்டவர் இக்பால்'s Avatar
    Join Date
    13 Jul 2003
    Location
    Doha-Qatar.
    Posts
    5,199
    Post Thanks / Like
    iCash Credits
    13,840
    Downloads
    10
    Uploads
    0
    பாரதி தம்பி, எந்த வகையில் மாறுபடுகிறீர்கள் என அழகாகக்
    கூறுங்கள் பார்ப்போம். நண்பர் நண்பனும் பதில் தரும்பொழுது
    நல்லபடி கையாள வேண்டுகிறேன். கருத்து வேறுபாடுகளைக்
    களைந்த ஒரு மக்கள் தொகுதியாக இந்த மன்றத்தைக் காண
    எனக்கு ஆவல். அண்ணன்,தம்பி, அக்கா, தங்கையாக வார்த்தையில்
    மட்டும் இல்லாமல் உள்ளத்திலும் உணர, செயலிலும் காட்ட
    கேட்டுக் கொள்கிறேன்.-அன்புடன் அண்ணா.
    Last edited by அமரன்; 24-11-2007 at 08:42 AM.

Page 1 of 4 1 2 3 4 LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •