இனிது இனிது தமிழ் இனிது

[இளசு]

இனிது இனிது தமிழ் இனிது

அமிழ்தினும் இனிய தமிழுக்கு
அழகிய தளம் தந்த தலைவா
கணினியுகம் தாண்டியும்
காலமெல்லாம் உன் புகழ் வாழ்க!

அழகுக்கு அழகு செய்ய
அணிகலன் அளிக்கும் தோழரே
பொன்நகை மோகம் தீராத் தமிழ்க்கன்னி
போற்றுவாள் உங்களின் அன்பெண்ணி

நன்றியைச் சொல்ல என்ன வழி?
நல்லதாய் நீயும் படைப்பு அளி
படைக்கும் வழி பழகும் வரை
படித்தவற்றுக்கு பாராட்டளி

வாதம் செய்; பிடிவாதம் வேண்டாம்
தர்க்கம் செய்; குதர்க்கம் வேண்டாம்
நீர்க்குமிழி கோபம் உடைய தேவை ஒரு நொடி
ஊசி கொண்டு குத்துவதால் தேவையற்ற வலி

அன்பே நம் மதம், அமைதியே தேசிய கீதம்
பண்பே பண்டமாற்று, பகிர்தலே தேச மொழி
உழைப்பே மூலதனம், உண்மையே விளம்பரம்
உருவாக்கும் வெற்றி எல்லாம் தமிழுக்கே சமர்ப்பணம்.

[Narathar]

தமிழ் மன்றத்தை வாழ்த்தி தமிழ் கவியுடன் ஆரம்பித்த இளசு அவர்களை
தமிழ் மன்றம் சார்பிலும், அதன் நிர்வாகிகள் சார்பிலும், அங்கத்தவர்கள்
சார்பிலும் வருக வருக என வரவேற்கின்றேன்.............

[anushajasmin]

அருமையான கவிதையை தமிழுக்கு அர்ப்பணித்திருக்கும் நண்பர் இளசு(முழுப்பெயர் என்ன..?) அவர்களுக்கு வாழ்த்துக்கள்....

உங்களின் இந்த கவிதை இம்மன்றத்தின் தேசிய கீதமாக மாற வாழ்த்துக்கள்

[aren]

இளசு அவர்களே,

அருமையாக உள்ளது உங்கள் கவிதை. பாராட்டுக்கள்.
நன்றி வணக்கம்

ஆரென்.

[poo]

அண்ணா... வணக்கம். உங்கள் அபார திறமைக்கு திறவுகோல்... உங்கள் படைப்புக்குத்தான் முதலில் பதில் எழுதுகிறேன்.(அறிமுகம்கூட செய்யவில்லை என்னை நான்..)

வழக்கம்போலவே பாராட்டுக்கள் ஏராளமாய்.. தாராளமாய் அள்ளி வீசுங்கள் அளவில்லா கவிதைகளை...

[இளசு]

தமிழ் மன்றத்தை வாழ்த்தி தமிழ் கவியுடன் ஆரம்பித்த இளசு அவர்களை
தமிழ் மன்றம் சார்பிலும், அதன் நிர்வாகிகள் சார்பிலும், அங்கத்தவர்கள்
சார்பிலும் வருக வருக என வரவேற்கின்றேன்.............

நன்றி கானத்தின் தலைவா.

[இளசு]

அருமையான கவிதையை அமிழுக்கு அர்ப்பணித்திருக்கும் நண்பர் இளசு(முழுப்பெயர் என்ன..?) அவர்களுக்கு வாழ்த்துக்கள்....
உங்களின் இந்த கவிதை இம்மன்றத்தின் தேசிய கீதமாக மாற வாழ்த்துக்கள்

நன்றி தோழியே
முழுப்பெயர் இளங்கரிகாலன்.
செல்லப்பெயர் இளசு.
காரணப்பெயர் ரவுசு.

[இளசு]

இளசு அவர்களே,
அருமையாக உள்ளது உங்கள் கவிதை. பாராட்டுக்கள்.
நன்றி வணக்கம்
ஆரென்

கெழுதகை நண்பர் ஆரென் அவர்களுக்கு
நன்றியும்
வாழ்த்தும்
வணக்கமும்.

[இளசு]

ஒரு சின்ன வேண்டுகோள் அண்ணா... (மன்னிக்கவும்)இங்கே இளங்கரிகாலனாய் அல்ல இளசுவாய்.. (ஆங்கில இளசு பார்ப்பதற்கு நன்றாய் இல்லை!!!)வலம் வரலாமே!!!

தம்பி
நன்றி சொல்லவும் வேண்டுமோ உனக்கு...
ப்ரொ·பைலில் தமிழுக்கு மாற்ற முயன்றேன்.
பின்னர் முடிக்கிறேன்.

[rambal]

இளசுவின் கவிதையே பின்பற்ற வேண்டிய வழிமுறைகளாக உள்ளது..
பாராட்டுக்கள்..

[PonniyinSelvan]

நான் எனது பெயரை மாற்றுவதால் இந்த பதிவை அழித்துவிட்டேன்.

[தமிழ்குமரன்]

இ-----இலட்சியம்
ள--- வளமான எண்ணங்கள்
சு--- சுந்தரதமிழ்
இது தான் இளசு வா..
வாழ்த்துக்கள்