Page 1 of 9 1 2 3 4 5 ... LastLast
Results 1 to 12 of 101

Thread: லொள்ளிக்கொல்லும் இரவுகள்..!!-நிறைவடைந்தது

                  
   
   
  1. #1
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0

    லொள்ளிக்கொல்லும் இரவுகள்..!!-நிறைவடைந்தது

    அத்தியாயம்-1


    மரசம் உலாவும் இடமே.....
    நாம் வாழ்வில் காணா...
    சமரசம் உலாவும் இடமே”

    இரண்டு இடத்தில் மட்டுமே இந்த பாடல் மிகப் பொருத்தமாய் பொருந்தும். ஒன்று சுடுகாடு மற்றொன்று டாஸ்மாக்.

    இப்போது இந்த பாடல் ஒலித்துக்கொண்டிருக்குமிடம் டாஸ்மாக்.

    "தலைவரு என்னாவெல்லாமோ இலவசமா தராறு....சரக்குக்கு சைட் டிஷ் இலவசமாத் தந்தா எவ்ளோ நல்லாருக்கும்...குடிமகனுங்க எல்லாம் சேந்து ஒரு மனு குடுக்கனும்ப்பா...”

    “மொதல்ல உன் பேரை எலுதறதுக்கு கத்துக்க...அப்பறமா மனு குடுக்கலாம். மனு குடுக்கற மூஞ்சியைப்பாரு...மூதேவி...ஒழுங்கா டவுசரைப் போட்றா பரதேசி..”

    “மருந்தடிக்கறதுக்குன்னு முன்ஸிபால்டியில டவுசர்தான் போடனும். அத்த கிண்டல் பண்ணாதன்னா..” அவனுக்கு மட்டுமே கேட்கக் கூடிய சத்தத்தில் மெல்ல முனுமுனுத்தான் அந்த மனு கொடுக்கலாமென்று சொன்னவன்.

    “என்னாடா மொன மொனன்னு...சத்தமா சொல்லுடா..”

    அந்தக்கூட்டத்தில் இருந்தவர்களின் சற்றே உயர்ந்த ஸ்தானத்திலிருப்பவன் போலிருக்கிறது. அதனால்தான் இவனது மூதேவிக்கும், பரதேசிக்கும் எந்த எதிர்ப்பும் கிளம்பவில்லை.

    குடிமகன்களின் கூட்டத்திலிருந்த அந்த பூப்போட்ட பச்சை சட்டைக்காரனை மட்டும் தனியே அழைத்துக்கொண்டு வெளியே வருவோம். அவன்தான் இந்தக் கதையை தொடங்கிவைக்கப் போகிறான்.

    35 வயது மதிக்கத்தக்க உருவம். லேசான தொப்பை. அது டாஸ்மாக் சரக்கால் விளைவிக்கப்பட்ட ஒன்று. இரண்டு பிள்ளைகள். ஹொசூரில் உள்ள ஒரு பிரபல இருசக்கர வாகனத் தொழிற்சாலையில் ஃபோர்மென் ஆக வேலை செய்கிறான். நித்தியக் கர்மமான இந்த தாக சாந்தியை முடித்துக்கொண்டு, வீடு திரும்பும் நேரம். சாலையில் யாருமில்லை. இன்றைக்கு கொஞ்சம் லேட்டாகிவிட்டது. வீட்டில் மனைவி வாய் நிறைய வசைச் சொல்லுடன் மணாளனுக்காகக் காத்திருப்பாள்.

    மனைவியைப் பற்றி நினைத்ததும் அவனுக்குள் சிரித்துக்கொண்டான்.

    “கலுத, கோவமாப் பேசினாலும் சாப்புடாமப் படுக்க விடமாட்டா. அவளாட்டம் ஒருத்தி பொண்டாட்டியா வர்றதுக்கு நான் குடுத்து வெச்சிருக்கனும். மகதான் என் கிட்டயே வரமாட்டேங்கறா. சின்னப்பொண்ணு பாவம் பயந்துக்குது. பயப்படாம என்னா செய்யும்...தெனமும் இப்படிக் குடிச்சிட்டுப் போனா...தூக்கத்துலருந்து எந்திரிச்சி முலிச்சி முலிச்சி பாக்குது. ஒரு நாளைக்காவது அத கூட்டிக்கிட்டு மார்கெட்டுக்குப் போவனும்”

    என்று மனதுக்குள் நினைத்துக்கொண்டவன்...சற்று நின்றான்.

    “இவ்ளோ தெளிவா யோசிக்கறனே போட்ட சரக்குப் பத்தலையா....”

    இப்படி நினைத்ததும் திரும்பிப்பார்த்தான். கடையை விட்டு வெகுதூரம் வந்துவிட்டது தெரிந்ததும் திரும்பப்போய் இன்னொரு ரவுண்டு ஏற்றிக்கொள்ளும் யோசனையைக் கைவிட்டுவிட்டு தொடர்ந்து நடந்தான்.

    நடந்து வந்துகொண்டிருந்த சாலையின் இடது பக்கத்தில் ஏரியைக் கண்டதும் அவனுக்குள் டி.எம்.எஸ் உருவாகினார். சத்தமாக ‘ஏரிக்கரையின் மேலே போறவளே பெண் மயிலே' என பாடிக்கொண்டு வந்தான். இந்த அர்த்த ராத்திரியில் யாரும் கேட்க மாட்டார்கள் என்ற தைரியம்தான்.

    சாலையின் முனை திரும்பியதும், அவனுக்கு உள்ளே சென்ற திரவத்தின் காரணத்தால் அவசரமாய் ஒதுங்கவேண்டியிருந்தது. முடித்துக்கொண்டு நிமிர்ந்தவன், புதருக்குள்ளிருந்து ஏதோ உறுமும் சத்தம் கேட்டதும் நின்றான். போதையில் இருந்தவனுக்கு அதைப் பற்றி அதிகம் யோசிக்க திராணியில்லாமல் அவன் போக்கில் நடந்தான். நான்கு அடிதான் நடந்திருப்பான் அவனை மறித்துக்கொண்டு ஒரு ஜோடி ஒளிரும் கண்கள் தெரிந்தது.

    அதிர்ந்தான். கூர்ந்து நோக்கினான். கண்களுக்குப் பின்னாலிருந்த முகம் தெரிந்தது. ஒரு தெருநாய். ஆனால் அந்தக் கண்களில் தெரிந்த வெறி....அவனது மயிர்க்கால்களை சில்லிட வைத்தது. வெகுவாக பயந்தான். ஏற்றியிருந்த சரக்கின் வீரியம் சட்டென வடிந்தது. இருந்தாலும் வலுக்கட்டாயமாக தைரியத்தை வரவழைத்துக்கொண்டு,

    “ ஏ....சூ....போ....என குனிந்து கல்லை எடுப்பதைப்போல நடித்து விரட்டினான்.

    ஒரு அங்குலம் கூட நகராமல் இவனையே முறைத்துப்பார்த்துக்கொண்டிருந்த அந்த முகத்தையும், அதன் விகார வாய் திறப்பில் தெரிந்த கோரைப்பற்களையும், சவ்வு போல வாயிலிருந்த வழிந்த திரவத்தில் தெரிந்த கோரத்தையும் பார்த்ததும் மிகப் பயந்து பின் வாங்கி திரும்பி ஓட எத்தனித்ததும், கல் தடுக்கி மல்லாந்து விழுந்தான்.

    ஒற்றை ஜோடிக் கண்கள் இப்போது எட்டு ஜோடிக்கண்களாகியிருந்தது. பின்னாலிருந்து வந்து சேர்ந்து கொண்ட பாக்கி நாய்களும் சேர்ந்து ஒரே சமயத்தில்...

    “லொள்” என்ற வயிற்றைப் பிராண்டும் சத்தத்துடன் அவன் மீது பாய்ந்தன. அதில் ஒரு நாய் சரியாக அவனதுக் குரல்வளையைக் குறி வைத்து தன் கோரைப்பற்களை பதித்ததில் சத்தம் போடாமல் செத்துப்போனான்.


    விடியற்காலையில் ஒரு சொம்பைத்தூக்கிக்கொண்டு, ஏரிக்கரைக்கு ஒதுங்க வந்த முனுசாமி, பிய்த்துப்போட்ட மாமிச துண்டங்களாகக்கிடந்த, ஃபோர்மேனைப் பார்த்ததும், அடிவயிறு மேலும் கலங்கி, அய்யோ என அலறிக்கொண்டு ஓடினான்.


    தொடரும்
    Last edited by சிவா.ஜி; 18-12-2008 at 06:40 AM.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  2. #2
    மன்றத்தின் சுடர் பண்பட்டவர் Narathar's Avatar
    Join Date
    01 Apr 2003
    Location
    London / Sri Lanka
    Posts
    5,891
    Post Thanks / Like
    iCash Credits
    7,287
    Downloads
    11
    Uploads
    0
    என்ன சிவா..........
    காமெடியா ஆரம்பிச்சு டெரரா முடிச்சிருக்கீங்க?

    தொடருங்கள் பார்க்கலாம்........
    தமிழை வளர்க்க,
    தமிழரோடு தமிழில் பேசுங்கள்

  3. #3
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    உடனடிப் பின்னூட்ட ஊக்கத்துக்கு நன்றி நாரதரே. தொடர்ந்து வாருங்கள். எல்லாம் கலந்திருக்கும்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  4. #4
    மன்றத்தின் தூண் பண்பட்டவர் ரங்கராஜன்'s Avatar
    Join Date
    22 Oct 2008
    Location
    சென்னை
    Posts
    2,064
    Post Thanks / Like
    iCash Credits
    18,225
    Downloads
    34
    Uploads
    6
    அந்த ஃபோர்மேன் தான் கதையின் நாயகன் என்று நினைத்தேன், அவனையே தொடர் கதையின் ஆரம்பத்திலே சாவடிச்சீட்டீங்களே, இனிமே எப்படி இந்த கதையை நகர்த்த போறீங்கனு ஆவலா காத்து இருக்கேன்.
    மிருகம் கொன்று மிருகம் கொன்று கடவுள் வளர்க்கப் பார்க்கின்றேன்........ ஆனால் கடவுள் கொன்று உணவாய் தின்று மிருகம் மட்டும் வளர்கிறதே.......

  5. #5
    மன்றத்தின் மகுடம் பண்பட்டவர்
    Join Date
    16 Feb 2007
    Location
    சுவாசம்
    Age
    38
    Posts
    21,007
    Post Thanks / Like
    iCash Credits
    250,531
    Downloads
    151
    Uploads
    9
    நவரசம் ததும்பும் முதற்பாகம். நகைச்சுவை முலாம் பூசிய இலவசங்களில் இளக்காரத்தில் உழைப்பின் முக்கியத்துவம் நிழலாக தெரிகிறது. எலுத்துப் பிலைகள் பாத்திரத்தை ஏந்துகின்றன. கட்டாக்காலி வெறிநாய்கள் எந்தவகைக் கதை என்று ஊகிக்க தடை விதிக்கின்றன .

    தொடருங்கள் சிவா.

  6. #6
    மன்றத்தின் தூண் பண்பட்டவர் மதுரை மைந்தன்'s Avatar
    Join Date
    17 Jun 2008
    Location
    Melbourne, Australia
    Posts
    2,291
    Post Thanks / Like
    iCash Credits
    22,229
    Downloads
    1
    Uploads
    0
    கதயை பிராமதமாக துவக்கி இருக்கிறீர்கள். மேற்கொண்டு எப்படி கதை போகப் போகிறது என்று ஆவலாய் காத்திருக்கிறேன்.

    ( டாஸ்மாரக் கடையில் குடிகாரரகளின் பேச்சைப் படித்ததும் கடந்த அசத்தப் போவது யாரு நிகழ்ச்சியில் வெங்கடேஷ் மற்றும் அவரது நண்பர்கள் நிகழ்த்திய அருமையான காமெடி நினைவுக்கு வருகிறது.)

    போர் செய்ய புது ஆயுதமும்
    ஆள் கொல்ல தினமோர் சதியும்
    நின்றே கொல்லும் தெய்வங்களும்
    நின்றே கொல்லும் மத பூசல்களும்
    நன்றே மாறிடும் நிலை வருமா?



    விஞ்ஞானி-தொடர்கதை (பாகம் 3) (இணைப்பு)
    http://www.tamilmantram.com/vb/showthread.php?t=16872

  7. #7
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    முதல் போனியே அந்த ஃபோர்மென்தான் மூர்த்தி. இனி வரும் அத்தியாயங்களில் லொள்ளர்கள் செய்யப்போவது என்ன என்பதை சொல்ல இருக்கிறேன். நன்றி மூர்த்தி.

    ‘கட்டாக்காலி வெறிநாய்கள்' புதிய பதம் இது எனக்கு. அப்படியென்றால் என்ன அமரன்?(தெரிந்துகொள்ளும் ஆர்வத்தில்...) உடன் வருவதற்கு மிக நன்றிகள் அமரன்.

    தங்களின் பின்னூட்ட ஊக்கத்துக்கு மிக்க நன்றி மதுரை மைந்தன்(இனி இப்படித்தானே மன்றில் உலா வருவீர்கள்?)

    வீட்டில் தொலைக்காட்சியில்லை. அந்த நிகழ்ச்சியைப் பார்க்க முடியவில்லை. இணையத்திலிருந்து இறக்குமதி செய்துதான் பார்க்க வேண்டும்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  8. #8
    மன்றத்தின் சுடர் பண்பட்டவர் Narathar's Avatar
    Join Date
    01 Apr 2003
    Location
    London / Sri Lanka
    Posts
    5,891
    Post Thanks / Like
    iCash Credits
    7,287
    Downloads
    11
    Uploads
    0
    Quote Originally Posted by சிவா.ஜி View Post
    ‘கட்டாக்காலி வெறிநாய்கள்' புதிய பதம் இது எனக்கு. அப்படியென்றால் என்ன அமரன்?(தெரிந்துகொள்ளும் ஆர்வத்தில்...) .
    அப்படியென்றால் தெருவில் சுற்றித்திரியும்
    அநாதரவான நாய்கள் என்றுதானே அர்த்தம் அமரா???
    தமிழை வளர்க்க,
    தமிழரோடு தமிழில் பேசுங்கள்

  9. #9
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    Quote Originally Posted by Narathar View Post
    அப்படியென்றால் தெருவில் சுற்றித்திரியும்
    அநாதரவான நாய்கள் என்றுதானே அர்த்தம் அமரா???
    ஈழத்தமிழ் வழக்கா இது நாரதரே...? எப்படியோ புது தமிழ்ச் சொல்லைத் தெரிந்துகொண்டேன். நன்றி நாரதர்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  10. #10
    மன்றத்தின் மகுடம் பண்பட்டவர் தாமரை's Avatar
    Join Date
    28 Dec 2005
    Location
    Bangalore
    Posts
    11,827
    Post Thanks / Like
    iCash Credits
    21,951
    Downloads
    183
    Uploads
    12
    கால்கட்டுப் போடாத இளைஞர்களை (நம்ம மதி மாதிரி ...ஹி ஹி) கட்டாக்காலி என அழைக்கலாமா?
    தாமரை செல்வன்
    -------------------------------------------
    கூறும்முன் கூறும்சொல் கூறாக்கிக் கூறாய்ந்துக்
    கூறுடனேக் கூராக்கிக் கூறு.


    -------------------------------------------
    வானத்தை அளந்து பாக்கலாம் வாங்க
    தாமரை பதில்கள்
    தாமரை பதில்களுக்கு பின்னூட்டம் அளிக்க...

  11. #11
    மன்றத்தின் மகுடம் பண்பட்டவர்
    Join Date
    16 Feb 2007
    Location
    சுவாசம்
    Age
    38
    Posts
    21,007
    Post Thanks / Like
    iCash Credits
    250,531
    Downloads
    151
    Uploads
    9
    Quote Originally Posted by தாமரை View Post
    கால்கட்டுப் போடாத இளைஞர்களை (நம்ம மதி மாதிரி ...ஹி ஹி) கட்டாக்காலி என அழைக்கலாமா?
    ஹி...ஹி...
    அடிக்"கடி" நான் திட்டு வாங்குவது இப்"பிடி"த்தாங்கோவ்..

  12. #12
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    137,355
    Downloads
    39
    Uploads
    0
    அத்தியாயம்-2
    மோடி மஸ்தான் வித்தையிலிருந்து மூலிகை மருந்து விற்பவர்கள் வரை கூட்டம் கூடி பார்க்க இன்னும் நிறையபேர் இருக்கின்றனர் என்பதற்கு ஆதாரமாக ஃபோர்மெனின் சிதைக்கப்பட்ட உடலையும் காண ஒரு கூட்டம் கூடியிருந்தது. ”அய்யோ பாக்கவே கோரமா இருக்கே” என்று சொல்லிக்கொண்டே மீண்டும் மீண்டும் அந்த உடலைப் பார்த்துக்கொண்டுதானிருந்தனர்.

    பேருந்துப் பயணத்தின் இடையில் போக்குவரத்து நெரிசல் ஏற்பட்டால், சற்று தூரத்தில் ஏதேனும் விபத்து நிகழ்ந்திருக்குமென யூகித்து, சிதறிக்கிடக்கும் உடலை அல்லது உடல்களைக் காண ஆவலுடன் ஜன்னல் வழி வெளிநீளும் மனித வக்கிரம், இங்கே கூடியிருந்தவர்கள் முகத்திலும் தெரிந்தது.

    விஷயம் சொல்லப்பட்டு காவல்துறை அதிகாரிகள் வந்து சேர்ந்துவிட்டனர். உடலைப் பார்த்ததும், முதல் செய்தியாக அவர்கள் மனதில் பட்டது, ஒரு அதிகாரியின் வார்த்தைகளில் வெளிவந்தது.

    “சிறுத்தை அடிச்சிருக்கும்”

    தளி, அனேக்கல் பக்கமிருந்த காடுகளிலிருந்து இப்படி அடிக்கடி சிறுத்தைகள் வந்து யாரையாவது அடித்துவிட்டுப் போவது சகஜமாய் நிகழும் ஒன்று என்பதால், அவர்களின் வழக்கமான வழிமுறைகளைப் பின் பற்றினார்கள்.

    அலறிக்கொண்டு வந்த ஃபோர்மெனின் மனைவியும், உடன் வேலை செய்பவர்களும் வந்து சேர்வதற்குள் பிணத்தை ஆம்புலன்ஸில் ஏற்றிக் கொண்டுபோய் விட்டார்கள்.

    கோரைப் பற்களால் கடிக்கப்பட்டு, மிகுதியான ரத்தப்போக்கால் மரணம் என்ற, ஸ்மால் அடித்துவிட்டு பிணப்பரிசோதனை செய்த அரசாங்க மருத்துவரின் சான்றிதழைப் பெற்றுக்கொண்டு, ஃபோர்மெனின் மனைவியிடமிருந்து வாங்கிகொண்ட 1500 ரூபாய்க்கு அந்த சான்றிதழைக் கொடுத்துவிட்டு தன் கடமை முடிந்ததென போலீஸும் போய்விட்டது.



    விகாஸ் நகர் என்பது, நகரத்தைவிட்டு சற்றே....அல்ல சற்று அதிக தூரம் தள்ளி புதிதாய் வளர்ந்துவரும் குடியிருப்பு பகுதி. 90 களில் ஒரு மனையை சல்லிசாக இருபதாயிரத்துக்கு வாங்கி, இரண்டு லட்சத்தில் வீடு கட்டியிருந்தார்கள். தற்போது 20 லட்சம் பெறும்.

    வீடுகட்ட வசதியில்லாதவர்கள், அப்போதைக்கு ஒரு முதலீடாக வாங்கிப்போட்டவர்கள் தங்கள் மனைகளை காலியாக வைத்திருந்தனர். மற்ற வீடுகளில் வசிக்கும் சிறுவர்களுக்கு விளையாட்டு மைதானமாக அந்த காலி மனைகள் உதவிவந்தன.

    அன்று முன் மாலையில் தொடங்கிய கிரிக்கெட் ஆட்டம் அக்டோபர் மாத 6 மணி முன்னிருட்டில் பந்து தொலைந்ததில் முடிந்தது. பந்துக்கு சொந்தக்காரன் எட்டாவது படிக்கும் சதீஷ். இரண்டு பேரை துணைக்கு வைத்துக்கொண்டு, புதராக வளர்ந்திருந்த முட் செடிகளுக்குள் சென்று தேடினான். அரை மணிநேர தேடலில் அந்த பந்து கிடைத்தது.

    பந்துடன் வீட்டுக்குப்போனவனை அம்மாவும் அப்பாவும் ஒரு சேர வரவேற்றார்கள். முதலில் அம்மா....

    “வாங்க சார்....வெளையாட்டெல்லாம் முடிஞ்சுதுங்களா...ஸ்கூல்ல இந்த ஹோம்வொர்க்குன்னு என்னவோ சொல்றாங்களே அதெல்லாம் செய்யனுன்னு ஏதாவது நெனப்பிருக்குங்களா...?”

    அம்மாவின் கிண்டலை உணர்ந்துகொண்டு எதுவும் பேசாமல் சும்மா இருந்தவனைப் பார்த்து, அவனுடைய அப்பா...

    “சரி போடா. போய் கைக்காலைக் கழுவிட்டு ஹோம்வொர்க் பண்ணு”

    அவனிடம் சொன்னதும் பாத்ரூமுக்கு ஓடினான்.
    ஓடினவனை நிறுத்தியது அம்மாவின் குரல்....

    “நில்லுடா...எங்க உன் வாட்ச்...?”

    அம்மா கேட்டதும்தான் அவன் கையைப் பார்த்தான். போன வாரம்தான் துபாயிலிருந்து வந்த மாமா கொடுத்த வாட்ச். அப்போதே அம்மா சொன்னார்... “ ஸ்ட்ராப் வெச்ச வாட்ச்தான் இவனுக்கு லாயக்கு. செயின் இருக்குற வாட்ச்சுன்னா எங்கயாவது தொலைச்சிடுவான்ன்னு”.....அய்யோ எங்க போச்சு....!!!

    “என்னடா முழிக்கிற...எங்க தொலைச்சே...?”

    “இல்லம்மா...வெளையாடும்போது எங்கியாவது......”

    “வுழுந்திருக்குமா...? தொரைக்கு அதுகூட தெரியல இல்ல...?”

    “ சரி விடும்மா...வேணுன்னா தொலைச்சான். வெளையாடும்போது எங்கயாவது விழுந்திருக்கும்...”

    அப்பாவின் பரிவான பேச்சைக் கேட்டதும், குற்ற உணர்ச்சி மேலோங்க உடனே அம்மாவிடம்,

    “ இரும்மா போய் பாத்துட்டு வரேன். அங்கதான் எங்கயாவது வுழுந்திருக்கும்..”

    “ இந்த இருட்டுல தேடப்போறியா...? ஒன்னும் வேணாம்...போ போய் முகம் கைகால் கழுவிட்டு ஹோம்வொர்க் பண்ணு. காலையில பாத்துக்கலாம்.”

    அம்மா சொன்னதைக் கேட்டாலும் அவனுக்குள் உறுத்தல் அதிகமாக இருந்தது. அந்த வாட்ச் அவனை அவனது வகுப்பில் ஒரு ஹீரோ ரேஞ்சுக்கு உயர்த்தியிருந்தது.

    “டே...இந்த வாட்சுல டெம்பரேச்சர் எல்லாம் தெரியுதுடா....”

    “ஆமாடா...அதோட...நார்த் சௌத் எல்லாம் காமிக்குதுடா...”

    “டிஜிடலும் இருக்குடா...”

    இப்படி வகுப்புத்தோழர்களின் வாயைப் பிளக்க வைத்த வாட்ச்சைக் காணாதது அவனுக்கு மிகுந்த வருத்தத்தைக் கொடுத்தது.

    பக்கத்து டெஸ்க் ஸ்டெல்லாக்கூட ஓரப்பார்வையால் அதைப் பார்த்ததைக் கவனித்து விட்டு கையை நன்றாகத் திருப்பிக் காட்டியதை நினைத்து நினைத்து.......ஒரு முடிவுக்கு வந்தான். யாரும் எடுத்துக் கொண்டு போவதற்குள் போய் அதை எடுத்து வந்துவிட வேண்டும்.

    ஒரே பிள்ளையாய் இருப்பதால், அவனுக்கென்று தனியறை. எல்லா வசதிகளுடனும். அம்மா அப்பாவின்மேல் கால் போட்டு தூங்கும் சுகம் தவிர்த்து. கைக்கடிகாரத்தின் நினைவில் தூங்காமல் விழித்திருந்தான். காலை எழுப்புவதற்காக வைக்கப்பட்டிருந்த அலாரத்தில் நேரம் நள்ளிரவு ஒருமணியைக் காட்டியது.

    எழுந்தான். சத்தமில்லாமல் நடந்து கூடத்தைக் கடந்து கதவைத் திறந்தான். வெளியேறினான். தனது கைக்கடிகாரத்தைத்தேடி புதர் இருந்த திசை நோக்கி நடந்தான்.

    கையோடு கொண்டு வந்த டார்ச் லைட்டின் ஒளி உமிழலில் தன் கைக்கடிகாரத்தைத் தேடிக்கொண்டிருக்கும்போது சலசலப்பை உணர்ந்தான்.அலட்சியம் செய்துவிட்டு மீண்டும் தேடினான். டார்ச் வெளிச்சத்தில் மினுக்கிய கைக்கடிகாரத்தைக் கண்டதும் குபீரென்று சந்தோஷம் மனதில் ஏற்பட்டது. எடுத்துக் கட்டிக்கொண்டான்.புதரை விலக்கிக் கொண்டு திரும்ப வரும்போது மீண்டும் சலசலப்பு. நின்று உற்று நோக்கினான். புதருக்கு அப்பாலிருந்து ஒளிர்ந்த அந்தக் கண்களைக்கண்டதும் விதிர்த்து நின்றான்.


    தொடரும்.
    Last edited by சிவா.ஜி; 06-11-2008 at 10:09 AM.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

Page 1 of 9 1 2 3 4 5 ... LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •