Page 1 of 2 1 2 LastLast
Results 1 to 12 of 18

Thread: இயக்குநர் ஸ்ரீதர் மரணம்!

                  
   
   
  1. #1
    மன்றத்தின் தூண் பண்பட்டவர்
    Join Date
    05 Aug 2006
    Location
    A, A
    Age
    65
    Posts
    4,559
    Post Thanks / Like
    iCash Credits
    8,654
    Downloads
    9
    Uploads
    0

    இயக்குநர் ஸ்ரீதர் மரணம்!


    இயக்குநர் ஸ்ரீதர் மரணம்!


    சென்னை: தமிழ் சினிமாவின் எல்லைகளை விரிவடையச் செய்த படைப்பாளிளுள் மிக முக்கியமானவராகக் கருதப்படும் இயக்குநர் ஸ்ரீதர் இன்று காலை மரணமடைந்தார். அவருக்கு வயது 80.

    சில வருடங்களுக்கு முன் பக்கவாத நோயால் பாதிக்கப்பட்ட ஸ்ரீதர், திரைப்படப் பணிகளிலிருந்து முழுவதுமாக ஒதுங்கியிருந்தார்.

    கடும் உடல்நலக் குறைவு காரணமாக சில தினங்களுக்கு முன் அவரை அடையாறு மலர் மருத்துவமனையில் சேர்த்திருந்தனர்.

    மிகச் சிறந்த படைப்பாளி:

    ரத்தப்பாசம் (சிவாஜி நடித்தது அல்ல... இது ஸ்ரீதர் எழுதிய நாடகம், பின்னாளில் திரைப்படமானது) என்ற படத்தின் மூலம் வசனகர்த்தாவாக தனது திரை வாழ்க்கையைத் தொடங்கிய ஸ்ரீதர், பழைய கலாச்சாரத்தில் ஊறிப்போயிருந்த தமிழ் சினிமாவுக்கு அறுபதுகளில் புது ரத்தம் பாய்ச்சியவர்.

    அவரது இயக்கத்தில் உருவான கல்யாணப் பரிசையும், நெஞ்சில் ஓர் ஆலயத்தையும் இன்றும் திரையுலகம் கொண்டாடுகிறது. 50 ஆண்டுகளுக்கு முந்தைய படங்கள்தான் என்றாலும் அவற்றின் திரைக்கதையில் தெரியும் புத்துணர்ச்சியை வேறு படங்களில் பார்ப்பது அரிது.

    ஸ்ரீதரின் படங்களில் கண்ணியமும் கதை நயமும் நிறைந்திருக்கும்.

    நெஞ்சில் ஓர் ஆலயம் திரைப்படம் தமிழில் விலை போகுமா என்ற சந்தேகத்தோடு சிலர் பார்த்தபோது, அதன் தமிழ் வடிவம் மட்டுமல்ல, தில் ஏக் மந்திர் என்ற பெயரில் அதன் இந்தி வடிவத்தையும் சூப்பர் ஹிட் ஆக்கி சாதனைப் படைத்தவர் ஸ்ரீதர்.

    1961ல் தனது சொந்தப் பட நிறுவனம் சித்ராலயாவைத் தொடங்கிய ஸ்ரீதர் 30 ஆண்டுகளுக்கும் மேல் தமிழ் சினிமாவில் ஆதிக்கம் செலுதினார். அவரால் சூப்பர் ஸ்டார்களையும் இயக்க முடிந்தது, புதுமுகங்களையும் எளிதாக நடிக்க வைக்க முடிந்தது.

    இன்று முன்னணி நடிகராகத் திகழும் விக்ரம் தனது வாழ்க்கையைத் துவங்கியது ஸ்ரீதரின் தந்துவிட்டேன் என்னை படம் மூலம்தான்.

    தமிழ் சினிமாவின் சூப்பர் ஸ்டார்களாக ரஜினியும் கமலும் உருவெடுத்துக் கொண்டிருந்த நேரத்தில், அவ்விருவரையும் வைத்து ஸ்ரீதர் உருவாக்கிய இளமை ஊஞ்சலாடுகிறது திரைப்படம் தமிழ் சினிமாவின் மைல்கல்லாக அமைந்தது.

    கமர்ஷியல், கிளாஸிக் என தொட்டது அனைத்திலும் வெற்றி பெற்ற உன்னதக் கலைஞர் ஸ்ரீதர்.

    மக்கள் திலகம் எம்ஜிஆரை வைத்து அவர் இயக்கிய உரிமைக்குரல், மீனவ நண்பன் இரண்டுமே வசூலில் சிகரம் தொட்டவை.

    அதே போல நடிகர் திலகம் சிவாஜி கணேசன், ஜெமினி கணேசன் ஆகியோரின் திரைப் பயணத்தில் மறக்க முடியாத பல மைல் கற்களைப் படமாகத் தந்தவர் ஸ்ரீதர்.

    சிவாஜி கணேசனின் சிவந்த மண் திரைப்படத்தை தமிழ் திரையுலகம் மறக்க முடியுமா?

    திரையுலகிலிருந்து அவர் முழுமையாக விலகினாலும் அவர் மனம் கடைசி மூச்சு நிற்கும்வரை சினிமாவையே சுவாசித்துக் கொண்டிருந்தது. தனது 78வது வயதிலும் கூட சினிமாவுக்காக திரைக்கதையை உருவாக்கிக் கொண்டிருந்தவர் ஸ்ரீதர். இன்றைய முன்னணி இயக்குநர்கள் பி.வாசு, இயக்குநராக இருந்து நடிகராகிவிட்ட சந்தானபாரதி, சிவி ராஜேந்திரன் என பல இயக்குநர்களை உருவாக்கியவர்.

    தமிழ்ல் மட்டுமல்லாது, தெலுங்கு, கன்னடம் போன்ற மொழிகளிலும் வெற்றிக் கொடி கட்டியவர் ஸ்ரீதர்.

    கலையுலகம் கண்ணீர்:!

    இயக்குநர்களின் இயக்குநரான ஸ்ரீதரின் மறைவுக்கு தமிழ் திரையுலகமே கண்ணீர் அஞ்சலி செலுத்துவதாக இயக்குநரும் தமிழ் திரைப்பட தயாரிப்பாளர் சங்கத் தலைவருமான ராம நாராயணன் இரங்கல் தெரிவித்துள்ளார்.

    தமிழ் தட்ஸ்
    R.மோகன் காந்தி.

    வளமான தமிழகம்! வலிமையான பாரதம்!

  2. #2
    நட்சத்திரப் பதிவாளர் பண்பட்டவர் சிவா.ஜி's Avatar
    Join Date
    23 May 2007
    Location
    வளைகுடா நாடுகள்
    Posts
    15,360
    Post Thanks / Like
    iCash Credits
    164,055
    Downloads
    39
    Uploads
    0
    சந்தேகமேயில்லாமல்....சொல்லலாம் இவர் சாதனையாளரென்று....ட்ரெண்ட் செட்டர் என்று சொல்லுமளவுக்கு தமிழ்த் திரையுலகத்தில் முத்திரை பதித்த மகா இயக்குநர். அவரது மறைவுக்கு என் ஆழ்ந்த இரங்கல்கள். தமிழ் திரையுலகம் இருக்கும்வரை ஸ்ரீதர் அவர்களின் புகழ் இருக்கும்.
    அன்புடன் சிவா
    என்றென்றும் மன்றத்துடன்
    கவலை என்பது கைக்குழந்தையல்ல
    எல்லா நேரமும் தோளில் சுமக்க
    கவலை ஒரு கட்டுச் சோறு
    தின்று தீர்க்க வேண்டும் அல்லது
    பகிர்ந்து தீர்க்க வேண்டும்...!!!

  3. #3
    மட்டுறுத்தினர் பண்பட்டவர் மதி's Avatar
    Join Date
    10 Aug 2005
    Location
    சென்னை
    Posts
    8,263
    Post Thanks / Like
    iCash Credits
    45,159
    Downloads
    78
    Uploads
    2
    தமிழ் சினிமாவிற்கு பல நல்ல படங்களைத் தந்தவர். அன்னாரது ஆன்மா சாந்தியடைய பிரார்த்திக்கிறேன்.

  4. #4
    இனியவர் பண்பட்டவர் poornima's Avatar
    Join Date
    13 Mar 2008
    Posts
    808
    Post Thanks / Like
    iCash Credits
    3,790
    Downloads
    3
    Uploads
    0
    திரையுலகில் வியத்தகு மாற்றங்கள் தந்த வித்தக நெறியாளர்..
    வெறுக்கடிக்க கூடிய அளவில் படமாக்கப்பட்ட காதல் காட்சிகளை
    கூட விரும்பத்தக்க முறையில் மாற்றியமைத்த இரசவாதகாரர்..
    உடல் நலம் சரியில்லாது இருந்த போதும் கூட இன்னொரு படம் எடுக்க
    விருப்பமுள்ளதாய் தன்னைப் பார்க்க வருபவர்களிடம் தெரிவித்த
    தன்னம்பிக்கையாளன்..

    யாவற்றையும் விட மரணம் மட்டுமே நிரந்தரமானதும் - உண்மையானதுமாய்
    இருக்கிறது..

    கடைசி காலம் வரை தம் கண்ணுக்குள் பொத்தி வைத்துக் காத்த
    அவர் துணைவியார் அந்த அம்மையாருக்கு இதைத் தாங்கிக் கொள்ளும்
    வலிமையை இரைவன் தரட்டும்.

    அன்னாரின் ஆன்மா சாந்தியடையவும் - அவரை இழந்து வாடும் அக்குடும்பத்தினர்
    ஆறுதல் பெறவும் பிரார்த்திப்போம்





    பூர்ணிமா
    ==================
    தேமதுரத் தமிழோசை உலகெல்லாம்
    ஒலிக்கச் செய்வோம்....

  5. #5
    மன்றத்தின் சுடர் பண்பட்டவர் ஆதி's Avatar
    Join Date
    31 Oct 2007
    Posts
    6,803
    Post Thanks / Like
    iCash Credits
    59,050
    Downloads
    57
    Uploads
    0
    முதல் முதலில் தமிழ் திரையுலகில் இயக்குனருக்கு முக்கியத்துவம் கொடுக்கப்பட்டது ஸ்ரீதரின் வருகைக்கு பிறகுதான்..

    எம்.ஜி.யார் சிவா.ஜி ஸ்ரீதர் என்று சொன்னால் மிகையாகாது..

    எம்.ஜி.யாரே அழைத்து எனக்கு ஒரு படம் பண்ணிதரனும் என்று கேட்டுக்கொண்ட இயக்குனர் ஸ்ரீதர்.. அந்த அளவுக்கு திறமை வாய்ந்தவர்..


    நெஞ்சில் ஓர் ஆலயம் பாடல்கள் இன்றும் இளமை மாறாதவை.. இன்னும் எட்டுத்தலைமுறை கடந்தாலும் ரசிக்க கூடியவை..

    முத்தான முதல்லவோ..

    நினைத்ததெல்லாம் நடந்துவிட்டால்

    சொன்னது நீதானா

    எங்கிருந்தாலும் வாழ்க..

    எல்லாம் பாடல்களும் கண்ணதாசன் மேலான என் காதலை இன்னும் அதிகமாக்கியவை..

    ரசிகர்களின் இதயத்தில் மிக மென்மையாக நுழைந்து அதிகனமான தாக்கத்தை ஏற்படுத்தும் வல்லமை வாய்ந்தவை ஸ்ரீதரின் திரை சித்திரங்கள்..

    இயக்குனர்களின் இயக்குனர் ஸ்ரீதர் என்று சொல்வது அவருக்கு சாலப்பொருந்தும்..
    அவர் மறைந்தாலும் திரையுலக நெஞ்சம் மறப்பதில்லை என்றும்.. கற்றானவருக்கு என் கண்ணீர் அஞ்சலிகள்..
    அன்புடன் ஆதி



  6. #6
    மன்றத்தின் சுடர் பண்பட்டவர் ராஜா's Avatar
    Join Date
    04 Nov 2006
    Location
    மனசுக்கு பிடித்த மன்னார்குடி.
    Posts
    8,573
    Post Thanks / Like
    iCash Credits
    40,813
    Downloads
    0
    Uploads
    0
    காதல் காட்சிகள் என்றாலே கதா காலட்சேபம் போலவோ, வினாடி வினா போலவோ அல்லது தந்தி மொழி போலவோ இருந்த வழிமுறைகளை மாற்றி, இயல்பாக... இரசிக்கத்தக்கதாக மாற்றிய பெருமை ஸ்ரீதரையே சாரும்.

    ஸ்ரீதர் நகைச்சுவைக்கும், பாடல்களுக்கும் மிகுந்த முக்கியத்துவம் கொடுப்பவர்.

    திரையுலகின் தூண்களில் ஒருவர் ஸ்ரீதர் என்று சொன்னால் அது மிகையாகாது.


  7. #7
    அனைவரின் நண்பர் பண்பட்டவர் shibly591's Avatar
    Join Date
    18 Aug 2006
    Location
    srilanka
    Posts
    1,432
    Post Thanks / Like
    iCash Credits
    14,553
    Downloads
    55
    Uploads
    0
    ஆழ்ந்த அனுதாபங்கள்..

    அவரது ஆத்மசாந்திக்காய் பிரார்த்திப்போம்...
    வாழ்க்கை என்பதும்
    ஒரு புதுக்கவிதைதான்..
    என்ன ஒரு புதுமை..
    நம்மால் விளங்கவே முடியாத
    புதிர்க்கவிதை


    www.shiblypoems.blogspot.com

    இங்கே சொடுக்கவும்..
    http://www.tamilmantram.com/vb/showt...172#post373172

  8. #8
    மன்றத்தின் சுடர் பண்பட்டவர்
    Join Date
    17 Apr 2003
    Posts
    7,901
    Post Thanks / Like
    iCash Credits
    15,770
    Downloads
    62
    Uploads
    3
    ஆழ்ந்த அனுதாபங்கள். காலத்தால் அழியாத திரைப்படங்கள் அவர் பெருமையை என்றென்றைக்கும் பேசிக்கொண்டிருக்கும்.

  9. #9
    மன்றத்தின் சுடர் பண்பட்டவர் ஓவியா's Avatar
    Join Date
    27 Apr 2006
    Location
    LONDON
    Posts
    8,998
    Post Thanks / Like
    iCash Credits
    36,060
    Downloads
    5
    Uploads
    0
    என் வருத்தங்களும் கண்ணீர் அஞ்சலியும் சமர்ப்பணம். அன்னாரது ஆன்மா சாந்தியடைய வேண்டிக்கொள்கிறேன்.

    திரையுலகம் என்றும் இவர் புகழ்ப்பாடும் என்பது அழிக்க முடியாத ஒன்று.

    நெஞ்சில் ஒர் ஆலயம் படத்தை நான் முதல்முறை கண்டதுமே அழுது விட்டேன். அழகான டாக்டர் (கல்யாண் குமார் அங்கிளை) முடிவில் கொன்றுவிட்டாறே என்று, ஆனால் தேவிகாவின் மஞ்சள-குங்குமமுகம் துக்கத்தை மறைத்தது, ஒரு தமிழ் பெண்ணுக்கு தகுந்தாற்ப்போல் அன்று அது ஒரு அருமையான முடிவு.

    இளமை ஊஞ்சலாடுகிறது படத்தையும் யாரும் மறக்க முடியாது, ரஜினி ஜெயசித்திரா தோண்றும் சில காட்சிகள் அருமையானவை. அதைப்போல் சிவந்தமண் பட முடிவு காட்சியையும் என்னால் மறக்கவே முடியாது..
    தெளி.. தலை நிமிர்.. உன் பயணத்தைத் தொடர்...
    வாழ்வதுதான் வலியில்லாமல் சாவதற்கு ஒரே வழி. - தாமரை செல்வன்

  10. #10
    இனியவர் பண்பட்டவர் பிச்சி's Avatar
    Join Date
    14 Dec 2006
    Posts
    891
    Post Thanks / Like
    iCash Credits
    3,816
    Downloads
    0
    Uploads
    0
    இவர் படங்கள் நிறைய பார்த்திருக்கிறேன். இவர்தான் ஸ்டுடியோவிலிருந்து வெளிப்புறத்திற்கு காமிராவை எடுத்து வந்தாராம்.
    ஈடு செய்யமுடியாத இழப்பு,
    பூக்கள் பூக்கும் தருணம் ஆருயிரே

  11. #11
    இனியவர் பண்பட்டவர் உதயசூரியன்'s Avatar
    Join Date
    20 Feb 2007
    Posts
    786
    Post Thanks / Like
    iCash Credits
    8,388
    Downloads
    1
    Uploads
    0
    எந்த ஒரு கதையையும் ஆழமாக அனுபவித்து படம் எடுத்தவர்..
    அருமையான இயக்குனர்..
    திரைக்கதைகளை கையாண்ட விதம்..அருமை..
    அவரின் படங்கள் அனைத்துமே அவருக்கு மகுடம் தான்..
    என்னுடைய இரங்கலை தெரிவித்து கொள்கிறேன்..
    வாழ்க தமிழ்
    சொன்னதை செய்வோம்! செய்வதை சொல்வோம்!!
    மனிதனாக இருப்போம்...!! மதத்தை புறந்தள்ளுவோம்
    !!!


    நல்ல சினிமாவை பார்க்கணுமா...???

  12. #12
    மன்றத்தின் மகுடம் பண்பட்டவர் aren's Avatar
    Join Date
    01 Apr 2003
    Location
    Singapore
    Posts
    12,060
    Post Thanks / Like
    iCash Credits
    61,545
    Downloads
    18
    Uploads
    2
    அருமையான இயக்குனர். பல மேதைகளை உருவாக்கியவர்.

    ஜெயலலிதா அவர்களையும், ரவிச்சந்திரன், காஞ்சனா, முத்துராமன், ஸ்ரீகாந்த், வென்னிறாடை நிர்மலா போன்ற பெரிய நடிகர்களை திரையுலகிற்கு அறிமுகம் செய்தவர் இவர்.

    கல்யாணப்பரிசு, நெஞ்சம் மறப்பதில்லை, நெஞ்சில் ஓர் ஆலயம், சிவந்தமண், காதலிக்க நேரமில்லை, உத்தரவின்றி உள்ளேவா, இளமை ஊஞ்ஜலாடுகிறது, மீனவ நண்பன், உரிமைக்குரல், அழகே உன்னை ஆராதிக்கிறேன், நினைவெல்லாம் நித்யா இப்படி பல படங்களை இயக்கியவர் ஸ்ரீதர் அவர்கள்.

    இயக்குனர் பி. மாதவன் அவர்கள் இவருடைய கண்டுபிடிப்பு.

    அவருடைய ஆத்மா சாந்தியடைய பிரார்த்திக்கிறேன்.

    அவர் இப்பொழுது நம்மிடையே இல்லாவிட்டாலும் அவருடைய படைப்புகள் என்று நம் மனதில் இருக்கும் என்பது நிச்சயம்.

Page 1 of 2 1 2 LastLast

Thread Information

Users Browsing this Thread

There are currently 1 users browsing this thread. (0 members and 1 guests)

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •