தமிழ் சினிமாவில் எனது பாடல்

[shibly591]

ஒரு பெண் முதன்முறை காதல் வயப்படும் சூழலை அடிப்படையாகக்கொண்டு புதியதொரு தமிழ் படத்தில் பாடல் எழுத வாய்ப்புக்கிடைத்தது..

இது பாடலாகி படம் திரைக்கு வருமா..என்பது நிச்சயமற்றது..ஆயினும் எனது முயற்சி வெற்றிபெற ஆண்டவனை பிரார்த்திக்கிறேன்..

வரிகள் பற்றி என்ன நினைக்கிறீர்கள்..???

பல்லவி

இதயமோ முதன்முறை விழுகிறதே...
என் உயிரிலே உன் திருமுகம் வழிகிறதே..
இரவுகள் தனிமையில் தவிக்கிறதே
பெண் ரகசியம் என்னவென்று புரிகிறதே..

கண்மூடிக்கிடந்தாலும உன் விம்பம் மறைவதில்லை
போ என்று சொல்லி வா என்று அழைத்தேனே

சிரிக்கிறேன் சிரிக்கிறேன்
உன்னை எண்ணி சிலிர்க்கிறேன்
தனிக்கிறேன் தவிக்கிறேன்
வெட்கப்பட்டு சிவக்கிறேன்

சரணம்-01

இரவின் நிழலில்
உன் விரலைப்பற்றிக்கொண்டு
உனக்குள் வாழ்ந்திட ஆசை
விடியும் வரையில்
உன் வதனம் பார்த்துக்கொண்டு
உலகம் மறந்திட ஆசை
இன்னும் என்ன எந்தன் ஆடவா...
என் பெண்மையை நீ ஆளவா..
காதல் கனவுகள் செய்யும் லீலைகள்
பிடிக்குதே ரொம்ப பிடிக்குதே
நெஞ்சுக்குள்ளே காதல் வந்து கத்திச்சண்டை போடுதே.....


சரணம்-02

இடைவிடாமல்
கொட்டும் மழைபோல அன்பை
எனக்குள் பொழிந்திட வாடா...
அருகில் வந்து
நூறு நூறு கவிதைகள்
இதழில் எழுதிட வாடா...
என்னைக்கண்டேன் உந்தன் பார்வையில்
தத்தளித்தேன் நான் போர்வையில்
கூவும் குயிலென காதல் உரைத்திட
துடிக்குதே உள்ளம் துடிக்குதே
கண்களுக்குள் உன்னை வைத்து காதல் பூட்டு பூட்டினேன்....

சரணம்-03

கனவில் உளற
எனக்கிங்கு கற்றுத்தந்து
உறக்கம் பறித்தவன் நீதான்..
மனதில் விரியும்
விண்ணை முட்டும் சிறகுகள்
முளைக்க வைத்தவனும் நீதான்..
திசையெல்லாம் உன்னைத்தேடினேன்
காணவில்லை நான் வாடினேன்.
பூக்கும் பூவிடம் ஜன்னல் நிலவிடம்
புலம்பினேன் சொல்லிப்புலம்பினேன்
உன்னுயிரில் என்று எந்தன் உயிர் வந்து சேருமோ...?

[எஸ்.எம். சுனைத் ஹஸனீ]

வெற்றி நடை போட வாழ்த்துகிறேன். வரிகள் மிகவும் அழகு. ரம்மியமாக அழகாய் சொல்லியிருக்கிரீர்கள் அத்தோடு மெட்டும் நன்றாய் அமைந்து விட்டால் கண்டிப்பாய் பரவும் இந்த வரிகள்.

[shibly591]

வெற்றி நடை போட வாழ்த்துகிறேன். வரிகள் மிகவும் அழகு. ரம்மியமாக அழகாய் சொல்லியிருக்கிரீர்கள் அத்தோடு மெட்டும் நன்றாய் அமைந்து விட்டால் கண்டிப்பாய் பரவும் இந்த வரிகள்.

நன்றி சுனைத்..

எழுதுவது வரைதானே நம் கடமை....??

படம் வெளியவாவது பற்றியோ...பாடல்கள் பதிவாவது பற்றியோ நிச்சயப்படுத்த முடியாது..கடைசி நேரத்திலும் பாடல் படத்தை விட்டு தூக்கப்படலாம்..இருந்தும் ஒரு நப்பாசை..

நன்றிகள்

[பாரதி]

சிறப்பான முயற்சி ஷிப்லி. உங்கள் முயற்சி கனிந்து, இப்பாடலும் படமாக்கப்பட்டு, திரைப்படம் சிறப்புடன் வெளிவந்து வெற்றியடைய வாழ்த்து.

[gans5001]

அனைத்தும் பெற வாழ்த்துக்கள்.

[தீபா]

வாழ்த்துக்கள் சார். நீங்க பெரிய பாடலாசிரியரா வரணும்.. நம் மன்றத்தை பிரபலப்படுத்தணும்.. வாழ்த்துக்கள்...

[மதி]

வாழ்த்துகள் ஷிப்லி.
பாடல் படமாக்கப்பட்டு மிகப் பெரிய ஹிட்டாக வாழ்த்துகள்.

[அமரன்]

திரைத்துறையிலும் உங்கள் காலடி அழுத்தமாகப் பதிய வாழ்த்துக்கள். பாடலைக் கேட்டபிறகு மிச்சம்.

[மன்மதன்]

வாழ்த்துகள் ஷிப்லி.. திரையுலகில் வெற்றி பெற்று சிறப்பாக வர வாழ்த்துகிறேன்..

[Narathar]

வாழ்த்துக்கள் ஷிப்லி.....
அது தென்னிந்திய திரைப்படமா?
இல்லைன்னா நம்மூர்திரைப்படமா?

[ஐரேனிபுரம் பால்ராசய்யா]

அன்புள்ள ஷிப்லி அவர்களுக்கு
இசையின் தவத்திற்க்கு வார்த்தை வரம் தந்துவிட்டீர்கள்
இனி உங்கள் பாட்டுவரிகள் பாடலாகும், அதை கேட்க நாங்கள் ஆவலுடன் காத்திருக்கிறோம்.

உனக்குள் வாழ்ந்திட ஆசை
உலகம் மறந்திட ஆசை
போன்ற வரிகள் நல்ல நயம் சேர்க்கிறது

முயற்சிதிருவினையாக்கும்

பாராட்டுக்கள்

[செல்வா]

மென்மேலும் வளர வாழ்த்துக்கள்... ஆம் நாரதரின் கேள்வி என்னிடமிருந்தும் ...