கவிச்சமர் - களம்

[அனுராகவன்]

வரை ஒரு
படத்தை அதில்
எனக்கு தந்த
இனிய
வாழ்க்கையே
என் அன்னையின்
அழகிய முகத்தை...

[சுட்டிபையன்]

அழகிய முகத்தை
ஒரு தடவை பார்க்க
வரம் கொடுப்பாயா
என் அன்னையே,
மீண்டும் ஓர்
பிறவியிலாவது....

[அக்னி]

மீண்டும் ஓர்
பிறவியிலாவது,
தமிழனாய்ப் பிறக்க ஆசை..,
தமிழருக்குரித்தான
தனித் தேசத்தில்...

[சிவா.ஜி]

தேசத்தின் தேகத்தில் ஆங்காங்கே சேதம்
இயற்கைக் கிள்ளியெடுக்கும் பள்ளங்களும்
இங்கிருப்போர் அள்ளியெடுக்கும் பள்ளங்களுமாய்,
இனி இந்நிலம் நிலையாகுமா...
இல்லை இதுவேதான் இதன் நிலையாகுமா?

[அனுராகவன்]

நிலையாகுமா
என்ன அது
பைசா கோபுரமா
நாம் நாட்டின் உள்ள
முக்கிய நகரத்தின்
உயிர் நாடி
கிராமமே!!
அதற்கு உழவு த்தொழில்
அதுவே என் உணவு பெற
வழி..

[நதி]

வழிகளில் வழியுது
வலியது
களியொடு களியும்
வழியுது
கழிந்திடினும்
அழித்திடும் பசிதனை
மாத்திரை..

[அனுராகவன்]

மாத்திரை முக்கியம்
நாழிதனை போற்றும்
பயன்கோல் யாதலின்
இங்கு நாம்
வாழும் வாழ்வே
ஜீவன்முக்தி..

[அமரன்]

முக்தி மூட்டிய தீயில்
வெந்து கருகின
பச்சைக் குழந்தைகளின் ஆசைகளும்
பாவையர் பலரின் பருவங்களும்..

[சரண்யா]

பருவங்களும் அதன்
பலவீனங்களும் அறிந்து
நடந்தால் துன்பமில்லை
பலரின் பார்வையில்..

[பூமகள்]

பார்வையில் தோற்றதொரு
தோற்றப் பிழை..

கானலெனத் தெரிந்த அதுவோ
நெருக்கம் கூட
நெஞ்சம் நனைத்து
உள்ளம் குளிர்த்தது..

வாழ்க
தோற்றப் பிழைகள்..!

[யவனிகா]

பிழைகள் இறைந்ததுமாய்
உதிர்ந்து உயிர்விடத் தயாராய்
அழிந்து போன பென்சில் தடங்களுடன்
மக்கத்துவங்கிய மரவாசனையுடன்
பாதுகாக்கப்படுகின்றன
அனேகமாய் அனைவரின் வீடுகளிலும்
கடிதங்களோ...கவிதைகளோ
கிறுக்கல்களோ...
புத்தகங்களோ...புகைப்படங்களோ...

பக்கங்களில் உறைந்து
பதமான காலங்கள்....
காகிதத்தில் சிறைப்பட்ட
கடந்த காலங்கள்...

[கீதம்]

காலங்கள் கடந்தபின்னும்
காலாவதியாகாத
கணக்குகளும் வழக்குகளும்
கவன இருப்பிலிருந்து மறைவதேயில்லை!
கள்ளிப்பெட்டியில் பத்திரப்படுத்தப்பட்டு
பூசைக்கு மட்டுமே பூமி பார்க்கும்
ஆயுதங்களைப்போலவே
அவையும் ஆழ்மனதில்
பம்மிப் பதுங்கி
தக்க நேரத்துக்குத் தவமிருக்கின்றன!